Artykuł amierykanskaha vydańnia pierakazaŭ «Choład».

Pa źviestkach kiraŭnicy fondu «Ruś sidiaŝaja» Volhi Ramanavaj, ź leta 2022 hoda na vajnu va Ukrainu byli zavierbavanyja kala 50 tysiač rasijskich źniavolenych. Heta prykładna 10 pracentaŭ ad usich asudžanych.

Ramanava adznačaje, što ŭ rasijskich kałonijach šyroka raspaŭsiudžany VIČ, hiepatyt S i suchoty — jak minimum adno z hetych zachvorvańniaŭ jość prykładna ŭ kožnaha treciaha źniavolenaha. Va ŭkrainskaj vajennaj raźviedcy havorać, što VIČ zaražanyja kala 20% rasijskich sałdat, nabranych z kałonij. U mnohich ź ich znajšli na rukach čyrvonyja i biełyja humovyja branzalety. Hetaja paznaka aznačaje, što čałaviek infikavany adnym z zachvorvańniaŭ, — nasić hetyja branzalety abaviazkova, kab papiaredžvać tavaryšaŭ pa słužbie ŭ vypadku ranieńnia.

VIČ-stanoŭčym rasijanam, jakija trapili ŭ pałon, va Ukrainie dajecca supraćvirusnaja terapija, piša The New York Times.

Były źniavoleny, jaki vajavaŭ u składzie PVK «Vahnier», raspavioŭ vydańniu, što byŭ paranieny za miesiac da taho, jak patrapiŭ u pałon — tady ŭ Rasii miedpiersanał akazaŭ jamu nieabchodnuju dapamohu, ale praihnaravaŭ čyrvony branzalet na jaho ruce, jaki sihnalizavaŭ ab infikavanaści. Inšy były viazień paćvierdziŭ, što ŭ «chaosie boju» branzalety mała što značać.

Treci surazmoŭca žurnalistaŭ adznačyŭ, što atrymlivaŭ leki dla prafiłaktyki VIČ, ale jany nie pracavali, tamu jon bajaŭsia za svajo žyćcio. Pry hetym jon padtrymlivaje palityku Jaŭhiena Pryhožyna pa nabory VIČ-stanoŭčych źniavolenych na front i kaža, što pahadziŭsia pajści na vajnu dziela druhoha šanca na svabodu i lačeńnie.

Jašče adzin apytany NYT pałonny rychtavaŭsia da taho, što nie dažyvie da kanca turemnaha terminu, a ŭ śniežni pahadziŭsia ŭstupić u PVK «Vahnier» i pravieści šeść miesiacaŭ na froncie — u abmien na pamiłavańnie i nadańnie supraćvirusnych preparataŭ. Pavodle jaho słoŭ, bolšaść jaho tavaryšaŭ pa słužbie zahinuli ŭ pieršy ž dzień, kali ich adpravili šturmavać Bachmut.

«Ja zrazumieŭ, što ŭ mianie budzie albo chutkaja, albo pavolnaja śmierć. Ja abraŭ chutkuju», — skazaŭ jon.

Клас
2
Панылы сорам
11
Ха-ха
1
Ого
1
Сумна
2
Абуральна
0