Śviet2121

Pasoł Kitaja pastaviŭ pad sumnieŭ lehitymnaść postsavieckich dziaržaŭ

Kiraŭniki MZS Łatvii, Litvy i Estonii adreahavali na słovy pasła Kitaja ŭ Francyi Lu Šaje, jaki ŭsumniŭsia ŭ suvierenitecie byłych savieckich respublik i zajaviŭ, što «Krym pieršapačatkova naležaŭ Rasii».

Teleintervju pasła Kitaja ŭ Francyi Łu Šaje. Kadr ź videa

Teleintervju pasła Kitaja ŭ Francyi Lu Šaje šviejcarskamu žurnalistu vyklikała šyroki rezanans.

Adkazvajučy na ​​pytańnie ab tym, ci zjaŭlajecca Krym častkaj Ukrainy, Lu Šaje skazaŭ, što ŭsio zaležyć ad taho, jak hladzieć na hetaje pytańnie. «Pierš za ŭsio… Krym pieršapačatkova naležaŭ Rasii, ci nie tak? A potym Chruščoŭ, u savieckija časy, pieradaŭ Krym Ukrainie», — skazała Šaje.

Žurnalist zapiarečyŭ, što pa mižnarodnym pravie Krym zjaŭlajecca častkaj Ukrainy.

Šaje adkazaŭ jamu, što pa mižnarodnym pravie byłyja respubliki Savieckaha Sajuza nie majuć nijakaha statusu. «U mižnarodnym pravie byłyja savieckija dziaržavy navat nie majuć statusu… jak by heta skazać… faktyčnaha statusu ŭ mižnarodnym pravie, tamu što niama mižnarodnaha dahavora, jaki materyjalizavaŭ by ich suvierenitet», — zajaviŭ pasoł Kitaja.

Na vykazvańni kitajskaha dypłamata adreahavali ŭ MZS Łatvii. U paniadziełak u ministerstva dla tłumačeńniaŭ vyklikali ŭpaŭnavažanaha pavieranaha ŭ spravach ambasady KNR u Ryzie, piša Delfi.

«Bieručy pad uvahu nieprymalnyja zajavy pasła Kitaja ŭ Francyi ab mižnarodnym pravie i nacyjanalnym suvierenitecie, Ministerstva zamiežnych spraŭ Łatvii patrabuje tłumačeńniaŭ», — napisaŭ kiraŭnik MZS Łatvii Edhars Rynkievič u Twitter.

Rynkievič zaznačyŭ, što hety krok uzhodnieny ź Litvoj i Estonijaj.

Pa słovach kiraŭnika MZS Litvy Habryelusa Łandśbierhisa, zajava kitajskaha dypłamata tłumačyć, čamu Piekin nie moža być pasrednikam u pieramovach pa ŭstalavańni miru va Ukrainie.

«Kali kamuści ŭsio jašče cikava, čamu krainy Bałtyi nie daviarajuć Kitaju jak «pasredniku ŭ dasiahnieńni miru va Ukrainie», to voś kitajski pasoł, jaki śćviardžaje, što Krym zjaŭlajecca rasijskim, a miežy pamiž našymi krainami nie majuć nijakich pravavych padstaŭ», — skazaŭ jon.

«Na praciahu mnohich hadoŭ Zachad kazaŭ, što ekanamičnaje supracoŭnictva pierakanaje dyktataraŭ padtrymać mižnarodny paradak, zasnavany na praviłach. Ale ŭsio, što my rabili, — heta karmili ich ekanomiku, dazvalajučy im parušać usie praviły. Kitaj robić staŭku na toje, što my paŭtorym hetuju pamyłku. Pryjšoŭ čas pasprabavać niešta inšaje», — napisaŭ Łandśbierhis u Twitter.

Ministr zamiežnych spraŭ Estonii Marhus Cachkna taksama asudziŭ słovy pasła Kitaja.

«Ministerstva zamiežnych spraŭ Estonii płanuje vyklikać pradstaŭnika KNR u Estonii, i, kali spatrebicca, prainfarmavać jaho ab našaj historyi. Naša meta — dać zrazumieć, što takija pohlady nieprymalnyja i što Estonija — suvierennaja dziaržava», — skazaŭ Cachkna.

Kamientary21

  • chch
    23.04.2023
    "Hłava II Konstitucii SSSR 1924 h. zakrieplała pravovoj status sojuznych riespublik. Sohłasno połožienijam etoj hłavy:
    — suvierienitiet sojuznych riespublik ohraničien liš v priediełach, ukazannych v Konstitucii SSSR, i liš po priedmietam, otniesiennym k kompietiencii Sojuza. Vnie etich priediełov každaja sojuznaja riespublika osuŝiestvlajet svoju hosudarstviennuju vłasť samostojatielno;
    — Sojuz SSR ochraniajet suvieriennyje prava sojuznych riespublik;
    — za každoj iz sojuznych riespublik sochraniajetsia pravo svobodnoho vychoda iz Sojuza;
    — sojuznyje riespubliki v sootvietstvii s Konstitucijej SSSR vnosiat iźmienienija v svoi konstitucii;
    — tierritorija sojuznych riespublik nie možiet byť iźmieniajema biez ich sohłasija;
    — dla hraždan sojuznych riespublik ustanavlivajetsia jedinoje sojuznoje hraždanstvo.
    Konstitucija SSSR 1936 h. nieskolko rasširiła połnomočija sojuznych riespublik, dopołnitielno nadieliv ich pravom:
    — vstupať v nieposriedstviennyje snošienija s inostrannymi hosudarstvami, zaklučať s nimi sohłašienija i obmienivaťsia dipłomatičieskimi i konsulskimi priedstavitielami (st. 18-a Konstitucii SSSR 1936 h.);
    — po formirovaniju riespublikanskich vojsk (st. 18-6 Konstitucii SSSR 1936 h.).
    Staťjej 76 Konstitucii SSSR 1977 h. sojuznaja riespublika priznavałaś suvieriennym hosudarstvom."

    tak Biełaruś i Ukraina ŭ 1945 ŭvajšli ŭ AAN nie ŭ składzie SSSR, a jak samastojnyja adzinki
  • Mafkees
    23.04.2023
    [Red. vydalena]
  • Abu
    23.04.2023
    Niedalokaja budučynia: "Carstva Cy abvieściła vajnu respublicy Cziń, skarystaŭšysia haračym žadańniem žycharoŭ Narodnych respublik Chań i Čžoŭ da samavyznačeńnia. Aliharchija Jan zachoŭvaje niejtralitet".

Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?6

Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?

Usie naviny →
Usie naviny

Jašče adna achviara niepahadzi: u Mahiloŭskim rajonie zahinuła 5-hadovaja dziaŭčynka

Na biełaruska-litoŭskaj miažy upieršyniu za doŭhi čas źjaviłasia čarha z aŭtobusaŭ1

Ryžankoŭ: Biełaruś hatova da dyjałohu z Polščaj pa situacyi na miažy19

U załatoj bucy na Jeŭra-2024 adrazu niekalki ŭładalnikaŭ

Jak adroźnivajucca ŭmovy pracy dla IP u Biełarusi i Litvie? 1

Anioł Śmierci. Historyja biełaruski, jakaja paviedamlaje rodnym zahinułych kalinoŭcaŭ pra ich hibiel2

Arhiencina vyjhrała Kubak Amieryki pa futbole — i heta taksama rekord

Jak adrazu paśla zamachu na Trampa sacsietki zapoŭnili teoryi zmovy i pry čym tut Iłan Mask30

U Breście zakansiervujuć ruiny 400-hadovaha klaštara. Heta adzinaje zbudavańnie, što zastałosia ad histaryčnaha Bieraścia4

bolš čytanych navin
bolš łajkanych navin

Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?6

Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?

Hałoŭnaje
Usie naviny →