Padobna, što Statkievič, Znak i Łosik praciahły čas znachodziacca ŭ ŠIZA — pravaabaroncy
Pra toje, što palitviaźni Mikałaj Statkievič, Maksim Znak i Ihar Łosik užo praciahły čas znachodziacca ŭ ŠIZA, vykazvaje mierkavańnie «Viciebskaja viasna», hruntujučysia na tym, što ad hetych palitviaźniaŭ ŭžo praciahły čas niama listoŭ, a listavańnie zabaronienaje akurat sa štrafnych izalataraŭ.
Zrešty, adnosna Maksima Znaka ŭdałosia atrymać i paćviardžeńnie: administracyja kałonii «Vićba-3» paviedamiła jahonaj žoncy i advakatcy Nadziei, što palitviazień nasamreč utrymlivajecca ŭ ŠIZA.
Žoncy Mikałaja Statkieviča z hłybockaj kałonii №13 uvohule nie adkazali ničoha. Niama adkazu i z Departamienta vykanańnia pakarańniaŭ.
Ad Maksima Znaka siamja nie atrymlivaje listoŭ paŭtara miesiaca. Apošni dopis ad jaho pryjšoŭ 9 lutaha. 20 lutaha rodnyja atrymali apošni list ad palitźniavolenaha žurnalista Ihara Łosika, jaki adbyvaje pakarańnie ŭ navapołackaj PK-1.
10 sakavika da Łosika nie puścili advakata, a 15 sakavika, jak stała viadoma pravaabaroncam, jon demanstratyŭna parezaŭ sabie lazom ruku i šyju. Heta było zroblena na znak niazhody z tym, što jamu pryhrazili źmiaščeńniem u ŠIZA — nibyta jon admoviŭsia «zajmacca prybirańniem pamiaškańnia».
Pra zdaroŭje syna i jahony psichałahičny stan sprabavali daviedacca baćki, pajechaŭšy ŭ navapołackuju kałoniju. Ale im skazali tolki toje, što ź Iharam «usio ŭ paradku», ale za parušeńnie režymu jon pazbaŭleny doŭhaterminovaha spatkańnia, jakoje płanavałasia ŭ kancy sakavika. 3 krasavika advakata da Ihara Łosika nie puścili znoŭ.
U takich situacyjach, kali ad palitviaźniaŭ doŭhi čas niama listoŭ, pravaabaroncy rajać nie chavać prablemu, a patrabavać adkazu ad administracyi pa miescy źniavoleńnia.
Jašče adzin adras, kudy možna źviarnucca — heta Departamient vykanańnia pakarańniaŭ. Raźličvać na chutki i vyčarpalny adkaz, praŭda, nie davodzicca, tamu ŭ listach varta zadavać kankretnyja pytańni — pra zdaroŭje, nastroj, pracoŭny hrafik, najaŭnaść spahnańniaŭ i h.d.
Prajekciroŭščyki pakazali, jak budzie vyhladać płošča Banhałor u Minsku. Im skazali padumać lepš8
Prajekciroŭščyki pakazali, jak budzie vyhladać płošča Banhałor u Minsku. Im skazali padumać lepš
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary