Usiaho patrochu11

Nas čakaje bolš stresaŭ u palotach: z-za źmieny klimatu turbulentnaść stanovicca bolš častaj źjavaj

U apošnija miesiacy niekalki samalotaŭ, jak nad Cichim akijanam, tak i nad Afrykaj, traplali ŭ takuju turbulentnaść, što niekatoryja pasažyry i členy ekipaža trapili ŭ balnicu z traŭmami. Pa słovach mietearołahaŭ, źmieny klimatu zrobiać turbulentnaść u jasnym niebie bolš raspaŭsiudžanaj źjavaj.

airplane wing flight

Niekalki dzion tamu akcior Mećju Makkonachi byŭ pasažyram samalota Lufthansa, u jaki ŭdaryła małanka. Samalot upaŭ bolš jak na kiłamietr i byŭ vymušany zrabić ekstrannuju pasadku. Siem čałaviek špitalizavali — pieravažna heta byli ludzi, nie pryšpilenyja ramianiami biaśpieki. U niadaŭnim intervju Keli Rypa akcior apisaŭ, jak čyrvonaje vino zavisła ŭ pavietry, a paśla ŭpała.

«Dzika strašna», — skazaŭ Makkonachi ŭ padkaście. «Poŭnaja strata kantrolu».

Fiederalnaje ŭpraŭleńnie hramadzianskaj avijacyi ZŠA ŭsio jašče rasśleduje rejs Lufthansa. Ale mietearołahi źviartajuć uvahu, što ŭ naš čas turbulentnaść budzie tolki nabirać abaroty — i heta źviazana sa źmienami klimatu, paviedamlaje WSJ. Jany skažajuć pavietranuju płyń, robiačy bolš vierahodnaj źjavu, što zaviecca «turbulentnaściu pry jasnym niebie».

Turbulentnaść ŭźnikaje, kali zakručanyja pavietranyja patoki cisnuć na kryło samalota, jakoje zatym ruchaje kryły ŭvierch i ŭniz abo korpus samalota z boku ŭ bok. Atmaśfierny cisk, źmiena kirunku vietru ci pavietra vakoł hor, chałodnyja abo ciopłyja franty — usio heta moža ŭpłyvać na ŭstresvańnie samalota.

Turbulentnaść, vyklikanaja zrucham vietru, to-bok raptoŭnymi źmienami jaho chutkaści i napramku, zaviecca turbulentnaściu pry jasnym niebie. Jana adbyvajecca na vialikaj vyšyni ŭ biaschmarnych rajonach. Samalot moža raptoŭna źmianić vyšyniu — i piłoty zvyčajna nie mohuć zahadzia vyjavić hety mocny typ turbulentnaści.

Pavodle daśledavańnia, apublikavanaha ŭ navukovym časopisie Nature u 2019 hodzie, z 1979 hoda vieličynia zruchu vietru ŭ pavietranaj płyni pavialičyłasia na 15%. Na vialikich vyšyniach, dzie latajuć samaloty, źmianieńnie klimatu pryvodzić da źmieny tempieratury — i heta stvaraje bolšy zruch vietru, havoryć prafiesar Poł Dzi Uiljams, daśledčyk atmaśfiernych navuk u Redynhskim univiersitecie ŭ Vialikabrytanii.

Daśledavańnie prafiesara pradkazvaje, što ŭzrovień turbulentnaści ŭ jasnym niebie ŭ siaredzinie Paŭnočnaha paŭšarja (a heta akurat Jeŭropa i Paŭnočnaja Amieryka) musić bolš čym padvoicca ciaham nastupnych troch-šaści dziesiacihodździaŭ.

Ale panikavać nie varta. Pa-pieršaje, avijacyja robić usio, kab abaranić pasažyraŭ i pryniać adpaviednyja miery — tak, niekatoryja avijakampanii dajuć piłotam dostup da śpiecyjalnych prahram, što fiksujuć turbulentnaść u režymie realnaha času i pieradajuć źviestki inšym samalotam. Pa-druhoje, mocnaja i niečakanaja turbulentnaść, što pryvodzić da traŭmaŭ, — pa-raniejšamu dastatkova redkaja źjava.

Pry hetym pakłapacicca pra svaju biaśpieku nikoli nie budzie zališnim.

Što treba pamiatać, kali vy ŭ samalocie?

  • Pryšpilicie ramiani biaśpieki. Piłoty i ściuardesy kažuć, što zastavacca pryšpilenym — heta najlepšy sposab abaranić siabie, kali vaš rejs niečakana sutykniecca z turbulentnaściu.
  • Vykonvajcie miery zaściarohi pry pieravozcy dziaciej, jakim mienš za dva hady. Rekamiendujecca vykarystoŭvać śpiecyjalnaje dziciačaje kresła. Avijakampanii nie patrabujuć, kab małyja dzieci mieli asobnyja miescy. Adnak Sara Nelsan, mižnarodny prezident Asacyjacyi bortpravadnikoŭ, zaklikaje, kab kožny pasažyr, niahledziačy na jaho ŭzrost, mieŭ svajo miesca.
  • Schavajcie svaju elektroniku i inšyja partatyŭnyja pryłady. Usio, što nie pryviazana, moža stać snaradam.
  • Pamiatajcie, što ryzyki nie takija vialikija. Turbulentnaść pałochaje, tamu što byvaje niečakanaj i niepryjemnaj, adnak jana nie stavić vaša žyćcio ŭ surjoznuju niebiaśpieku. Pa słovach piłotaŭ i fizikaŭ, samaloty skanstrujavanyja takim čynam, kab vytrymlivać navat mocnuju turbulentnaść. Tak što zrabicie hłyboki ŭdych i, jakim by banalnym heta nie zdavałasia, padumajcie, što ŭsio budzie dobra.

Čytajcie jašče:

Samalot trapiŭ u turbulentnaść takoj siły, što raskidała ježu, a pasažyraŭ stuknuła ab fiuzielaž

«Biełavija» adkryvaje čarhovy rejs u rasijski rehijon

U minskim aeraporcie pastaviać kitajskuju sistemu nadhladu pasažyraŭ

Kamientary1

  • American
    21.04.2023
    očieriednaja čuš. turbulentnosť nie imiejet ničieho obŝieho s iźmienienijem klimata, a klimat mieniajetsia na ziemle v tiečienii millionov let i nikakije žałkije potuhi ostanoviť etot prociess nie budut imieť uśpiecha. šamany rańšie puhali plemia zasuchoj ili navodnienijem jeśli im nie budut prinosiť jedu i mołodych dievstvieńnic, to žie samoje s iźmienienijem klimata v boleje sieŕjeznych masštabach. bieda v tom čto nasielenije ostałoś takim žie driemučim i vierit v skazki. 

Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju2

Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju

Usie naviny →
Usie naviny

Karbalevič: Minsk zahavaryŭ pa-inšamu, ale heta pakul tolki słovy, dziejańniaŭ minimum1

Što aznačajuć sihnały Łukašenki Polščy i Ukrainie?15

Łamin Jamal vypadkova pakazaŭ na VIDEA svaich hołych kalehaŭ4

Biełaruski błohier u samy skvar pasprabavaŭ pasmažyć jajki prosta na asfalcie. Ci atrymałasia?3

Viačorka: Łukašenka abvieścić datu svaich vybaraŭ, tolki kali skončacca amierykanskija5

Pamior mastak Valeryj Čajka. Jon afarmlaŭ minskaje mietro

Zialenski pra zajavu Budanava pra nastup Rasii z poŭnačy: Jaho nie tak zrazumieli1

Ralf Šumachier ździejśniŭ kaminh-aŭt16

Jakimi buduć vybary 2025 hoda? Razvažajuć Viačorka, Łatuška i Šrajbman52

bolš čytanych navin
bolš łajkanych navin

Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju2

Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju

Hałoŭnaje
Usie naviny →