Krevietki — toje, z čaho varta pačać znajomstva z morapraduktami. Heta nizkakałaryjny i dyjetyčny pradukt, u jakim mała tłuščaŭ, ale šmat białkoŭ, a taksama vitaminaŭ, tłustych kisłot i mikraelemientaŭ — cynku, jodu i kalcyju.
Kłasičnyja krevietki z časnočnym sousam. Fota: Diana Chistruga / The Spruce
Pa hetym kłasičnym recepcie hatujecca prosty sous z časnaku, biełaha vina i masła, jaki dobra spałučajecca z makaronaj ci łustaj chrumstkaha chleba.
Na 4 porcyi vam spatrebicca:
- 2 čajnyja łyžki masła
- 2 čajnyja łyžki aliŭkavaha abo inšaha aleju
- 4 zubčyki časnaku, zdrobnienyja
- paŭšklanki biełaha vina (suchoha, nie sałodkaha) ci bulonu — na vaš hust
- 1 čajnaja łyžka soli
- 1 čajnaja łyžka mołatych šmatkoŭ čyrvonaha piercu
- śviežamałoty čorny pierac
- 700 h bujnych krevietak, ačyščanych
- ⅓ šklanki narezanaj piatruški
- śviežavycisnuty sok pałoŭki cytryny
- dadatkam moža być makarona ci chrumstki chleb
Jak hatavać:
- U vialikaj patelni rastapicie masła z alejem. Dadajcie časnok i absmažvajcie da źjaŭleńnia vodaru, kala 1 chviliny. Dadajcie vino ci bulon, sol, šmatki čyrvonaha piercu i čorny pierac i daviadzicie da kipieńnia. Dajcie vinu ci bulonu vyparycca napałovu, heta zojmie ŭ vas kala dźviuch chvilin.
- Dadajcie krevietki i smažcie, pakul jany nie paružaviejuć — ad 2 da 4 chvilin u zaležnaści ad ich pamieru. Dadajcie piatrušku i limonny sok i padavajcie z makaronaj ci ź biełym chlebam.
Vam taksama mohuć spadabacca:
Try recepty makarony, jakija varta dadać u mieniu
Sałata z buraka i syru fieta — idealny bałans sałodkaha i salonaha
Łatuška pra 30 miljonaŭ jeŭra ad ES: Raniej za raźmierkavańnie adkazvaŭ Jahoraŭ. 33% išło na padtrymku rełakavanaha biznesu3
Kamientary
jem..