Upieršyniu prajšło biełaruskaje nabaženstva ŭ jurysdykcyi Kanstancinopalskaha patryjarchata
Usianočnaja na Vialikdzień u Vilni sabrała viernikaŭ, jakija nie chočuć bolš mirycca z tym, što Ruskaja pravasłaŭnaja carkva błasłaŭlaje vajnu i represii.
Słužyli protaijerej Hieorhij Roj i ijerej Alaksandr Kuchta, jany pierajšli z-pad jurysdykcyi Maskoŭskaj patryjarchii pad jurysdykcyju Kanstancinopalskaha patryjarcha.
Pamiaškańnie dla słužby im dała luteranskaja carkva.
Na słužbu sabrałasia kala 150 čałaviek, pieravažna moładź i ludzi siarednich hadoŭ. Śpiavaŭ chor. Malilisia ŭ tym liku za patryjarcha Kanstancinopalskaha Varfałamieja, jaki pryniaŭ pieršych biełaruskich śviataroŭ pad svoj amafor. Malilisia taksama za najskarejšaje skančeńnie vajny i represij.
Paśla słužby byli aśviačanyja paski — ich zaŭvažnaja ścipłaść, a bolšuju častku sabranych składali niadaŭnija ŭciekačy, kantrastavała z pyšnymi interjerami luteranskaj bažnicy.
Śviatary kožnamu z prysutnych padaryli pa vielikodnym jajku.
Na ŭsianočnaj prysutničała časovaja pavieranaja ŭ spravach Litoŭskaj Respubliki ŭ Respublicy Biełaruś Asta Andryjaŭskienie.
U niadzielu a 14-j ad Vostraj Bramy maje pačacca ekskursija pa pravasłaŭnych miaścinach Vilni.
«Toje, što chtości siadzić za palityku, źjaŭlajecca častkaj piejzažu». Biełaruska, jakaja naviedała radzimu paśla doŭhaha pierapynku, padzialiłasia ŭražańniami99
Kamientary