Śviet22

U Vialikabrytanii biełarus zajmaŭsia kibiermachlarstvam i atrymaŭ termin

Łondanski sud asudziŭ 43-hadovaha biełarusa da 3 hadoŭ i 4 miesiacaŭ turmy za ŭdzieł u internet-machlarstvie, u vyniku jakoha klijenty bankaŭ hublali sotni tysiač funtaŭ sterlinhaŭ. Pra heta paviedamiła Nacyjanalnaje ahienctva pa baraćbie sa złačynnaściu Vialikabrytanii (NCA).

Fota: Nacyjanalnaje ahienctva pa baraćbie sa złačynnaściu Vialikabrytanii

Biełarus vykarystaŭ skradzienyja asabistyja źviestki inšych ludziej dla adkryćcia bankaŭskich rachunkaŭ, jakija paśla vykarystoŭvalisia dla ździajśnieńnia supraćpraŭnaj dziejnaści i admyvańnia srodkaŭ, atrymanych niezakonnym šlacham, piša sajt «Biełaruś i śviet».

Biełarus i jaho saŭdzielniki vykarystoŭvali dla ŭčynieńnia złačynstvaŭ hateli i žyllo, jakoje zdymałasia na karotki čas. Adsiul jany źviazvalisia z achviarami praz telefon i z dapamohaj chitrych pryjomaŭ vymańvali ŭ ich hrošy.

Adna z paciarpiełych, naprykład, raskazała, što jana i jaje muž stracili amal 160 tysiač funtaŭ, kali fiktyŭny «supracoŭnik banka» patelefanavaŭ i skazaŭ, što treba pieravieści srodki na inšy rachunak praz pahrozu biaśpiecy. Jašče adzin čałaviek straciŭ 12,4 tysiačy funtaŭ, zapłaciŭšy za ŭžyvany BMW, jaki zatym tak dla jaho i nie materyjalizavaŭsia.

Brytanskija pravaachoŭniki vysačyli našaha suajčyńnika, źviazaŭšy bankaŭskija źviestki na adzin ź jahonych «psieŭdanimaŭ» dla słužby dastaŭki Deliveroo z kvateraj na vulicy Biejns-Kłoŭz ŭ łondanskim rajonie Saŭt-Krojdan.

Za mužčynam było ŭstanoŭlenaje nazirańnie, i palicejskija na praciahu 6 miesiacaŭ sačyli za tym, jak jon mianiaŭ vysakakłasnyja hateli i zdymnyja kvatery ŭ Łondanie i Pule.

Biełarus vykarystoŭvaŭ dla adkryćcia rachunkaŭ u asnoŭnym dva nabory asabistych źviestak — hramadzianina Małdovy i hramadzianina Bałharyi, jakija pra heta nie padazravali. Siarod inšaha, jon atrymaŭ padrobleny bałharski pašpart i ID-kartu.

Taksama biełarus u lutym 2020 hoda adkryŭ ahienctva nieruchomaści Look4Home, aformiŭšy dyrektarstva na adno z vykradzienych imionaŭ. U žniŭni 2021 hoda firma była zakrytaja. Praź jaje mierkavana admyli bolš za 55 tysiač funtaŭ.

Akramia taho, naš suajčyńnik zavałodaŭ danymi realnaj kampanii pa dohladzie dziaciej i adkryŭ na jaje imia bankaŭski rachunak, na jaki pieraličvaŭ niezakonna atrymanyja srodki. Dyrektarka kampanii pra isnavańnie rachunka nie viedała.

Biełarusa zatrymali ŭ kvatery ŭ łondanskim rajonie Krojdan u traŭni 2022 hoda. Tam apieratyŭniki kanfiskavali 10 mabilnych telefonaŭ, 4 noŭtbuki i 2 bankaŭskija karty na roznyja proźviščy. Na niekatorych mabilnych znajšli skrynšoty šmatlikich nielehalnych bankaŭskich tranzakcyj.

Śledčyja vyjavili vialikuju kolkaść rachunkaŭ fizičnych i jurydyčnych asob, jakich ašukancy płanavali zrabić celami svaich napadaŭ. Taksama palicejskija, padzialiŭšysia danymi z adpaviednymi bankami, zmahli nie dać «vyparycca» bolš čym 2 młn funtaŭ.

Biełarus pryznaŭ, što akazvaŭ złačynnaj sietcy dapamohu ŭ atrymańni najaŭnych skradzienych hrošaj, jakija pastupali na jaho rachunki, pry hetym pakidajučy sabie kala 40 adsotkaŭ. Jamu pradjavili adno abvinavačvańnie ŭ admyvańni hrošaj, dva — u zachoŭvańni paśviedčańniaŭ asoby dla nienaležnych metaŭ i adno — u zachoŭvańni abjektaŭ dla vykarystańnia ŭ metach machlarstva.

Na słuchańniach spravy 22 vieraśnia 2022 hoda ŭ kryminalnym sudzie Saŭtuarka naš suajčyńnik pryznaŭ siabie vinavatym pa ŭsich epizodach, a 11 krasavika 2023 hoda jamu byŭ vyniesieny prysud — 3 hady i 4 miesiacy turmy.

Paśla adbyćcia pakarańnia mužčynu vyšluć z krainy.

Kamientary2

  • Oleh
    15.04.2023
    Dienis Kupcievič. Hoža kak u vsiej oppozicii
  • Čie Buraška
    15.04.2023
    Hłavnoho dobiłsia, skoro vierniotsia k svojemu idołu Łukašienko, k syrkam hłazirovannym i mołočkie s płombirom za 20kop s hriečkoj.

Litva zabaraniaje ŭjezd aŭto na biełaruskich numarach15

Litva zabaraniaje ŭjezd aŭto na biełaruskich numarach

Usie naviny →
Usie naviny

Pamior Ihar Hips

«Kali ŭpała pieršaja ldzinka, ja zrazumieła, što ŭsio». Hrad pamieram z kurynaje jajka paškodziŭ mašynu biełaruski2

U Biełarusi zatrymali litoŭca, jaki abvinavačvajecca na radzimie ŭ zabojstvie2

Cichanoŭskaja: Abmiežavańni na miažy nie zakranuć aŭtobusy i maršrutki22

Litoviec raskazaŭ, jak trapiŭ u połk Kalinoŭskaha3

Palicyja zatrymała ŭ Varšavie biełarusa, jaki pryjšoŭ u ministerstva ź niebiaśpiečnymi pradmietami3

«Pakul uzajemnaści nie bačym». Łukašenka narakaje, što nie moža damovicca z Polščaj i Litvoju29

Navukoŭcy znajšli na Miesiacy piačoru. Jany spadziajucca, što ŭ joj kali-niebudź pasielacca astranaŭty1

Na Alimpijadu ad Biełarusi jedzie minimalnaja ŭ historyi kolkaść udzielnikaŭ — 16 čałaviek6

bolš čytanych navin
bolš łajkanych navin

Litva zabaraniaje ŭjezd aŭto na biełaruskich numarach15

Litva zabaraniaje ŭjezd aŭto na biełaruskich numarach

Hałoŭnaje
Usie naviny →