Usiaho patrochu

«Byvaj, Vieniecyja!» i «Dobry dzień, Połack!» Połackija bajdaračniki pačynajuć novy siezon, a ad jaho niespadziavanaha pačatku zastałosia ŠMAT FOTA

Jak raniej užo paviedamlałasia, raźliŭ Dźviny ŭ Połacku adkryŭ novyja mahčymaści dla vodnaha turyzmu, jakimi adrazu skarystalisia ŭdzielniki kłuba amataraŭ aktyŭnaha adpačynku «Bajdaračniki Połaččyny». 

Novy maršrut «U pošukach Rahvałoda» abo «Połackaja Vieniecyja» nabyŭ nievierahodnuju papularnaść. Kab prajści pa im, u Połack pryjazdžali navat žychary inšych haradoŭ.

Fota: «Bajdaračniki Połaččyny»

Uzrovień vady ŭ Dźvinie na samym piku padymaŭsia vyšej za adznaku 11 mietraŭ. Dzionnyja i viačernija spłavy pa Połackaj Vieniecyi bajdaračniki pravodzili ceły tydzień, lubujučysia vidami horada ź niezvyčajnych rakursaŭ.

Na pamiać im zastalisia fantastyčna pryhožyja fatahrafii na fonie Safijskaha i Bohajaŭlenskaha saboraŭ, Muzieja biełaruskaha knihadrukavańnia, mosta ź viačerniaj padśvietkaj, piša miascovy resurs Gorod214.by.

Niezabyŭnyja ŭražańni pakinuli vodnyja prahułki pa biarozavym hai i častcy zatoplenaj terytoryi parku kala Kurhana nieŭmiručaści.

«Šykoŭny, cudoŭny, vieličny», — nie stamlalisia zachaplacca rodnym horadam bajdaračniki.

Z uražańniaŭ:

«Połack z vady vydatny! Asabliva ŭ viačerni čas: adlustravańnie ŭ vadzie Safijskaha i Bohajaŭlenskaha saboraŭ, mastoŭ, vulicy Nižnie-Pakroŭskaja. Uzvyšajučysia nad vadoj, turystyčnyja abjekty paŭstajuć va ŭsioj svajoj pyšnaści. Heta nie pieradać słovami — heta treba bačyć! Pryroda ŭ čarhovy raz pakazała nam svaje cudy. Treba tolki hladzieć, zapaminać i dzialicca z tymi, kaho nie było z nami».

Ale vada ŭ race pačała spadać, i z «Vieniecyjaj» daviałosia raźvitacca da nastupnaj vialikaj pavodki. Zrešty, sumavać amatary aktyŭnaha adpačynku nie majuć namieru.

Užo na paniadziełak anansavany viačerni spłaŭ-ekskursija «Połack — pohlad z vady» pa samym papularnym maršrucie ciopłaha siezona.

Tak što «Byvaj, Vieniecyja!» i «Dobry dzień, Połack!». Dla pałačan heta samy najlepšy, samy lubimy horad na ziamli, spaścihać tajamnicy jakoha i pa vadzie, i pa sušy možna da biaskoncaści.

Kamientary

Niemiec, prysudžany da rasstrełu, datyčny da dyviersij? Voś što za historyja heta mahła być6

Niemiec, prysudžany da rasstrełu, datyčny da dyviersij? Voś što za historyja heta mahła być

Usie naviny →
Usie naviny

30-chvilinny marynad dla prostaha kurynaha šašłyka6

Jak źmianić biełaruskija numary na litoŭskija. Što treba i kolki kaštuje pracedura?15

Iryna Faryjon pamierła ŭ balnicy15

Stary paplečnik Łukašenki paraŭnaŭ jaho z ajatałoj Chamiejni. Paraŭnańnie tak sabie2

Na Miency raskapali ŭžo try rady hakavych draŭlanych kanstrukcyj FOTA3

16-hadovaja biełaruska ŭpała z šostaha paviercha ŭ Varšavie

Iryna Abielskaja stała zasłužanaj doktarkaj17

Połk Kalinoŭskaha aficyjna paćvierdziŭ zamienu svajho kamandzira i zajaviŭ pra refarmavańnie20

Polšča raspačała palavańnie na kampanii, jakija abychodziać sankcyi suprać Biełarusi i Rasii1

bolš čytanych navin
bolš łajkanych navin

Niemiec, prysudžany da rasstrełu, datyčny da dyviersij? Voś što za historyja heta mahła być6

Niemiec, prysudžany da rasstrełu, datyčny da dyviersij? Voś što za historyja heta mahła być

Hałoŭnaje
Usie naviny →