Ježa22

Z razynkami, cukatami, arechami. Kolki kaštujuć vielikodnyja bułki 

Na źmienu ścipłaj daŭniejšaj vielikodnaj babki pryjšła vykštałconaja vypiečka. Ciapierašnija paski ździviać i zadavolać samaha pieraborlivaha łasuna. U kramach — vielikodnyja rasprodažy, a kandytary vydumlajuć novyja recepty.

Bresckija paski aśviacili pierad adpraŭkaj u prodaž. Fota: virtualbrest.ru

U sietkavych kramach Minska ceny na vielikodnyja pirahi startujuć ad 2,29 rubla. Stolki kaštuje paska ŭ ProStore. Green prapanuje 350-hramovuju vielikodnuju bułku «Krafin s šakaładam» za 6,99 rubla. A ŭ «Susiedziach» cana 500-hramovaha kuliča «Śviatočny» — 8,99 rubla.

Minskaja piakarnia «Ćjery» abviaściła, što da Vialikdnia prymaje zakazy na 300-hramovuju słojenuju bułku, azdoblenuju cukatami z ananasaŭ, žuravin i razynak. Da ŭsiaho hetaha vypiečka — u vanilna-romavaj prapitcy. Jaje košt — 11,70 rubla.

Kłasičny ža kieks vahoju 430 hramaŭ u hetaj piakarni tańniejšy — 6,70 rubla. Jon śpiečany na śmietankovym maśle i viarškach, dadadzienaja cedra limona dy vanilnaja hłazura.

Paska kandytaraŭ z «Ćjery». Fota: instagram.com/thierry_bakery

Homielskija piekary paabiacali da Vialikdnia vypiečy nie mienš za 45 ton pasak. Kali płan budzie vykanany, to kožny žychar abłasnoha centra moža raźličvać na kiłahram vielikodnaha chleba. Pirahi hatujuć tvarožnyja, droždžavyja, z cukatami i suchafruktami, z roznymi pasypkami i dekoram.

Vielikodnyja bułki ad homielskich chlebapiokaŭ. Fota: t.me/VOkanal2020

Na sajtach dziaržaŭnych piakarniaŭ raźmieščanyja fota i apisańni vyrabaŭ biez paznačeńnia cen.

«Roźničnaja cana ŭ roznych handlovych abjektach horada moža adroźnivacca», — patłumačyli ŭ adnoj ź ich.

U bujnych sietkavych kramach Homiela — vielikodny rasprodaž.

Ceny na 300-hramovyja paski — ad 4,5 da 6,5 rubla. Najtańniejšaja z razynkami — 4,49 rubla, a z cukatami najdaražejšaja — 6,49 rubla.

Znajści piroh možna i tańniejšy — za try rubli.

U Homieli adzin ź miascovych servisaŭ dastaŭki prapanuje pryvieźci klijentu kiłahramovuju tvarožnuju babku za 25,90 rubla. Kulič «Vielikodny» z pamadkaj abydziecca ŭ 21,5 rubla. Biudžetny varyjant: kiłahramovaja paska z cukrovaj pudraj — 14,90 rubla.

Tym, chto choča adznačyć Vialikdzień z razmacham, prapanujuć zakazać vielikodny košyk vahoju 870 hramaŭ za 60 rubloŭ.

U Mahilovie niedarahija, ad dvuch rubloŭ, paski pradajucca ŭ kramach. Naprykład, u adnym ź miascovych mahazinaŭ adšukaŭsia 250-hramovy «Kulič paschalny» za 1,99 rubla. «Kieks tvarožny» u hetaj ža kramie daražejšy — 5,49 rubla.

Naohuł ža, u mahiloŭskich kramach cana 450-hramovaj paski vahajecca ad 2,5 da 5 rubloŭ. Daražejšyja tvarožnyja babki — ad 3,5 rubla.

Vielikodnaja bułka z Mahilova. Fota: instagram.com/bakehouseby

U papularnaj miascovaj kaviarni Bakehouse vielikodnyja kuličy vahoju ŭ 450 hramaŭ pa adnolkavaj canie — 5,99 rubla. Pry žadańni klijenta vypiečku dastaviać jamu dadomu.

Cana vielikodnaj babki viciebskich chlebapiokaŭ — ad 5,50 rubla. Naprykład, za 450-hramovy kieks «Vaskrasienski» prosiać 5,67 rubla, a za «Hrafski» takoj ža vahi — 6,05 rubla.

Na rasprodažach u sietkavych kramach 120-hramovy kulič z razynkami kaštuje 1,19 rubla. 700-hramovy «Karavaj zdobny» z suchafruktami ŭ vyhladzie vielikodnaj biełaruskaj paski kaštuje 8,19 rubla.

Paska ad hrodzienskich kandytaraŭ. Fota: instagram.com/ponchikoff_grodno

U Hrodnie i Breście ceny na Vielikodnyja bułki ŭ sietkavych kramach nie adroźnivajucca ad padobnaj pradukcyi ŭ inšych abłasnych centrach. Kankurencyju im składajuć pryvatnyja piakarni i kaviarni.

U hrodzienskaj kulinaryi «Załatoje ciala» 130-hramovaja paska ź jajkami kaštuje 2,5 rubla. U piakarni «Chlebnaja krama» ceny vyšejšyja. Za stohramovy kulič z razynkami tam prosiać 6,5 rubla. A 350-hramovuju babku ź vialenaj višniaj, cukatami i razynkami ŭ bary «Pončikoff» vypiekuć za 18 rubloŭ.

Bresckija paski. Fota: virtualbrest.ru

U Breście miascovyja majstry hatovyja ŭziacca za vypiakańnie 400-hramovaj paski, načynienaj razynkami, arechami, cukatami, suchafruktami, što budzie kaštavać ad 10 rubloŭ.

«Naša Niva» — bastyjon biełaruščyny

PADTRYMAĆ

Hladzicie taksama:

Apielsinavy vielikodny piroh z šakaładam — prosty recept, a niezvyčajny

Recepty vielikodnaha stała: krašanki, paska, zapiečanaje miasa

U Dana Mall adkryli novuju vielikodnuju ekspazicyju. Jak jana vyhladaje?

Kamientary2

  • Čarkaškvarka
    14.04.2023
    I tut rašyli sadrać try škury. U zahnivajučym zachadzie bułki tańniej
  • jer
    14.04.2023
    maskovskaja viera - ZŁO i osnovnaja pričina našiej situacii...

Niemiec, prysudžany da rasstrełu, datyčny da dyviersij? Voś što za historyja heta mahła być6

Niemiec, prysudžany da rasstrełu, datyčny da dyviersij? Voś što za historyja heta mahła być

Usie naviny →
Usie naviny

Jak źmianić biełaruskija numary na litoŭskija. Što treba i kolki kaštuje pracedura?15

Iryna Faryjon pamierła ŭ balnicy15

Stary paplečnik Łukašenki paraŭnaŭ jaho z ajatałoj Chamiejni. Paraŭnańnie tak sabie2

Na Miency raskapali ŭžo try rady hakavych draŭlanych kanstrukcyj FOTA3

16-hadovaja biełaruska ŭpała z šostaha paviercha ŭ Varšavie

Iryna Abielskaja stała zasłužanaj doktarkaj16

Połk Kalinoŭskaha aficyjna paćvierdziŭ zamienu svajho kamandzira i zajaviŭ pra refarmavańnie18

Polšča raspačała palavańnie na kampanii, jakija abychodziać sankcyi suprać Biełarusi i Rasii1

Łukašenka zahadaŭ adpraŭlać na likvidacyju nastupstvaŭ urahanu palitźniavolenych18

bolš čytanych navin
bolš łajkanych navin

Niemiec, prysudžany da rasstrełu, datyčny da dyviersij? Voś što za historyja heta mahła być6

Niemiec, prysudžany da rasstrełu, datyčny da dyviersij? Voś što za historyja heta mahła być

Hałoŭnaje
Usie naviny →