Mierkavańni

«Było peŭnaje spadziavańnie». Valeryj Kavaleŭski raspavioŭ, jak da Pucina stavilisia ŭ 90-ja biełaruskija i amierykanskija dypłamaty

Pra staŭleńnie biełaruskich dypłamataŭ da prezidenta Rasii Uładzimira Pucina ŭ kancy 1990-ch, kali jaho tolki abrali, u vialikaj hutarcy «Tok» raskazaŭ siabra Abjadnanaha pierachodnaha kabinieta Valeryj Kavaleŭski, jaki ŭ toj čas pracavaŭ u Ministerstvie zamiežnych spraŭ Biełarusi.

Uładzimir Pucin u atačeńni vajskoŭcaŭ. Fota: Minabarony RF

Na momant abrańnia Pucina na post prezidenta Rasii Valeryj Kavaleŭski byŭ u Vašynhtonie. Novuju fihuru na čale Rasii tady mnohija sustreli dastatkova stanoŭča. 

«Adnosiny da Pucina byli dosyć stanoŭčymi. Novy tvar, jaki pavodziŭ siabie vielmi libieralna. Na pačatku 2000-ch u jaho byli niebłahija zadatki.

Ja ŭ toj čas znachodziŭsia ŭ biełaruskaj ambasadzie ŭ Vašynhtonie. Tady prymaŭsia Akt ab demakratyi ŭ Biełarusi. Tam u tekście, jaki, zdajecca, nie prajšoŭ, byŭ zaklik da kiraŭnictva Rasijskaj Fiederacyi paŭpłyvać na Alaksandra Łukašenku, kab u Biełarusi adbyvałasia demakratyzacyja.

U toj čas Rasija ŭsprymałasia jak lidar demakratyčnaha pracesu ŭ rehijonie. Pieršy čas na heta pahladali ź cikaŭnaściu, a paśla heta stała prosta absurdna, i takaja tema prosta z časam advaliłasia».

Valeryj Kavaleŭski ŭ studyi kanała "Tok"
Valeryj Kavaleŭski ŭ studyi kanała «Tok». Skrynšot videa «Tok»

Valeryj Kavaleŭski nie chavaje, što ŭ jaho taksama byli peŭnyja spadziavańni adnosna asoby Uładzimira Pucina. Ale jany chutka skončylisia.

«Było peŭnaje spadziavańnie i ŭ mianie taksama, što voś hetaja novaja maładaja kroŭ, niezaanhažavanaja ŭ kamunistyčnyja niejkija spravy. Prosta novy małady lidar, jaki moža štości zrabić dla našaha rehijona. Ale heta skončyłasia prykładna ŭ 2002 hodzie, kali stała zrazumieła, što ŭ Pucina zusim inšaja prahrama».

Na dumku byłoha dypłamata, na źmienu palityčnaj prahramy Pucina paŭpłyvała irakskaja vajna.

«Dumaju, što irakskaja vajna stała dla jaho takim «aknom mahčymaściaŭ», jakoje skinuła ź jaho peŭnyja kajdanki, i jon zrazumieŭ, što znachodzicca ŭ ahresiŭnym mižnarodnym asiarodździ, dzie jość vielmi šmat mahčymaściaŭ. Tamu ŭvarvańnie Złučanych Štataŭ u Irak stvaryła novyja ŭmovy dla takich ludziej, jak Pucin.

Da hetaha jon hladzieŭ na siabie jak na prezidenta ścipłaj krainy, jakaja niadaŭna była supierdziaržavaj, i na hetym fonie padumaŭ: «A čamu mnie nie padumać pra štości takoje ambitnaje, što mianie budzie vyłučać na ahulnym fonie?»

Hetamu, kaniešnie, dapamoh vielmi chutki rost cen na naftu. Heta dało Pucinu značnyja resursy, kab realizoŭvać svaje ambicyi».

Hladzicie całkam:

Kamientary

Banki źnižajuć prybytkovaść pa valutnych depazitach da 0,1%. Tłumačym matematyku1

Banki źnižajuć prybytkovaść pa valutnych depazitach da 0,1%. Tłumačym matematyku

Usie naviny →
Usie naviny

Redaktarku haziety Mazyrskaha NPZ, jakuju zatrymlivali za «ekstremizm», zvolnili i zamianili na prapahandysta z Rahačova

Na Vaŭpšasava ŭ Dražni mašyna amal całkam syšła pad vadu FOTAFAKT

Aryna Sabalenka: Plačo zažyło. Na hetym tydni ja pačynaju hulać1

Kamaroŭski rynak pieratvaryŭsia ŭ sapraŭdnaje mora VIDEA6

Siłaviki ŭ Breście zatrymali dyrektara kampanii za ŭdzieł u pratestach u žniŭni 2020 hoda

U Minsku z-za patopu zakryli stancyju mietro «Park Čaluskincaŭ» VIDEA

«U Biełarusi maju muzyku rekłamavała KDB, a ŭ Polščy — palicyja». Bancar prakamientavaŭ svajo zatrymańnie ŭ Varšavie9

Litva raźviarnuła na miažy bolš za 20 mašyn ź Biełarusi — u tym liku z hramadziankaj Litvy za rulom5

Minsk siońnia pajšoŭ pad vadu FOTY13

bolš čytanych navin
bolš łajkanych navin

Banki źnižajuć prybytkovaść pa valutnych depazitach da 0,1%. Tłumačym matematyku1

Banki źnižajuć prybytkovaść pa valutnych depazitach da 0,1%. Tłumačym matematyku

Hałoŭnaje
Usie naviny →