Vajna33

U Rasii znajšli ŭžo siem mohiłak, na jakich masava chavajuć zahinułych vahnieraŭcaŭ

U roznych rehijonach Rasii praciahvajuć vyjaŭlać masavyja pachavańni ludziej, jakija mahli vajavać na terytoryi Ukrainy ŭ składzie PVK «Vahnier». Ruskaja słužba Bi-bi-si piša pra prynamsi siem viadomych na siońniašni dzień takich mohiłak, na jakich u ahulnym liku pachavana jak minimum 995 čałaviek.

Pryhožyn na fonie vahnieraŭskich mohiłak
Fota: TASS

U krasaviku miascovyja žychary vyjavili jašče dva takija masavyja pachavańni, jakija raniej nie zhadvalisia — na Husinabrodskich mohiłkach Novasibirska i na Alaksandraŭskich mohiłkach kala Irkucka.

Čaściej za ŭsio zavierbavanych u PVK źniavolenych, vyzvalenych dziela ŭdziełu ŭ vajnie z kałonij, chavajuć u tych miescach, dzie žyvuć ich blizkija. Ale ciapier viadoma i pra niekalki dziasiatkaŭ vypadkaŭ, kali zahinułych, u jakich byli blizkija svajaki, chavali ŭ inšych rehijonach i biez paviedamleńnia svajakam.

Tak, na pačatku krasavika vałanciory vyjavili na Husinabrodskich mohiłkach Novasibirska asobny ŭčastak z 69 śviežymi mahiłami, na kožnaj ź jakich lažaŭ vianok z čyrvona-čorna-žoŭtaj emblemaj, jakaja sustrakajecca na našyŭkach i ściahach PVK «Vahnier».

Dziasiatki novych mahił źjavilisia i na mohiłkach Irkucka. Miascovyja žychary kažuć, što ciapier na adnym z učastkaŭ Alaksandraŭskich mohiłak raźmieščana pa mienšaj miery 40 mahił z čyrvona-čorna-žoŭtymi viankami. Na fotazdymkach možna vyrazna adroźnić pa mienšaj miery 11 pachavańniaŭ.

U sakaviku bolš za 60 adnastajnych mahił ź viankami ŭ kolerach PVK «Vahnier» byli vyjaŭlenyja kala horada Biarozaŭski ŭ Śviardłoŭskaj vobłaści. Ciapier na hetych mohiłkach 106 mahił, prytym dabracca da častki pachavańniaŭ pakul niemahčyma z-za asablivaściaŭ hruntu — hlinistaja hleba napoŭniłasia vadoj.

Ab vyjaŭleńni masavaha pachavańnia asob, jakija mahli vajavać na terytoryi Ukrainy ŭ składzie PVK «Vahnier», Bi-bi-si paviedamiła ŭ lutym. Na toj momant na mohiłkach, što znachodziacca na akupavanaj Rasijaj častcy Łuhanskaj vobłaści, naličvałasia 42 mahiły. Z tych časoŭ na hetych mohiłkach źjaviłasia jašče 36 mahił.

64 mahiły z adnatypnymi kryžami i viankami ŭ kolerach PVK «Vahnier» byli vyjaŭlenyja miascovymi žycharami na mohiłkach vioski Mikałajeŭka Samarskaj vobłaści na pačatku sakavika. Za miesiac kolkaść mahił z čorna-žoŭta-čyrvonymi viankami ŭ Mikałajeŭcy pavialičyłasia amal u dva razy (z 64 da 102).

Samyja bujnyja i samyja viadomyja mohiłki PVK «Vahnier» — u stanicy Bakinskaj Krasnadarskaha kraju. Na 2 krasavika tam naličvałasia 607 mahił, i ich kolkaść praciahvaje imkliva pavialičvacca. Pa słovach Jaŭhiena Pryhožyna, u Bakinskaj chavajuć sirot i tych, chto nie ŭkazaŭ u dakumientach pažadańniaŭ ab kankretnym miescy pachavańnia. Choć nasamreč, prynamsi niekatoryja svajaki śćviardžajuć, što im prosta ničoha nie paviedamlali pra śmierć ich rodzičaŭ.

Urešcie, na pačatku lutaha žychary padmaskoŭnaha pasiołka Franava vyjavili ŭ susiednim pasiołku novuju mohiłkavuju aleju z 22 mahił ź viankami ŭ kolerach PVK «Vahnier». Pa słovach žycharoŭ pasiołka, nichto z pachavanych nie byŭ im znajomy. Imiony 18 ludziej całkam supali sa źviestkami ludziej, u dačynieńni da jakich byli apublikavanyja prysudy sudoŭ ab pazbaŭleńni voli na roznyja terminy.

Miarkujučy pa adkrytych źviestkach, źniavolenyja, jakija vajujuć u składzie PVK «Vahnier», niasuć samyja vysokija straty ŭ paraŭnańni ź inšymi ŭdzielnikami rasijskaha ŭvarvańnia va Ukrainu. Na asnovie adkrytych krynic Bi-bi-si, «Miedyjazonie» i kamandzie vałancioraŭ na siońniašni dzień udałosia vyśvietlić imiony 2901 rasijskaha źniavolenaha, jaki zahinuŭ na vajnie va Ukrainie. Realnyja ličby strat, treba dumać, značna vyšejšyja.

Kamientary3

  • viestnik
    11.04.2023
    baby isčo narožajut pušiečnoho miasa dla putlera
  • Abrams
    11.04.2023
    Cikava pry hetym, što zabaronu i adkaznaść za zdymki na mohiłkach uvodziać va Ýkrainie, a nie ý Rasiei. U ukraincaý tak sama zabarona na raskryćcie strat
  • AlesGut
    12.04.2023
    Abrams, ukraincy hinuć za svaju krainu, a voś za što hinuć tyja vahnieraŭcy nichto nia viedaje

Stała viadoma imia čałavieka, jakoha siłaviki nazvali pieršym zatrymanym pa spravie «Hajuna»13

Stała viadoma imia čałavieka, jakoha siłaviki nazvali pieršym zatrymanym pa spravie «Hajuna»

Usie naviny →
Usie naviny

Tramp uvodzić sankcyi suprać Mižnarodnaha kryminalnaha suda21

Papularny DNK-servis abnaviŭ danyja. U biełarusaŭ rezka vyrasła dola bałtyjskich hienaŭ64

Psichołah: Mužčynam lepš nie stavić fota z šašłykom na sajcie znajomstvaŭ22

Handlovaja sietka «Try cany» značna pašyrycca na Rasiju

Kitaj, imavierna, pabudavaŭ samuju vialikuju ŭ śviecie padłodku-bieśpiłotnik1

Pad Dobrušam dyrektarka ahrapradpryjemstva dva miesiacy źbivała hałoŭnuju buchhałtarku8

Šarenda-Panasiuk: Heta jak uvaskrašeńnie ź miortvych. Ja dumała, što ŭžo nie vyjdu21

«U Jeŭropie reč moža kaštavać 30 jeŭra, a ŭ nas — usie 100». Biełarusy raskazali, jak kuplajuć brendavyja rečy, jakija nie pradajucca na radzimie4

U minskim parku Horkaha adkryłasia kaviarnia ź niezvyčajnym dyzajnam

bolš čytanych navin
bolš łajkanych navin

Stała viadoma imia čałavieka, jakoha siłaviki nazvali pieršym zatrymanym pa spravie «Hajuna»13

Stała viadoma imia čałavieka, jakoha siłaviki nazvali pieršym zatrymanym pa spravie «Hajuna»

Hałoŭnaje
Usie naviny →

Zaŭvaha:

 

 

 

 

Zakryć Paviedamić