Kataliki i pratestanty adznačajuć Vialikdzień. Chrystos uvaskros!
Ryma-kataliki, hreka-kataliki i pratestanty adznačajuć Vialikdzień — śviata ŭ pamiać pra ŭvaskresieńnie Chrysta.
«Niachaj Vialikdzień pryniasie kožnamu z nas novaje žyćcio, niahledziačy na toje, jakija katastrafičnyja padziei adbyvajucca ŭ śviecie i ŭ našym asabistym žyćci. Niachaj hetaja paschalnaja ŭračystaść adkryje mahiły strachu, nianaviści, hrachu, kłopataŭ, ciažkaściaŭ i napoŭnić nas nadziejaj.
Niachaj Uvaskresły Chrystos aśviatlaje svaim śviatłom usiu ciemru našaha žyćcia, niachaj pryniasie nam nadzieju i spakoj! Niachaj Chrystos siońnia ŭvaskreśnie ŭ kožnym z nas!» — skazaŭ u svaim słovie na Vialikdzień arcybiskup Juzaf Stanieŭski, Mitrapalit Minska-Mahiloŭski.
Arcybiskup Tadevuš Kandrusievič u svajoj pramovie dadaje, što my nie vybirajem času, u jaki nam vypała žyć, ale vybirajem sposab taho, jak žyć u im, — pavodle Božaha zakonu ci nasupierak jamu. A kab žyć zhodna z Božym zakonam, my pavinny być mocnymi praŭdaj uvaskresieńnia i nie bajacca patrabavać ad samich siabie, nie šukać vinavatych, ale samim stanavicca lepšymi i bolš daskanałymi.
«Niachaj uvaskresły Chrystos uvaskresić nas i našuju Baćkaŭščynu z mahiły hrachoŭ i adoryć patrebnymi łaskami dla budavańnia novaha śvietu pavodle novaj, pabudavanaj na pryncypach Jevanhiella łohicy praŭdy, miru, spraviadlivaści, prabačeńnia i ŭzajemnaj lubovi»,
— skazaŭ arcybiskup Tadevuš Kandrusievič, staršynia Kamisii ahulnaha dušpastarstva pry Kanfierencyi katalickich biskupaŭ u Biełarusi.
Chrystos uvaskros! Sapraŭdy ŭvaskros!
«Ja pavinien pazvanić našamu kurataru». Jak zavozili mihrantaŭ u Biełaruś — cikavyja detali ź pierachoplenych telefonnych razmoŭ4
Kamientary
u vas kros