Apytali aficeraŭ pra raźmiaščeńnie jadziernaj zbroi ŭ Biełarusi. Voś jakaja ich acenka situacyi
«Naša Niva» paprasiła dziejnych aficeraŭ biełaruskaj armii prakamientavać płany Rasii raźmiaścić u Biełarusi taktyčnuju jadziernuju zbroju.
«Ja ŭsprymaju heta jak adkaz Pucina na ŭstupleńnie Finlandyi ŭ NATA. Pa praviłach, jamu treba niečym adkazvać. A adkazvać niama čym — vajna pakazała słabaść rasijskaj armii, vojski zadziejničanyja na froncie. Pierasunuć u adkaz jadziernuju zbroju troški na zachad — adzinaja, faktyčna, opcyja, jakaja Pucinu dasiažnaja ciapier», — skazaŭ nam aficer biełaruskaha vojska.
«Ja dumaju, budzie rasijskaja pastajannaja vajskovaja baza ź jadziernaj zbrojaj na terytoryi Biełarusi. Piersanał tam budzie rasijski. U toje, što Łukašenku Pucin davieryć chacia b kavałačak bojehałoŭki, — ja nie vieru, — skazaŭ druhi aficer. — Razvahi pra toje, što Łukašenka budzie na niešta ŭpłyvać, usprymaju jak kazki.
Ruskija jaho spačatku kupili na toje, što biełaruskich piłotaŭ padrychtujuć dla vykarystańnia jadziernych rakiet, ale što dalej? Padrychtavali i padrychtavali, trymajcie značok.
Łukašenku chočacca być vialikim palitykam, upłyvać na losy płaniety. Ciapier jaho kuplajuć na mahčymaść stać zaŭvažnym».
«Sam ja kateharyčna suprać raźmiaščeńnia jadziernaj zbroi. Heta robić nas zakładnikami čužoj voli i daje ruskim padstavu dla ŭmiašańnia ŭ luby momant — typu, kab vyklučyć pahrozy dla atamnaj zbroi», — dadaje jon.
«Ci chacieŭ by Łukašenka jadziernuju zbroju? Na našym uzroŭni my nie viedajem. Jon škaduje, što jaje niama. Na vypadak, kali «plečy» Pucina źniknuć i jon zastaniecca adzin u varožym śviecie. Ale nakolki ja baču situacyju, Pucin jamu bomby nie daść. Chutčej pavieru ŭ toje, što my sami sklapajem bombu ŭ Sosnach i Astraŭcy z dapamohaj Irana», — kaža treci aficer.
Jak žyvie i čym zajmajecca Kryścina Mocnaja — mierkavanaja dačka Alaksandra Łukašenki31
Jak žyvie i čym zajmajecca Kryścina Mocnaja — mierkavanaja dačka Alaksandra Łukašenki
Viarnuŭsia z vajny, uładkavaŭsia ŭ Varšavie, pasvaryŭsia z usimi — i źnik. Pryjacieli pra eks-kalinoŭca Maksima Ralko, jakoha zatrymali ŭ Biełarusi1616
Kamientary