MUS raspaŭsiudžvaje pakarańnie sutkami na inšyja katehoryi pravaparušalnikaŭ — novaja praktyka
Jak stała viadoma «Našaj Nivie», orhany pašyrajuć praktyku vykarystańnia karnych «15 sutak» u dačynieńni i da inšych pravaparušalnikaŭ. Ciapier na sutki źbirajucca adpraŭlać i amataraŭ sieści pjanym za styrno.
Supracoŭniki DAI paviedamlajuć «Našaj Nivie», što z krasavika im vusna daviedziena adpraŭlać złoŭlenych pjanymi za styrnom kiroŭcaŭ na 15 sutak.
Naturalna, u dadatak da inšych mieraŭ spahnańnia, praduhledžanych u takim vypadku.
«Inšyja miery ŭździejańnia časta nie pracujuć. Štrafy, naprykład, takaja katehoryja časta prosta nie płacić, a adabranyja pravy dla ich nie prablema — jeździać biez pravoŭ.
Ja tak razumieju, ličycca, što 15 sutak u skockich umovach buduć bolš spryjać pasłuchmianaści ŭ hetym pytańni», — skazaŭ «Našaj Nivie» adzin ź minskich aficeraŭ.
Pjanyja za styrnom i nastupnyja avaryi — vialikaja prablema dla krainy. Tolki sioleta ŭ Biełarusi praź niećviarozych kiroŭcaŭ zahinuła ŭžo 6 čałaviek, a 36 paciarpieli.
Letaś złavili 16 tysiač pjanych kiroŭcaŭ.
Staŭleńnie da pjanych kiroŭcaŭ z boku dziaržavy paśladoŭna robicca bolš strohim.
«Naša Niva» — bastyjon biełaruščyny
PADTRYMAĆMilicyja vypadkova vykłała ŭnutrany dakumient z analizam miedyja. Voś kaho jany siońnia čytali i jakija ŚMI ličać niezaležnymi4
Kamientary