Novaja sacsietka T2, jakaja pazicyjanuje siabie alternatyvaj Twitter, sprabuje pryvabić karystalnikaŭ, što nie chočuć płacić za svaju staruju siniuju ptušačku
Novaj sacsietkaj T2 kirujuć byłyja supracoŭniki Twitter, jakija žadajuć uznavić farmat «haradskoj płoščy» ci publičnaj prastory, jakuju ź siabie ŭjaŭlała płatforma da prychodu Maska.
Uładalnik Twitter Iłan Mask zajaŭlaŭ raniej, što z 1 krasavika tvitar-akaŭnty biez padpiski ci karparatyŭnaha płana buduć pazbaŭlenyja siniaj ptušački, jakaja paćviardžała, što akaŭnt sapraŭdy naležyć kankretnamu čałavieku ci arhanizacyi.
Hetym vyrašyła skarystacca adna z alternatyŭ Twitter, jakaja sprabuje pieravabić na svaju płatformu karystalnikaŭ, jakija płacić nie źbirajucca, i prosta prapanavała karystalnikam pieranieści svaju «spadčynnuju» ptušačku vieryfikacyi z Twitter. T2 ujaŭlaje saboj płatformu, kudy možna trapić tolki pa zaprašeńni, a ŭznačalvajuć jaje dva byłyja supracoŭniki Twitter.
On April 1st, we will begin winding down our legacy verified program and removing legacy verified checkmarks. To keep your blue checkmark on Twitter, individuals can sign up for Twitter Blue here: https://t.co/gzpCcwOpLp
Organizations can sign up for https://t.co/RlN5BbuGA3…
Abviestka Twitter ab skasavańni starych sinich ptušačak i nieabchodnaści płatnaj padpiski
T2 — heta tolki adna z alternatyŭ Twitter, jakija ŭźnikli paśla nabyćcia apošniaha Maskam. T2 mienš viadomaja za niekatorych inšych kankurentaŭ, naprykład, Mastodon, ale maje namier uznavić «publičnuju prastoru», ź jakoj asacyjavaŭsia Twitter da prychodu Maska. Faktyčna zasnavalnik Habar Čele davoli jasna daŭ zrazumieć, što maje namier stvaryć «davoli prostuju kopiju Twitter ź niekatorymi spraščeńniami», piša Engaget.
Tamu niadziŭna, što zaraz sajt T2 zapuściŭ funkcyju Get the Checkmark (atrymać ptušačku), jakaja budzie abapiracca na staruju prahramu vieryfikacyi Twitter. Ź jaho dapamohaj karystalniki mahli zapoŭnić karotkuju formu, kab prajści paskorany praces pravierki dla T2.
Choć vieryfikacyja starych akaŭntaŭ pavinna była źniknuć z Twitter 1 krasavika, u kampanii T2 jość płan prapanavać pravierku i dalej z dapamohaj inšych srodkaŭ. Pry hetym vieryfikacyja na T2 nie budzie pracavać dla tych, chto vyrašyŭ zapłacić za novuju ptušačku Twitter Blue.
Darečy, T2 naniała byłoha kiraŭnika Discord u jakaści novaha techničnaha dyrektara i zapuskaje redyzajn, jaki budzie vyhladać znajomym dla karystalnikaŭ Twitter. I sapraŭdy, sajt vyhladaje vielmi padobna da staroha Twitter.
Jak i ŭ vypadku z usimi novymi kankurentami, novaj sacsietcy treba budzie prajści doŭhi šlach, pierš čym jana dasiahnie pamieru płatformy, jakuju sprabuje imitavać. Ale, jak zaznačyŭ zasnavalnik Mastodon Jaŭhien Ročka, najbolš upłyvovyja karystalniki Twitter buduć nievierahodna kaštoŭnymi dla luboj płatformy-pačatkoŭca. I čym bolš takich karystalnikaŭ zmoža zavabić T2, tym lahčej atrymajeca ŭznavić farmat «haradskoj płoščy», jaki abiacajuć stvaralniki novaj sacsietki.
Kamientary