Dva vybitnyja biełaruskija pravasłaŭnyja śviatary pierajšli va Usialenski patryjarchat
Usialenski Patryjarch razhledzieŭ prašeńni biełaruskich pravasłaŭnych śviataroŭ Alaksandra Kuchty i Hieorhija Roja i pryniaŭ ich pad svoj amafor, paviedamiła teołah Natalla Vasilevič.
Protaijerej Hieorhij Roj i ijerej Alaksandr Kuchta — śviatary Biełaruskaj pravasłaŭnaj carkvy, jakija vymušana vyjechali ź Biełarusi ad pieraśledu ŭład u suviazi ź ich pazicyjaj nakont biełaruskaha palityčnaha kryzisu i rasijskaj ahresii suprać Ukrainy. Jany źviarnulisia da Patryjarcha Kanstancinopalskaha Varfałamieja z prośbaj pryniać ich pad svoj amafor, bo pa mierkavańniach sumleńnia jany nie mohuć znachodzicca ŭ jurysdykcyi Maskoŭskaha patryjarchatu.
Usialenski Patryjarch razhledzieŭ ich prašeńni i pryniaŭ ich pad svoj amafor.
Na Vialikdzień 2023 hoda ŭ Vilni adbudziecca pieršaje nabaženstva dla pravasłaŭnych biełarusaŭ, dzie buduć słužyć novyja śviatary Usialenskaha patryjarchatu.
Detali pra miesca i čas ździajśnieńnia nabaženstva buduć paviedamlenyja paźniej.
44-hadovy protaijerej Hieorhij Roj — aŭtarytetny śviatar z Horadni. Dacent Minskaj duchoŭnaj akademii, u Hrodnie jon byŭ nastajacielem spačatku staražytnaj Kałožy, paśla — Pakroŭskaha kafiedralnaha sabora.
30-hadovy ijerej Alaksandr Kuchta — samy papularny pravasłaŭny videabłohier Biełarusi, aŭtar kanała «Baciuška adkaža» z 47 tysiačami padpisčykaŭ.
Abodva ŭ 2020-m asudzili falsifikacyju vybaraŭ i masavyja represii, a ŭ 2022-m — vajnu va Ukrainie.
Ci ŭsiakaja ŭłada ad Boha? Tłumačyć śviatar
Śviatar: Biełaruskuju Pravasłaŭnuju Carkvu pierafarmatavali całkam pad dyktatara
Kamu patrebien taki malebien, albo Čamu maŭčyć mitrapalit Vienijamin?
«Toje, što ja kazaŭ — prapisnyja iściny chryścijanstva». Hrodzienski śviatar u čas słužby vykazaŭsia pra vybary
«Toje, što chtości siadzić za palityku, źjaŭlajecca častkaj piejzažu». Biełaruska, jakaja naviedała radzimu paśla doŭhaha pierapynku, padzialiłasia ŭražańniami99
Kamientary