7 krasavika vilenskija biełarusy zaprašajuć na viečarynu pamiaci Łarysy Hienijuš
U piatnicu 7 krasavika ŭ 18:00 vilenskija biełarusy zaprašajuć usich, chto moža i žadaje, na viečarynu pamiaci lehiendarnaj biełaruskaj paetki Łarysy Hienijuš, achviarnaj chryścijanki, niazłomnaj patryjotki, sakratarki BNR na čužynie i pakutnicy kamunistyčnaha HUŁAHa.
Roŭna 40 hod tamu ŭ hety dzień spyniłasia jaje serca, raśpiataje na zainiełych dratach Poŭnačy za Biełaruś!
Ale i siońnia dla antybiełaruskaha režymu Łarysa Hienijuš jość najniebiaśpiečniejšym voraham, pra što śviedčyć znos jaje pomnika ŭ Zelvie.
U hety viečar biełarusaŭ zaprašajuć uzhadać razam žyćcio i tvorčaść našaj vybitnaj paetki razam ź viadomym vilenskim litarataram i žurnalistam Siarhiejem Dubaŭcom, jaki asabista viedaŭ Łarysu Antonaŭnu.
Na imprezie prahučać pieśni na vieršy Łarysy Hienijuš u vykanańni hurta tradycyjnych śpievaŭ «Biełaruski cud».
Uzhadajem razam detali bijahrafii, a ŭsie achvotnyja zmohuć pračytać svaje ŭlubionyja vieršy paetki.
Płanujucca taksama anłajn-siurpryzy.
Sustreča adbudziecca 7 krasavika, u piatnicu, u 18:00 u Centry biełaruskaj kultury i supolnaści (Vilniaus, 20).
Uvachod tradycyjna volny, ale danaty vitajucca!
Jak žyvie i čym zajmajecca Kryścina Mocnaja — mierkavanaja dačka Alaksandra Łukašenki37
Jak žyvie i čym zajmajecca Kryścina Mocnaja — mierkavanaja dačka Alaksandra Łukašenki
Viarnuŭsia z vajny, uładkavaŭsia ŭ Varšavie, pasvaryŭsia z usimi — i źnik. Pryjacieli pra eks-kalinoŭca Maksima Ralko, jakoha zatrymali ŭ Biełarusi1818
Kamientary