Rasijskija siły zachapili budynak administracyi Bachmuta i prasoŭvajucca ŭ centr horada
U svajoj čarhovaj zvodcy ab situacyi na froncie amierykanski Instytut vyvučeńnia vajny (ISW) paćviardžaje danyja rasijskich krynic ab tym, što siły PVK «Vahnier» u noč na 2 krasavika zdoleli zachapić budynak administracyi Bachmuta.
Pavodle źviestak ISW, 3 krasavika rasijskija siły praciahnuli prasoŭvacca ŭ centr horada. U jakaści dokazu hetaha faktu ekśpierty spasyłajucca na kadry z «vahnieraŭskim» i rasijskim ściahami na hary abłomkaŭ razburanaj administracyi Bachmuta.
Akramia taho, u Internecie źjaviłasia fatahrafija adnaho z najmitaŭ PVK «Vahnier» kala budynka administracyi, zroblenaja da taho, jak jano było razburana.
Jak pišuć amierykanskija ekśpierty, pradstaŭniki USU paćviardžajuć vysnovy ISW ab tym, što razam z «vahnieraŭcami» u Bachmut ŭsio bolš dziejničajuć rehularnyja rasiejskija vojski, u pryvatnaści, siły PDV.
U noč na paniadziełak zasnavalnik PVK «Vahnier» Jaŭhien Pryhožyn zajaviŭ, što rasijskija siły «jurydyčna zachapili» Bachmut.
Pry hetym jon pryznaŭ, što ŭ zachodniaj častcy horada zastajucca ŭkrainskija vojski. Pradstaŭniki ŭkrainskich uładaŭ nazvali słovy Pryhožyna nie adpaviednymi rečaisnaści; jany nastojvajuć, što siły USU praciahvajuć zmahacca za Bachmut.
Kiraŭnica internet-prajektaŭ ANT raspaviała, čamu raptoŭna zvolniłasia ŭ 2022 hodzie i jak źjechała ŭ Aŭstraliju26
Kamientary