«Hetaje varjactva nam prapanujuć adznačać hulańniami, pakul Biełaruś pavolna pahłynajecca». Cichanoŭskaja pra dzień jadnańnia z Rasijaj
«Biełaruś — nie jadziernaja śmietnica Rasii», — vykazałasia Śviatłana Cichanoŭskaja ŭ zvarocie z nahody Dnia jadnańnia Biełarusi i Rasii.
«Siońnia tak zvany dzień jadnańnia narodaŭ Rasii i Biełarusi. Pa ŭsioj Biełarusi znoŭ visiać ściahi čužoj krainy, jakaja raspačała vajnu ŭ centry Jeŭropy. Jakaja kožny dzień zabivaje mirnych žycharoŭ Ukrainy i pahražaje našaj z vami biaśpiecy i niezaležnaści, — źviarnułasia Śviatłana Cichanoŭskaja. —
Dyk jakoje jadnańnie my pavinny adznačać i navošta jano patrebnaje biełarusam? Zdajecca, hetaje jadnańnie treba Łukašenku i Pucinu, kab pieratvaryć Biełaruś u jadziernaje schovišča Rasii. Bo 25 sakavika Pucin abjaviŭ, što raźmieścić u Biełarusi jadziernuju zbroju.
Doŭhija hady my nie viedali, pra što tak časta razmaŭlajuć dyktatary za začynienymi dźviaryma. Jakija darožnyja karty pa intehracyi padpisvajuć i jakija rašeńni prymajuć za nas, biełarusaŭ.
I voś ciapier viedajem. Hetymi darožnymi kartami, pociskami ruki, novymi damovami pra supracoŭnictva Rasija pry dapamozie Łukašenki vyrašyła padstavić 9 miljonaŭ biełarusaŭ. U Kramli vydatna razumiejuć, što jadziernyja składy — heta mišeń dla rakietaŭ. I tamu raźmiaścić hetyja składy, viadoma, vyrašyli nie pobač sa svaimi bunkierami i rezidencyjami, a kala damoŭ biełarusaŭ».
«Hetaje varjactva nam prapanujuć adznačać narodnymi hulańniami, pakul Biełaruś pavolna pahłynajecca Rasijaj»,
— kaža Śviatłana Cichanoŭskaja.
«Biełaruś — nie jadziernaja śmietnica Rasii. Nie palihon, nie hubiernia i nie kavałačak ziamli. Biełaruś — heta suvierennaja dziaržava i svabodny biełaruski narod. Nam nie blizkija impierskija idei.
My — niezaležnaja kraina, jakaja choča miru, choča viarnuć biaźjadzierny status, vyjści z ekanamičnaha i palityčnaha kryzisu i pierastać pakutavać za čužyja ambicyi».
Lidarka demsiłaŭ zajaviła, što biełarusam nie patrebnaja ni Sajuznaja dziaržava, ni ADKB, jakija pryvodziać da raźmiaščeńnia jadziernaj zbroi ŭ našaj krainie.
«Ja pryjechała ŭ 4:50 i była ŭ čarzie 77-ja». Jak ryełtarka nabyvała dla siabroŭki kvateru ŭ elitnym ŽK Minska9
Kamientary
Žyvie Biełaruś!