Byłyja aktyvy «Biełarusnafty» va Ukrainie pierajšli Rynatu Achmietavu
Kampanija «Naftahazenierhija«, jakaja ŭvachodzić u enierhietyčnuju hrupu DTEK, padkantrolnuju bujnomu ŭkrainskamu biznesmienu Rynatu Achmietavu, atrymała ŭ kiravańnie dolu i majomaść pradpryjemstva «Servis Ojł». Takim čynam aformlenaja pieradača byłych aktyvaŭ «Biełarusnafty» va Ukrainie, piša Office Life.
TAA «Servis Ojł» było zarehistravanaje «Biełarusnaftaj» u Pałtavie ŭ 2012 hodzie dla akazańnia servisnych pasłuh ukrainskim naftahazazdabyŭčym kampanijam. U liku hałoŭnych zamoŭcaŭ pradpryjemstva tady fihuravali vyšejzhadany chołdynh Rynata Achmietava DTEK i dziaržaŭny hazazdybyŭca «Ukrhazzdabyča».
U kancy 2021-ha ŭłaśnikam «Servis Ojł» zamiest «Biełarusnafty», jakaja tady ž trapiła pad sankcyi Jeŭrasajuza, stała kampanija «Puchavičynaftapradukt».
U červieni 2022 hoda aktyvy «Servis Ojł», uklučajučy dolu ŭ statutnym fondzie i majomaść (na toj momant ahulnym koštam kala 135 młn dalaraŭ), byli aryštavanyja kijeŭskimi ŭładami i pieradadzienyja ŭ rasparadžeńnie Ahienctva pa vyšuku i mieniedžmiencie aktyvaŭ. Apošniaje ŭ śniežni minułaha hoda praviało konkurs pa pieradačy ŭ kiravańnie majomaści biełaruskaj kampanii.
Pieramožcam konkursu była abvieščanaja kampanija «Naftahazenierhija», jakoj rasparadžajecca struktura Rynata Achmietava. U pieralik jaje majomaści ŭvachodziać niekalki buravych i kałciubinhavaja ŭstanoŭki, transpartnyja srodki, truby i h. d.
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?2
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary