Navuka i technałohii

Netflix testuje hulni na televizary, jakija mohuć vykarystoŭvać telefony ŭ jakaści kantroleraŭ

Kampanija Netflix Inc. pracuje nad ambitnym prajektam pieranosu svajho servisu videahulniaŭ na televizary, kab vyjści za ramki smartfonaŭ i płanšetaŭ.

Vyjava: vecteezy

Netflix, mahčyma, pačaŭ (ci, va ŭsiakim razie, choča pačać) testavańnie hulniaŭ dla televizaraŭ, paviedamlaje Engaget. Unutry dadatka byŭ znojdzieny schavany kod, jaki śviedčyć ab mažlivaści hulać u hulni na televizary, a taksama dadatkovy kod, jaki śviedčyć pra mahčymaść vykarystańnia smartfonaŭ u jakaści kantroleraŭ dla hulni. Jak dakładna heta budzie pracavać, pakul nie da kanca zrazumieła.

Netflix zapuściŭ svaje hulni na pryładach iPhone, iPad i Android u 2021 hodzie. Adnymi ź pieršych byli: Into the Dead 2: Unleashed, Stranger Things 3: The Game i Card Blast. Reč u tym, što zaraz u hulni možna hulać, tolki spampoŭvajučy ich z kramy Google Play ci App Store na telefony i płanšety. Naprykład, na pryładach Apple hulni vypuskajucca asobna praz App Store — u adpaviednaści z patrabavańniami hetaj kampanii — ale ich možna zapuskać praz dadatak Netflix pry ŭmovie dziejnaj padpiski na stryminhavy servis.

Vidavočna, ideja ŭvachodu ŭ hulniavuju nišu była ŭ tym, kab dapoŭnić šou i filmy Netflix i dapamahčy ŭtrymać klijentaŭ u čas, kali kampanija pavyšaje ceny na padpisku. Raniej Netflix paviedamlaŭ, što choča pieranieści hulni na dadatkovyja pryłady i pracuje nad bolš šyrokim vobłačnym hulniavym servisam; ale nie nazyvałasia nijakich kankretnych terminaŭ.

Pašyreńnie prapanovy na televizary, padobna, moža stać klučavoj viachoj dla kampanii. Ciapier Netflix pa zmaŭčańni ŭbudavany ŭ mnohija smart-televizary i dastupny na šerahu płatformaŭ, u tym liku Apple, Amazon i Google.

Płany Netflix urešcie zapuścić vobłačny hulniavy ​​servis patencyjna dazvolać karystalnikam tranślavać hulni praź Internet, nie ŭstaloŭvajučy ich na pryłady. Taki padychod dazvolić kampanii prapanavać karystalnikam bolš šyroki vybar i pieratvarycca ŭ kankurenta takim kampanijam, jak Microsoft Corp., i navat pastaŭščykam «niavobłačnych» hulniavych servisaŭ, takim jak Apple Arcade.

Vyjaŭleny schavany kod u dadatku Netflix, viadoma, ničoha nie harantuje, bo nijakich kamientaroŭ na hety kont dahetul dadziena nie było. Adnak heta kaža pra toje, što kampanija prynamsi testavała funkcyju. Pakul ža karystalnikam daviadziecca zadavolicca tym, što dastupna na smartfonie: na siońnia heta kala 55 hulniaŭ, choć na praciahu 2023 hoda kampanija płanavała vypuścić jašče 40.

Kamientary

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA1

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA

Usie naviny →
Usie naviny

Pa Mścisłaŭskim rajonie praniośsia mocny ŭrahan

U Biełarusi ŭžo +37,5°S. U siervisie dastaŭki praduktaŭ źnikła papularnaja minieralnaja vada1

51 nobieleŭski łaŭreat zaklikaŭ nieadkładna spynić vajnu va Ukrainie i kanflikt u siektary Haza13

U honar biełaruskaha bajca nazvali vulicu va ŭkrainskim Kanatopie1

Budanaŭ pra pahrozu nastupu RF z poŭnačy: Katastrofy niama, ale nie bačyć prablem nie atrymajecca2

Zaŭtra ŭ Biełarusi budzie da +35°S, ale ŭ Minsku «ŭsiaho» +30°S3

Pryncesa Kiejt Midłtan naviedaje finał Uimbłdona ŭ niadzielu1

Ministarka sportu Francyi za dva tydni da Alimpijady vykupałasia ŭ Sienie, ledź nie paśliznuŭšysia na prystupkach VIDEA1

Paźniak pierakanany, što ŭ druhim tury vybaraŭ-1994 pieramoh by Łukašenku121

bolš čytanych navin
bolš łajkanych navin

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA1

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA

Hałoŭnaje
Usie naviny →