Učora bolš za tysiaču nasielenych punktaŭ zastałosia z-za śniehapadu biez elektryčnaści
Adnoŭlena elektrazabieśpiačeńnie zvyš 500 nasielenych punktaŭ, u jakich učora byli zafiksavanyja zboi z-za niepahadzi i mocnaha śniehapadu. Pra heta ŭ svaim aficyjnym telehram-kanale prainfarmavała «Biełenierha».
U viedamstvie adznačyli, što prablemy z elektrazabieśpiačeńniem byli likvidavanyja ŭ piaci sotniach nasielenych punktaŭ, jakija znachodziacca na terytoryi Minskaj, Viciebskaj i Homielskaj abłaściej. Zboi byli vyklikanyja niepahadździu i mocnym śniehapadam, jaki zdaryŭsia ŭ aŭtorak, 28 sakavika 2023 hoda.
Čaściej za ŭsio niepasrednaj pryčynaj pazapłanavych adklučeńniaŭ elektrazabieśpiačeńnia stała nalipańnie śniehu na drevy i draty linij elektrapieradač.
U «Biełenierha» kanstatavali, što składanyja ŭmovy nadvorja ŭ Minskaj i Viciebskaj abłaściach zachoŭvajucca i ŭ sieradu, 29 sakavika 2023 hoda.
«Pa stanie na 10:00 ranicy 48 bryhad enierhasistemy pracujuć nad adnaŭleńniem elektrazabieśpiačeńnia 74 nasielenych punktaŭ, zadziejničana 51 adzinka techniki», — havorycca ŭ paviedamleńni arhanizacyi.
Kamientary