Hramadstva1111

«Składana tolki sa słovami, jakija padobnyja da ruskich, i sačyć za Č i H». Što za rasijanie pracujuć ciapier u Kupałaŭskim?

U sakaviku 2021 hoda Nacyjanalny akademičny teatr imia Janki Kupały adnaviŭ pracu paśla pierapynku, źviazanaha sa zvalnieńniem amal usioj trupy. Za praminułyja z taho momantu dva hady novaje kiraŭnictva tak i nie zmahło nabrać dastatkovuju kolkaść novych akcioraŭ-biełarusaŭ, a tamu zaprasiła ich z Rasii. Ciapier na aficyjnym sajcie teatra źjavilisia ich proźviščy, i vydańnie «Zierkało» daviedałasia toje-sioje pra hetych ludziej.

U krasaviku 2023 hoda ŭ teatry adbudziecca premjera śpiektakla «Ramea i Džuljeta». Pastavić jaho Daniła Filipovič, adzin ź niekalkich biełaruskich režysioraŭ, jakija pahadzilisia supracoŭničać z teatram paśla zvalnieńnia praktyčna ŭsioj trupy.

Na rolu Džuljety zajaŭlenyja dźvie aktrysy. Adna ź ich — Hanna Mieščarakova. Dziaŭčynie 22 hady, u 2022-m jana skončyła maskoŭski Instytut sučasnaha mastactva. Siarod moŭ, jakija jana viedaje, — ruskaja, anhlijskaja i francuzskaja (apošniaja sa słoŭnikam).

Hanna Mieščarakova. Fota: kinolift.com

Na rolu Ramea taksama zajaŭlenyja dva akciory. Partnioram Mieščarakovaj, napeŭna, budzie jaje adnakurśnik pa maskoŭskim Instytucie sučasnaha mastactva Barys Ciacierkin. Jamu 24 hady, jon vałodaje ruskaj i anhlijskaj movami, pazicyjanuje siabie ŭ instahramie jak «zajezdžy artyst sa staličnym hlancam».

Barys Ciacierkin. Fota: vk.com

Inšyja vykanaŭcy hałoŭnych rolaŭ u śpiektakli — biełaruskija studenty, jakich uziali ŭ trupu jašče raniej, u 2021-m.

Na rolu Manteki zaprasili rasijanina Mikałaja Juškieviča. Jamu 58 hadoŭ. Zamiežnymi movami jon praktyčna nie vałodaje (adznačana tolki viedańnie niamieckaj na školnym uzroŭni). Siarod śviežych rabot u kino pieravažajuć sieryjały, apošnim časam u teatry jon nie ihraŭ (viadoma tolki pra jahonuju pracu ŭ adnym z maskoŭskich teatraŭ u siaredzinie 1990-ch).

Mikałaj Juškievič. Fota: castingcinema.ru

Na rolu žonki Manteki zajaŭlenyja dźvie aktrysy. Adna ź ich — rasijanka Śviatłana Husarava. U 1987-m jana skončyła Jarasłaŭskaje teatralnaje vučylišča. Doŭhija hady była aktrysaj minskaha Maładziožnaha teatra (2000—2017), zatym pracavała ŭ staličnym Novym dramatyčnym. U ich repiertuary ŭ hety pieryjad praktyčna nie było śpiektaklaŭ na biełaruskaj movie.

Rolu Mierkucya ihraje Ilja Hałuškin. Jamu 23 hady. Jon taksama z Maskvy, u 2022-m skončyŭ HITIS, da hetaha ŭ Biełarusi nie pracavaŭ.

Ilja Hałuškin. Fota: instagram.com/galusha

Na rolu mamki zaprasili rasijanku Inesu Iskakavu. Joj 27 hadoŭ, jana skončyła Jarasłaŭski teatralny instytut. Vałodaje ruskaj i anhlijskaj movami.

Inesa Iskakava. Fota: kinolift.com

Taksama ŭ trupie ciapier pracuje i vypusknica maskoŭskaha HITISa Natalla Ščarbakova (u hetym śpiektakli jana nie zaniataja).

Akramia taho, u trupu ŭziali i niekalkich novych biełarusaŭ. Heta Alaksandr Husieŭ, jaki doŭhi čas pracavaŭ u Novym dramatyčnym teatry, i Alena Mazhova — pra jaje viadoma, što ŭ 1998-m syhrała hałoŭnuju rolu Sałamiei Brynickaj u sieryjale «Praklaty ŭtulny dom», a ŭ 2013-m była zaniataja ŭ śpiektaklach niezaležnaha biełaruskaha «Teatra Č».

U epizadyčnaj roli ŭ śpiektakli «Ramea i Džuljeta» zaniataja biełaruska Maryja Kaleśnikovič. Joj 23 hady. Jana skončyła minskuju Akademiju mastactvaŭ jak aktrysa muzyčnaha teatra (a nie dramatyčnaha). U svajoj ankiecie jana pryznavałasia, što ruskaja mova dla jaje rodnaja, a voś biełaruskaj i anhlijskaj dziaŭčyna vałodaje sa słoŭnikam.

Maryja Kaleśnikovič. Fota: kinolift.com

Miž tym, Kupałaŭski teatr usie hady svajho isnavańnia pracavaŭ na biełaruskaj movie. Kalektyŭ śpiecyjalna zaprašaŭ piedahohaŭ (naprykład, lehiendarnaha dyktara Ilju Kurhana), jakija stavili akcioram vymaŭleńnie i raźbirali moŭnyja niuansy.

Užo paśla publikacyi tekstu z redakcyjaj «Zierkała» źviazaŭsia adzin z rasijskich akcioraŭ, jakija pryjšli na pracu ŭ teatr. Jon zajaviŭ, što jon i jahonyja kalehi nibyta viedajuć biełaruskuju movu:

«Paralelna, pakul repieciravali, vučyli movu i nam dapamahali akciory teatra. Adna z aktrys, piedahoh pa maŭleńni ŭ Akademii i kaledžy mastactvaŭ, dobra viedaje ŭsie praviły i dapamahała nam z vymaŭleńniem. Składana tolki sa słovami, jakija padobnyja da ruskich, i sačyć za Č i H». 

Čytajcie taksama:

Łatuška pra štrejkbrechieraŭ z Maskvy ŭ Kupałaŭskim: Ihrać pa-biełarusku — heta nie tolki mova, heta niabačnaja suviaź z narodam

U Nacyjanalny akademičny teatr imia Janki Kupały nabrali akcioraŭ z Rasii

Minkult akreśliŭ, što treba zrabić artystam z čornych śpisaŭ dla viartańnia na scenu

Kamientary11

  • Vuu
    27.03.2023
    Akupanty!
  • Juzik sa stancyi Kruleŭščyna
    27.03.2023
    Składana tolki sa słovami, jakija padobnyja da ruskich, i sačyć za Č i H». 

    Ja tak zrazumieŭ, što ŭ ruśni z "R" usio narmalova? Nie skažuć "rJečka" zamiž "rEčka"?
  • Ppa
    27.03.2023
    Hetak zvanyja inastrannyja ahienty. 

Stała viadoma pra aryšt historyka Ihara Mielnikava11

Stała viadoma pra aryšt historyka Ihara Mielnikava

Usie naviny →
Usie naviny

U voziery Śviciaź zabaranili kupacca. U čym pryčyna?

Mercedes urezaŭsia ŭ Fiat, a paśla źbiŭ dvuch čałaviek

Tramp staŭ najstarejšym kandydatam na pasadu prezidenta ZŠA ŭ historyi5

Minsk apynuŭsia ŭ topie samych tannych haradoŭ śvietu — za žyllo treba płacić u 10 razoŭ mienš, čym u Ńju-Jorku6

Pieršyja prablemy biełarusaŭ na Alimpijadzie ŭ Paryžy. Vieślary ŭžo tam, a łodki nie prapuścili 

Topavy amierykanski časopis sprahnazavaŭ, kolki biełarusy zavajujuć miedaloŭ na Alimpijadzie. U rasijan budzie nul

Charys zaručyłasia dastatkovaj padtrymkaj dla vyłučeńnia kandydatam u prezidenty

Pucin zrabiŭ Z-śpievaka Šamana zasłužanym artystam Rasii5

Jeŭrasajuz pačynaje pieramovy pra biaźvizavy režym z Armienijaj3

bolš čytanych navin
bolš łajkanych navin

Stała viadoma pra aryšt historyka Ihara Mielnikava11

Stała viadoma pra aryšt historyka Ihara Mielnikava

Hałoŭnaje
Usie naviny →