Litaratura11

«Pieśnia pra zubra» — patryjatyčnaja paema dla Papy pra Vitaŭta i pahrozu z Uschodu. Novaje VIDEA na jutub-kanale Andreja Chadanoviča

Sioleta adznačajecca 500-hodździe vydańnia znakamitaj paemy pra našu ziamlu «Pieśnia pra zubra». Andrej Chadanovič u novym videa raskazvaje pra Mikołu Husoŭskaha i jaho vybitny tvor, napisany dla vyratavańnia radzimy ad pahrozy z Uschodu. 

Siońnia Andrej Chadanovič raskazvaje:

  • jak Mikoła Husoŭski zacikaviŭ Papu lićvinskim zubrom;

  • čamu Husoŭski — pierš za ŭsio biełaruski aŭtar;

  • jak paet apisvaŭ Vitaŭta ŭ «Pieśni pra zubra» i čamu heta havoryć pra biełaruskaść Husoŭskaha;

  • chto stvaryŭ sučasnaje pieraasensavańnie paemy na žanočy ład;

  • jakuju rolu adyhrała Bona Sforca ŭ vydańni «Pieśni pra zubra», ci čamu Husoŭski zrabiŭ prazaičnaje pryśviačeńnie karalevie;

  • jak paŭstavali biełaruskija pierakłady tvora i jaki ź ich najbolš dakładny. 

Voś niekalki dumak ź videa:

Voś ža Vitaŭt — vialiki zmahar z karupcyjaj, a siońniašnim maryjanietkam u paskudnym dziejstvie «inohda nie do zakonov» chaj budzie navukaj i prykładam. Kožnamu vinavatamu abaviazkova raniej ci paźniej daviadziecca adkazać pierad zakonam. Biez žorstkaściaŭ poźniaha Siaredniaviečča, biez skur i vučanych vaŭkarezaŭ, ale z usimi pracedurami Haahskaha trybunała pavodle standartaŭ XXI stahodździa. 

Papa zacikaŭlivajecca i choča viedać pra lićvinskaha zubra našmat bolej. Erazmu Viteliusu tolki heta i treba. Moža być, papskaja cikavaść da biełaruskaj lasnoj ekzotyki pasłužyć naviadzieńniu dypłamatyčnych mastoŭ, i Mikoła Husoŭski atrymlivaje samuju važnuju ŭ žyćci zamovu: napisać paemu dasłoŭna «pra vyhlad zubra, pra jaho dzikaść i pra palavańnie na jaho». 

Niekalki źvionaŭ staranna zakuty ŭ adzin paśladoŭny mastacki łancuh: vobraz spraviadlivaha ŭładara Vitaŭta, vobraz strymanaha što da hnievu zubra, jaki nikoli nie napadzie na čałavieka, nie spravakavany śmiarotnaj niebiaśpiekaj ci nieabchodnaściu baranić svaju siamju, nu, i sam vobraz našaj ziamli i našaha naroda — miralubnaha z adnaho boku, ale zahartavanaha ŭ palavańniach i całkam zdolnaha dać adłup vorahu, asabliva kali padtrymajuć zachodnija braty. Voś ža kali zachodnija krainy nie ŭvajšli ŭ aljans suprać uschodniaj niebiaśpieki, u hetym nie vina Mikoły Husoŭskaha. Jon svajoj paemaj zrabiŭ usio, što ad jaho zaležała. 

Zachoŭvajem u sabie našych biełaruskich hierojaŭ, addanych rodnaj krainie, hladzim novaje videa Andreja Chadanoviča, stavim padabajki, kamientujem i dzielimsia ź siabrami i siabroŭkami.

Hladzicie taksama:

Vaŭki, ułada i ludzi: bałotnaja kazka Jevy Viežnaviec. Novaje VIDEA na jutub-kanale Andreja Chadanoviča

Ryhor Baradulin: vialikaja spadčyna vialikaha biełarusa. Novaje VIDEA na jutub-kanale Andreja Chadanoviča
Don Žuan — sałodkahałosy spakuśnik ci cyničny monstr? Novaje VIDEA na jutub-kanale Andreja Chadanoviča

Kamientary1

  • Valadzimir
    27.03.2023
    Pieršaje: Reč Paspalitaja - heta, nahadaju, "sajuznaja" dziaržava Karaleŭstva Polskaha i Vialikaha Kniastva Litoŭskaha i jana była ŭtvorana u 1569 hodzie. U časy Mikoły Husoŭskaha Rečy Paspalitaj nie isnavała. Polšča, paŭtaru  - NIE Reč Paspalitaja, a Karaleŭstva Polskaje.

    Druhoje: U Litvie-VKŁ nie było "lićvinskaha" zubra, i naohuł NIE było NIČOHA "lićvinskaha".
    I im usio było LITOŬSKAJE"Lićvinski" - niedarečna-absurdny prymietnik, jaki prydumali sučasnyja biełorussy - dla taho, jak možna zrazumieć, kab niejak abyjści "tradycyju", zhodna ź jakoj pad prymietnikam "litoŭski" zaraz "razumiejecca" tolki toje, što tyčycca susiedziaŭ, "bałtaŭ"-lijetuvisaŭ. Hetym niedarečnym, nikoli nie isnavaŭšym prymietnikam ("lićvinski") biełorussy pačali paznačać usio toje, što jany ličać słavianskim, "biełaruskim" kampanientam Vialikaha Kniastva Litoŭskaha. 
    Dyk voś nahadaju, što "tradycyja" pad prymietnikam "litoŭski" razumieć "bałtaŭ", a krainu Lijetuvu nazyvać "Litvoj" - falsifikatarskija.  A vydumany prymietnik "lićvinski" - padtrymlivaje hetuju falsifikacyju historyi. Jany vynikajuć z falšyvaj "bałckaj" kancepcyi pachodžańnia litvy, jakuju "ŭdałbili" ŭ hałovy "biełorussov" jašče z savieckich, dy nie - z carskich časoŭ, a potym padtrymali "biełaruskija nacyjanalisty" ŭ časy "nacyjanalnaha adradžeńnia". (Nahadaju, što "bałty"-lijetuvisy navat nie mohuć patłumačyć etymałohiju słova "litva"). U čarhovy raz nahadaju, što ŭ letapisnaj pieršakrynicy ŭ paviedamleńni ab raśsialeńni słavianskich plamionaŭ zapisana: "druzii lutiči litva". Heta značycca litviny VKŁ - heta słavianie, naščadki pałabskich mihrantaŭ lutičaŭ.  A "bałty" VKŁ i sioniašnija - lijetuvisy (letuviaj).

    Treciaje: nazyvać Mikołu Husoŭskaha "biełaruskim patryjotam" - absurd i taksama falsifikacyja historyi. Biełorussy-biełarusy - novastvorany ŭ 19 st. narod, u značnaj stupieni "pradukt" Rasiejskaj impieryi, - amal całkam pazbaŭleny histaryčnaj pamiaci i subjektnaści.  A litviny VKŁ - amal nacyja, pryčym nacyja impierskaja, elita jakoj, biez sumnieńnia, pamiatała svaju papiaredniuju historyju, była subjektnaj i adnoj sa svaralnic jeŭrapiejskaj historyi.

Prapahanda pakazała film pra Kryhiera. Ź jaho vynikaje, što niemca moh padstavić KDB, a pytańniaŭ bolej, čym adkazaŭ2

Prapahanda pakazała film pra Kryhiera. Ź jaho vynikaje, što niemca moh padstavić KDB, a pytańniaŭ bolej, čym adkazaŭ

Usie naviny →
Usie naviny

Uładzimir Karatkievič. Jak jamu ŭdałosia zastacca niesavieckim i nie skurvicca? Jon doraha zapłaciŭ27

Sikorski: Biełaruś viedaje, što treba zrabić, kab adnosiny palepšali5

Siońnia pačynajuć sudzić 24-hadovuju minčanku za ŭdzieł u akcyi pratestu

Zvarot Bajdena da nacyi nahadvaŭ pachavalny marš — Bild

U Biełarusi źmianili praviły abmienu valut. Try hałoŭnyja novaŭviadzieńni

Suprać mamy anarchista Franckieviča, asudžanaha na 16 hadoŭ kałonii, zaviali kryminalnuju spravu1

Stała viadoma, dzie buduć vučycca studenty zakrytych pryvatnych VNU1

Stryžak raskazaŭ, ci maje prezidenckija ambicyi6

«Dačka Mara płakała ad hora». U Maładziečnie družalubny łabrador niečakana dla ŭsich źjeŭ nutryju Kapibaru — usieahulnuju lubimicu11

bolš čytanych navin
bolš łajkanych navin

Prapahanda pakazała film pra Kryhiera. Ź jaho vynikaje, što niemca moh padstavić KDB, a pytańniaŭ bolej, čym adkazaŭ2

Prapahanda pakazała film pra Kryhiera. Ź jaho vynikaje, što niemca moh padstavić KDB, a pytańniaŭ bolej, čym adkazaŭ

Hałoŭnaje
Usie naviny →