Usiaho patrochu33

Što niamožna jeści padčas ciažarnaści? I jak pravilna siabie pavodzić? Niečakanyja parady

Pravilnyja pavodziny i zvyčki padčas ciažarnaści — roznyja narody majuć roznyja tradycyi adnosna hetaha. Što z hetaha vartaje — rašać vam.

Bieriemiennosť
Fota: iStockphoto/Thinkstock

Jajka: možna ci nielha?

Na Filipinach žančynie niepasredna pierad rodami rekamiendujuć źjeści syroje jajka. Ličycca, što heta zrobić rody lahčejšymi.

A voś u Mieksicy ličać, što ŭžyvańnie jajek padčas ciažarnaści pryviadzie da taho, što niemaŭla budzie niepryjemna pachnuć.

Ideja ab tym, što ŭžyvańnie jajek padčas ciažarnaści moža vyklikać biaspłodździe, šyroka raspaŭsiudžana ŭ Afrycy.

Na Filipinach i ŭ Rasii ličać, što kali źjasi jajka z dvuma žaŭtkami, to narodzicca dvojnia. Heta ž praviła datyčyć i inšaj sadaviny i aharodniny, jakaja zrasłasia pamiž saboju (morkva, banany, višnia).

Ryba i kraby

U niekatorych rajonach Turcyi žančynie nie rekamiendujuć jeści rybu padčas ciažarnaści. U advarotnym vypadku dzicia moža naradzicca z rybnaj paščaj.

Rybu nielha jeści budučym maci i ŭ Bałharyi, bo nos dziciaci budzie pastajanna zakładzienym, z-za čaho jano budzie chrapci.

A voś u Japonii ličycca, što syraja ryba abaviazkova pavinna być u racyjonie ciažarnaj.

U Kitai ciažarnym zabaroniena spažyvać krabaŭ. U advarotnym vypadku dzicia moža naradzicca niepasłuchmianym, hareźlivym i da taho ž z 11-ciu palcami.

Miasa

U niekatorych rajonach Tanzanii žančyny ŭstrymlivajucca ad užyvańnia miasa, bajučysia, što dzicia moža być padobnym da toj žyvioły, miasa jakoj było źjedziena.

U Bałharyi zabaroniena ŭ čas ciažarnaści jeści nie tolki rybu, ale i miasa zajca ci trusa. U advarotnym vypadku niemaŭla budzie zaŭsiody spać z raspluščanymi vačyma.

Kvietki

U Tajłandzie ciažarnyja ŭ spadziavańni na lohkija rody źjadajuć buton łotasa, nad jakim raniej pamaliŭsia budyjski manach. Ličycca, što heta dapamoža ciełu žančyny raskrycca, jak kvietka łotasa, i heta palehčyć situacyju.

Na Havajach i Taici, dzie raspaŭsiudžanyja kvietkavyja hirlady ŭ jakaści ŭpryhažeńnia, uvažliva sočać za tym, kab u ciažarnaj žančyny ŭ hirlandzie byli tolki kvietki, jakija raspuścilisia. Ličycca, što zakrytyja kvietki pryniasuć dziciaci niaščaście, tamu ciažarnyja zvyčajna nosiać hirlandu na hałavie jak karonu. Kancy jaje zamacoŭvać zakołkami.

Upryhažeńni

U paŭdniovaj Indyi na siomym miesiacy ciažarnaści pravodzicca cyrymonija Vałaikaappu. U čas jaje zapiaści budučaj maci ŭpryhožvajuć šklanymi branzaletami (čyrvonaha i zialonaha koleraŭ) niacotnaj kolkaści. Ličycca, što huk branzaleta stymuluje pačućci i mazhavuju dziejnaść dziciaci. Jašče adna meta abradu — ušanavać i abaranić ciažarnuju žančynu, jakaja ličycca ŭraźlivaj dla błahoha voka, złych duchaŭ i pryvidaŭ, a taksama zabiaśpiečyć naradžeńnie zdarovaha dziciaci. 

Roznyja pradmiety

U Kitai, kab adahnać ad siabie złych duchaŭ, ciažarnaja žančyna pavinna spać z nažom pad łožkam. Niekatoryja žančyny, kab bolš abaranicca, viešajuć na ścianu kala łožka vyrazanyja z papiery nažnicy.

U Vjetnamie ciažarnym nielha lažać u hamaku, bo dzicia vyraście vielmi lanivym.

Pachavańnie i viasielle

U Tajłandzie ciažarnym zabaroniena naviedvać pachavańni. Kali heta adbyłosia, to dzicia paśla naradžeńnia budzie pieraśledavać duch pamierłaha čałavieka.

A voś u Kitai takaja zabarona isnuje adnosna naviedvańnia čužoha viasiella. Radaść maładoj pary moža nanieści škodu zdaroŭju i pośpiechu budučaj mamy.

A jakich niezvyčajnych rekamiendacyj prytrymlivalisia vy padčas ciažarnaści? Pakidajcie svaje dopisy ŭ kamientarach.

Čytajcie jašče:

Adkul źjaŭlajecca strach rodaŭ i jak jaho pieraadoleć? Hutarym ź pierynatalnym psichołaham

Kamientary3

  • Požałujsta
    27.03.2023
    Nie rašać, a vyrašać. Piervyj abzac i užie takoje. NN, vy čieriez avtomatičieskij pierievodčik publikujetie novosti? Ili naniali studientov v riedaktora? Možno poniať, čto mnoho novostiej, no požałujsta, provieriajtie čto vy publikujetie, vied́ niekotoryje prosto uvidiat, zafiejspałmiat i prosto nie budut čitať bolšie. Chočietsia žie čtoby ludi čitali
  • Požałujsta
    27.03.2023
    Možiet eto ja nie znaju kak pravilno pisať? Tohda iźvinitie. No ja vižu, čto byvajut inohda ošibki, čto možiet byť, no kak budto iz-za pierievodčika, odnako vozmožno ja ošibajuś. Łučšie pieriechoditie na Taraškievicu
  • Hramar nacy
    28.03.2023
    Požałujsta, nie rašać, a vyrašać, nie iści, a vyjści, nie pić, a vypić. Što jašče skažacie... oj, vykažacie?
    Kali niejkaje słova ŭ biełaruskaj movie zdajecca nieznajomym, śmieła adkryvajcie huhł ci Korpus biełaruskaj movy i šukajcie hetaje słova ŭ kłasikaŭ. Naprykład, u Kołasa, "Na rostaniach":
    A pisar siadzieŭ usio ŭ toj ža postaci nadzvyčaj surjoznaha čałavieka, niby jon rašaŭ pieršastupiennyja pytańni času.

    — Rašajcie, hości, sami,— raptam skazała jana.— Ci tut my siadziem za stoł, ci, moža, lepiej pojdziem u sadok pad hrušku?

    Ci moža ŭ Kołasa taksama studenty za redaktaraŭ byli?

Padaje kurs dalara — čamu tak?7

Padaje kurs dalara — čamu tak?

Usie naviny →
Usie naviny

Siońnia pačynajuć sudzić 24-hadovuju minčanku za ŭdzieł u akcyi pratestu

Zvarot Bajdena da nacyi nahadvaŭ pachavalny marš — Bild

U Biełarusi źmianili praviły abmienu valut. Try hałoŭnyja novaŭviadzieńni

Suprać mamy anarchista Franckieviča, asudžanaha na 16 hadoŭ kałonii, zaviali kryminalnuju spravu1

Stała viadoma, dzie buduć vučycca studenty zakrytych pryvatnych VNU1

Stryžak raskazaŭ, ci maje prezidenckija ambicyi6

«Dačka Mara płakała ad hora». U Maładziečnie družalubny łabrador niečakana dla ŭsich źjeŭ nutryju Kapibaru — usieahulnuju lubimicu10

Zołatavalutnyja reziervy Polščy pieravysili rekordnyja $200 miljardaŭ7

Chto taki Vadzim Krasikaŭ, u jakim tak zacikaŭlenaja Rasija?1

bolš čytanych navin
bolš łajkanych navin

Padaje kurs dalara — čamu tak?7

Padaje kurs dalara — čamu tak?

Hałoŭnaje
Usie naviny →