Hramadstva1616

Mitrapalit Vienijamin zaklikaŭ biełaruskich śviataroŭ malicca za Kijeva-Piačerskuju łaŭru malitvaj, papularnaj u akultystaŭ

25 sakavika mitrapalit Vienijamin razasłaŭ pa ŭsich jeparchijach Biełaruskaj Pravasłaŭnaj Carkvy cyrkularny list №1-04/031, u jakim zaklikaŭ «u ciapierašni niaprosty čas, kali my z vami źjaŭlajemsia śviedkami novych uciskaŭ, jakija ździajśniajucca ŭ dačynieńni da kananičnaj Ukrainskaj Pravasłaŭnaj Carkvy, ździejśnić malitoŭny podźvih». Inicyjatyva «Chryścijanskaja vizija», pahladzieŭšy, jaki podźvih majecca na ŭvazie, vielmi ździviłasia

«U nadychodziačy niadzielny dzień, 26 sakavika, na čaćviorty tydzień Vialikaha postu va ŭsich chramach i manastyrach Biełaruskaj Pravasłaŭnaj Carkvy paśla zakančeńnia Boskaj Liturhii ździejśnić malebien z čytańniem kanonu malebnaha da Praśviatoj Baharodzicy, jaki śpiavajecca va ŭsiakim smutku dušeŭnym i abstajańni z dadavańniem asablivych malitoŭnych prašeńniaŭ na jekcieńni ab miry ŭsiaho śvietu i ab hnanych dzieciach Carkvy Chrystovaj na ŭkrainskaj ziamli, jakija dadajucca da hetaha lista», — pradpisaŭ svaim padnačalenym Vienijamin.

«Chryścijanskaja vizija» źviarnuła ŭvahu na toje, što ŭ zhadanym dadatku da hetaha pradpisańnia ŭtrymlivajecca viadomaja ŭ akultnych kołach tak zvanaja «malitva zatrymańnia», kantekstualizavanaja pad Ukrainu.

Poŭny tekst «malitvy zatrymańnia» možna znajści na roznych akultnych sajtach. Jaje ŭ 1848 hodzie nibyta napisaŭ nieviadomy nikomu starac Pansofij Afonski, jaki ŭvohule zhadvajecca ŭ historyi tolki ŭ suviazi z hetaj «malitvaj zatrymańnia» abo «malitvaj ad niačystaj siły».

Hetaja malitva źmiaščajecca ŭ zborniku roznych stylizavanych pad pravasłaŭnyja zaklonaŭ, zamoŭ, mahičnych zahavoraŭ «Malitoŭny ščyt pravasłaŭnaha chryścijanina».

Voś jak hetuju malitvu kamientuje duchoŭnik i vykładčyk Sarataŭskaj pravasłaŭnaj duchoŭnaj sieminaryi protaijerej Uładzimir Parchomienka:

«Usia malitva prasiaknutaja ducham viadźmarstva. Heta vidać užo z tłumačeńnia, jakoje znachodzicca pierad samaj malitvaj zatrymańnia: «Siła hetych malitvaŭ va ŭtojenaści ad słychu i pozirku ludskoha, u tajnadziejstvie jaje». Padobnyja rekamiendacyi jakraz ułaścivyja viadźmarskim abradam, a nijak nie pravasłaŭnaj malitvie…»

Navat na akultnych sajtach, jak adznačaje «Chryścijanskaja vizija», da hetaj malitvy zvyčajna prypisvajuć dysklejmier:

«Uvaha! Malitva zatrymańnia ličycca strašnaj i niebiaśpiečnaj, jana parušaje niekatoryja ź biblejskich praviłaŭ. Tamu źviartacca da jaje pračytańnia varta tolki ŭ samych krajnich vypadkach». 

Takimi krajnimi vypadkami, naprykład, ličacca najaŭnaść u domie «barabašak» abo «vianok biasšlubnaści». «Ale niaŭžo «barabaški» zavialisia ŭ Kijeva-Piačerskaj łaŭry», — iranizuje «Chryścijanskaja vizija».

Kamientary16

  • 25.03.2023
    Nia kiepska było by ŭ artykule dać tekst hetaj malitvy, a to napisali što jana akultnaja, a tekstu niama. Ci NN baicca, što jaje niechta pačnie čytać sa śviečkaj )
  • Dendraryj
    25.03.2023
    V cierkvi smrad i połumrak,
    D́jaki kuriat ładan...
    Niet, i v cierkvi vsie nie tak
    Vsie nie tak kak nado.
    V. Vysockij
  • pčałaviek śvieta
    25.03.2023
    "25 sakavika mitrapalit Vienijamin razasłaŭ pa ŭsich jeparchijach Biełaruskaj Pravasłaŭnaj Carkvy cyrkularny list №1-04/031"

    čyvo?
    a pracavać heny kancylar nie sprabavaŭ?

Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju5

Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju

Usie naviny →
Usie naviny

18-hadovaha chłopca z Bychava sudziać za «zdradu dziaržavie»9

U Biełarusi nie buduć reahavać na ŭviadzieńnie Łatvijaj zabarony ŭjezdu dla biełaruskich aŭtamabilaŭ2

U Hrodnie źbirajucca pravieści «svojeasablivy vals» BTR-aŭ1

Labiedźka: Biełaruskaja mova pavinna stać adzinaj dziaržaŭnaj. Ale treba zakłaści pierachodny pieryjad19

Dziakujučy ŭrahanu ŭ Homieli zrabili navukovaje adkryćcio3

Karbalevič: Minsk zahavaryŭ pa-inšamu, ale heta pakul tolki słovy, dziejańniaŭ minimum1

Što aznačajuć sihnały Łukašenki Polščy i Ukrainie?16

Łamin Jamal vypadkova pakazaŭ na VIDEA svaich hołych kalehaŭ4

Biełaruski błohier u samy skvar pasprabavaŭ pasmažyć jajki prosta na asfalcie. Ci atrymałasia?3

bolš čytanych navin
bolš łajkanych navin

Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju5

Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju

Hałoŭnaje
Usie naviny →