Pad Mahilovam na adnoj z daroh mašyny sadziacca na dnišča i zastajucca ŭ hrazi hadzinami VIDEA
Čytačy vydańnia «Mahileŭ.Anłajn» prysłali videa, na jakim bačna, jak ciapier vyhladaje pavarot u sadovaje tavarystva «Avanhard» pad Mahilovam. Pa ich słovach, kožny hod viasnoj hetuju darohu kala vioski Huślišča razmyvaje tak, što prajechać absalutna niemahčyma.
Kožny mietr darohi — sałoma, pałki, raspaviadajuć čytačy. Na dno sadzicca praktyčna kožnaja mašyna mienšaha pamieru, bolšyja jašče tak-siak vyciahvajuć. Šmat kamu davodzicca tak stajać hadzinami.
Pry hetym vidavočcy, jakija zhubili na hetaj darozie try hadziny, śćviardžajuć, što «ŭ abjezd nie prajechać, śpiecyjalna nasypajuć aharodžy ź ziamli, zastajecca adna daroha, pa jakoj nie prajechać. A damoŭ bolš za tysiaču. Prosta stamilisia ad takoha staŭleńnia da ludziej».
Videa sapraŭdy ŭražvaje. Zdajecca, što mašyna, jakaja sprabuje vyrvacca z hrazi, voś-voś vybuchnie ad napružańnia.
Kamientary