Śviet

Navalny nazvaŭ novaha kiraŭnika FBK, a taksama pakrytykavaŭ Vołkava 

«Ja paćviardžaju našu poŭnuju prychilnaść da idei prymianieńnia sankcyj suprać usich pucinskich karupcyjanieraŭ, žulikaŭ i raspalščykaŭ vajny».

Alaksiej Navalny, Maryja Pieŭčych, Leanid Vołkaŭ. Fota: sacsietki

Rasijski apazicyjny lidar Alaksiej Navalny 22 sakavika ŭ svaich sacsietkach nazvaŭ novaha kiraŭnika Fondu baraćby z karupcyjaj. Im stała Maryja Pieŭčych — supracoŭnica FBK, jakaja da hetaha kiravała adździełam rasśledavańniaŭ fondu.

Pieŭčych stała adnoj z publičnych asob FBK jašče ŭ 2021 hodzie, adrazu paśla aryštu Navalnaha, jaki tady viarnuŭsia ŭ Rasiju, pieražyŭšy sprobu svajho zabojstva.

«Novym staršynioj rady dyrektaraŭ FBK pryznačanaja Maryja Pieŭčych — stvaralnica i niaźmiennaja kiraŭnica adździeła rasśledavańniaŭ. Publičnaja praca za apošnija dva hady zrabiła jaje jaskravym palityčnym lidaram. Vy jaje dobra viedajecie, nu a ŭ mianie niama sumnievaŭ u tym, što jana vydatna spravicca i z hetymi abaviazkami», — zajaviŭ Navalny ŭ svaich sacsietkach.

Maryja Pieŭčych na hetaj pasadzie źmianiaje Leanida Vołkava, jaki niadaŭna abjaviŭ ab «paŭzie ŭ svajoj publičnaj dziejnaści» ŭ suviazi z hučnym skandałam ź jaho ŭdziełam.

Tady Vołkaŭ pryznaŭ, što dasyłaŭ aficyjnyja listy ŭ adras kiraŭnictva ES z prašeńniem vyvieści niekatorych rasijskich aliharchaŭ z-pad jeŭrapiejskich sankcyj, spadziejučysia tym samym raskałoć rasijskija elity.

Heta vyklikała burnuju reakcyju ŭ rasijskich apazicyjnych i praŭładnych kołach, na što taksama źviarnuŭ uvahu i sam Navalny.

«Sapraŭdy, padručnika «Jak raskołvać elity?» nie isnuje. Heta składanaja palityčnaja praca. Sankcyjnaja palityka — jaje častka. Vołkaŭ zrabiŭ pamyłku, uziaŭ na siabie adkaznaść i syšoŭ u adstaŭku. Rada dyrektaraŭ hetuju adstaŭku pryniała.

U mianie niama sumnievaŭ, što Leanid dziejničaŭ z najlepšych pamknieńniaŭ, ale jaho list na imia Žazepa Barela byŭ palityčna pamyłkovym, technična niepiśmiennym i ŭtrymlivaŭ niapravilnuju infarmacyju. Jon nie byŭ prakamientavany publična ŭ momant adpraŭleńnia i pakinuŭ adčuvańnie tajemnych pieramoŭ, što vyklikała jaho nieprymańnie siarod našych prychilnikaŭ.

U svaju čarhu ja taksama chaču prynieści prabačeńni prychilnikam i donaram FBK. My vypravili pamyłku, ale jana była, a značyć, u hetym jość i maja adkaznaść», — napisaŭ Navalny.

Palityk adznačyŭ, što jon razam z Fondam baraćby z karupcyjaj «całkam prychilny idei prymianieńnia sankcyj suprać usich pucinskich karupcyjanieraŭ, žulikaŭ i raspalščykaŭ vajny, bo heta adpaviadaje intaresam hramadzian Rasii».

Nahadajem, što jašče ŭ minułym miesiacy Alaksiej Navalny da hadaviny pačatku rasijskaha vajennaha ŭvarvańnia va Ukrainu apublikavaŭ «15 punktaŭ hramadzianina Rasii, jaki žadaje dabra svajoj krainie», u jakoj taksama zhadaŭ Biełaruś.

Kamientary

Bresckaja ajcišnica viartałasia z Polščy z daviedkaj ad KDB ab spłacie kampiensacyi za danaty. Šeść hadoŭ kałonii1

Bresckaja ajcišnica viartałasia z Polščy z daviedkaj ad KDB ab spłacie kampiensacyi za danaty. Šeść hadoŭ kałonii

Usie naviny →
Usie naviny

Paśla 2 hadoŭ źniavoleńnia vyjšaŭ na volu staršynia AHP Mikałaj Kazłoŭ9

Borys Džonsan raskazaŭ, u čym źmiest mirnaha płana Donalda Trampa pa Ukrainie7

Łukašenka: My «kinuli jakar» u Rasii i Kitai, ale treba znachodzić šlachi supracoŭnictva i ź ES4

«U Biełaruś Kryhier zajechaŭ turystam». Źjavilisia novyja padrabiaznaści pra niemca, prysudžanaha da rasstrełu12

Namieśnik kiraŭnika MZS Polščy nazvaŭ try ŭmovy narmalizacyi adnosin ź Minskam9

Za «abrazu pradstaŭnika ŭłady» mastačcy z Połacka pryznačyli prymusovaje lačeńnie. Jana viarnułasia z Polščy3

«Ź lohkim vietram» i «Narešcie, bro» — što pišuć Bajdenu ŭ tvitary

Stryžak raskazaŭ, ci ŭziaŭ by miljon dalaraŭ ad Čyža6

U Biełarusi źjavicca nacyjanalny videachostynh — vidieo.bieł 10

bolš čytanych navin
bolš łajkanych navin

Bresckaja ajcišnica viartałasia z Polščy z daviedkaj ad KDB ab spłacie kampiensacyi za danaty. Šeść hadoŭ kałonii1

Bresckaja ajcišnica viartałasia z Polščy z daviedkaj ad KDB ab spłacie kampiensacyi za danaty. Šeść hadoŭ kałonii

Hałoŭnaje
Usie naviny →