Hramadstva2222

Ivonka Surviła: Ja vielmi zadavolenaja, kali baču, što Cichanoŭskuju prymajuć i słuchajuć

Staršynia Rady BNR Ivonka Surviła napiaredadni čarhovaj hadaviny z dnia abviaščeńnia niezaležnaści Biełaruskaj Narodnaj Respubliki dała intervju «Radyjo Svaboda», dzie siarod inšaha vykazałasia pra svajo staŭleńnie da Śviatłany Cichanoŭskaj i jaje pracy i zaklikała da taho, kab stavić ahulnyja intaresy vyšej za asabistyja ambicyi.

Ivonka Surviła sa Śviatłanaj Cichanoŭskaj. Listapad 2022 hoda

Ivonka Surviła ź ciepłynioj zhadała pra sustreču ź Cichanoŭskaj padčas jaje minułahodniaha vizitu ŭ Kanadu:

«Pa-pieršaje, jana mnie vielmi padabałasia jak čałaviek, cudoŭnaja asoba. I my vielmi pryjemna praviali čas razam ź jaje hrupaj — i jaje delehacyja, i naša delehacyja. Dumaju, što ŭ jaje taksama zastalisia vielmi dobryja ŭspaminy — jak i ŭ mianie.

Z punktu hledžańnia pracy — my im pamahajem usiudy, dzie možam, padtrymoŭvajem usiudy, dzie možam. Ja ŭvažaju, što Śviatłana ciapier maje cudoŭnaje miesca, kab abviaščać ŭsiamu śvietu pra Biełaruś,

pra niaŭdzieł biełaruskaha naroda ŭ vajnie z Ukrainaj. Jana maje padmurak, jakoha my nie mieli nikoli — heta 2020 hod, kali śviet pabačyŭ, što biełaruski narod zmahajecca suprać dyktatury i za svaju volu. Hetyja bieła-čyrvona-biełyja ściahi, jakija ja prypaminaju vielmi častka, kab paciešyć siabie, kali baču, što robicca ciapier.

My pakazali śvietu, što čakajem na vyzvaleńnie. Dla Śviatłany heta padmurak, na jaki jana moža abapiracca, kab rabić svaju pracu. I ja vielmi zadavolenaja, kali baču, što jaje prymajuć i słuchajuć».

Ivonka Surviła nie zmahła pryhadać siarod dziejnych siabraŭ Rady BNR ludziej, jakija nie padtrymlivajuć Śviatłanu Cichanoŭskuju. A pry kancy zaklikała biełarusaŭ abjadnoŭvacca pierad abliččam ahulnych vyklikaŭ:

«Asabliva važna, kab my niejak znajšli sposab žyć u zhodzie, tak, jak havoryć naš darahi siabra Bialacki. Kab my dahavarylisia, što jakija b ni byli asabistyja nieparazumieńni miž ludźmi, kab adno było najvažniejšaje — heta volnaja niezaležnaja Biełaruś».

I praviała paralel ź niadaŭniaj jeŭrapiejskaj historyi:

«Tak jak niekali ŭ Francyi 10-15 hadoŭ tamu była niebiaśpieka, što vybieruć vielmi niepryjemnaha čałavieka, Le Pena, u prezidenty. Viedajecie, tady było takoje pačućcio ŭ Francyi, što kožny francuz, navat najhoršyja vorahi Žaka Šyraka, hałasavali za Šyraka, tamu što jany chacieli vyratavać Francyju. Ja voś tak chacieła b, kab takoje pačućcio było i ŭ Biełarusi».

Kamientary22

  • Aresa
    23.03.2023
    Dobraha vam zdaroŭja, spadarynia Ivonka, i z nadychodziačym śviatam! Žyvie Biełaruś!
  • Ejuja
    23.03.2023
    Pieramoha, vyzvaleńnie viaźniaŭ i novyja vybary!, Nu kaniešnie. I navat krytykavać Pradstaŭnika nielha, ja liču. Voś skazaŭ Pradstaŭnik za tydzień da vajny - "akupacyi niama, nie rabicie z ruskich vorahaŭ" - značyć treba słuchacca Pradstaŭnika. Voś skazaŭ pradstaŭnik u pieršyja dni vajny ,-"treba iści na refierendum" - značyć treba słuchacca Pradstaŭnika. Voś skazaŭ Pradstaŭnik" Kanstytucyja Labiedźki, heta naš honar" - treba słuchać Pradstaŭnika. I tak va ŭsich spravach. Treba słuchacca Pradstaŭnika.
  • Stinky Pinky
    23.03.2023
    Nie, so Śvietoj nam nie po puti. Słučajnaja fihura v biełaruskoj politikie. 

Nazirajecca maštabny zboj elektroniki pa ŭsim śviecie. Aeraporty admianiajuć paloty6

Nazirajecca maštabny zboj elektroniki pa ŭsim śviecie. Aeraporty admianiajuć paloty

Usie naviny →
Usie naviny

«Taki dyjahnaz va ŭmovach Paliny — jak śmiarotny prysud». Svajaki palitźniavolenaj Šarendy-Panasiuk daviedalisia pra jaje chvarobu8

Sinoptyki sprahnazavali, čaho ad nadvorja čakać zaŭtra

«Mianie kupili za $680». Biełarusy raskazali, jak trapili ŭ rabstva ŭ Rasii5

U BDU nazvali śpiecyjalnaści z samym vialikim konkursam — 19 čałaviek na miesca2

Pieciarburhski muziej abvinavacili ŭ prapahandzie nacyzmu za łozunh «Žyvie Biełaruś» na karcinie11

Na Śvisłačy ŭ parku Horkaha repiecirujuć vodnuju fiejeryju — VIDEA dnia3

Sinoptyki prahnazujuć, što navalnicy buduć u Minsku da kanca dnia2

Biełaruskaja prapahanda stvaryła tabłoid «Piatnica». Jaki vychodzić u sieradu9

U Minsku zatapiła i stancyju mietro «Uschod». Adnak zakryvać jaje nie stali VIDEA1

bolš čytanych navin
bolš łajkanych navin

Nazirajecca maštabny zboj elektroniki pa ŭsim śviecie. Aeraporty admianiajuć paloty6

Nazirajecca maštabny zboj elektroniki pa ŭsim śviecie. Aeraporty admianiajuć paloty

Hałoŭnaje
Usie naviny →