Mody33

Paznohci ŭ hetych adcieńniach — viasnovy must-have. Padkazvajem, ź jakim adzieńniem ich spałučyć

Trendy ŭ hetym siezonie — kalarovyja i… bliskučyja.

spring manicure
Fota: Onet.pl / Neonail

U pavietry adčuvajecca sapraŭdnaja viasna! Heta značyć — čas chavać ciopłuju vopratku i niejak aśviažyć svoj vyhlad. Akramia afarboŭki vałasoŭ i nabyćcia rečaŭ z kvietkavymi pryntami (čamu b i nie?), padumajcie i pra viasnovy manikiur, nahadvaje Onet.pl.

Na suśvietnych podyumach siezona viasna/leta — 2023 źjavilisia pastelnyja tony — piersikavyja, śvietła-žoŭtyja, pudynhava-ružovyja i łavandavyja. Jasna, što ŭviesnu najpierš chočacca abnavić harderob, ale modnyja kolery možna zrabić častkaj vobrazu i bolš prostym čynam — naprykład, praz manikiur u viasnovych adcieńniach. Pahladzicie, ź jakimi rečami z šafy jaho spałučyć, kab jon lohka ŭpisaŭsia ŭ vaš styl.

Pastelny śvietła-błakitny + džynsy + pinžak

baby blue nails
Fota: Onet.pl / Neonail

Najlepšy varyjant — letucienna-błakitny. Małočny i piaščotny, jon nahadvaje biaschmarnaje nieba. Ideał! Vydatna spałučajecca sa śvietłymi džynsami-bojfrendami i pinžakom. Samyja modnyja ŭ hetym siezonie — kalarovyja žakiety oviersajz. Pastelna-błakitny koler na paznohciach pasuje amal lubomu koleru adzieńnia. Spałučajcie jaho ź jarkaj fuksijaj, šlachietnym kremavym abo intensiŭnym sinim ci zialonym. Taksama błakitny manikiur adnolkava dobra hladzicca jak na karotkich, tak i na doŭhich paznohciach.

Soniečna-žoŭty z travianista-zialonym + biełaja futbołka

yellow and green nails
Fota: Onet.pl / Neonail

Śviežaja trava, ściabliny pieršych kvietak, liście dreŭ… Viasna poŭnaja sonca i zielaniny! Heta kolery niepieramožnaha aptymizmu i abudžeńnia. Raim nasić z hetym manikiuram kłasičnuju biełuju futbołku. Hetaje prostaje spałučeńnie stvoryć vaŭ-efiekt biez asablivych namahańniaŭ. Chočacie dadać štości jašče? Niachaj heta buduć kalarovyja piarścionki — jany idealna dapoŭniać vobraz.

Łavandavy manikiur + pastelny kaścium

purple manicure
Fota: Onet.pl / Neonail

Koler łavandy i bezu — sapraŭdny chit. Čamu b nie pasprabavać nasyčanuju viersiju fijaletavaha ź bliskaŭkami, što mihciać na soncy? Heta vyhladaje i pa-žanocku, i sučasna. Manikiur dobra spałučycca z pastelnym kaściumam luboha koleru. Razburycie zališniuju elehantnaść vobrazu z dapamohaj zručnych krasovak.

Viasnovy miks + kłasičny trenč

multi-colored manicure
Fota: Onet.pl / Neonail

Chto skazaŭ, što vy pavinny abrać adzin koler? Viasna — čas narešcie stracić rozum i pafarbavać kožny paznohać u svajo adcieńnie. Vy možacie čarhavać matavyja łaki z hlancavymi abo pafarbavać adnu ruku hlancava-pastelnymi, a druhuju — matavymi ź bliskaŭkami. Rašać vam! Z takim śmiełym paznohcievym dyzajnam dobra budzie hladziecca kłasičny bežavy trenč.

Miatna-błakitny + spadnica mietaličnaha koleru

mint nails
Fota: Onet.pl / Neonail

Spałučeńnie adcieńniaŭ błakitu i miaty daje aśviažalny efiekt i idealna padychodzić dla viasnovych dzion. Hety koler budzie vydatna hladziecca ź bliskučymi tkaninami, što źjavilisia na podyumach. Nadzieńcie karotkuju spadnicu koleru mietalik — vy budziecie vyhladać modna i sučasna.

Čytajcie jašče:

Spałučeńnie kłasiki i svavolstva — trendy ŭ mužčynskaj modzie na viasnu i leta 2023

Kamientary3

  • dočka Maksima Dizajniera
    23.03.2023
    o. u majoj načalnicy takija...

    ja raskazvała? ja raskazvała
    u maim dziacinstva łakaŭ asabliva nie było. i modna było farbavać paznohci pad koler tuchlaŭ i sumački

    a mnie ž chaciełasia samavyrazicca)
    ja znajšła vychad. u maci była prazrystaja emal, a ŭ mianie roznakalarovyja fłamajstary
    i ja...
    nanosiła emal. potym malavała fłamajstaram. potym znoŭ pakryvała emallu
    hetkija roznakalarovyja paznohci. tady nichto tak nie rabiŭ. i ja nidzie heta nie bačyła. heta ja prydumała sama. šče ŭ škole

    jak ža trochi ździŭlena była, kali praz 20 hod heta stała modna )
  • Maksim Dizajnier
    24.03.2023
    Kakaja krasota!Žal s čiernym bałochonom s bazara nie sočietajetsia. Borŝievarkam nie prihoditsia;
  • dočka Maksima Dizajniera
    24.03.2023
    Dizajnier, nu. kohda vižu eti manikiury, dumaju - vot kak s takim manikiurom borŝ variť7
    chlev rastiť? oj. diko iźviniajuś. t.ie. chleb. chleb rastiť. i na chleb...

Niemiec, prysudžany da rasstrełu, datyčny da dyviersij? Voś što za historyja heta mahła być6

Niemiec, prysudžany da rasstrełu, datyčny da dyviersij? Voś što za historyja heta mahła być

Usie naviny →
Usie naviny

Stary paplečnik Łukašenki paraŭnaŭ jaho z ajatałoj Chamiejni. Paraŭnańnie tak sabie2

Na Miency raskapali ŭžo try rady hakavych draŭlanych kanstrukcyj FOTA3

16-hadovaja biełaruska ŭpała z šostaha paviercha ŭ Varšavie

Iryna Abielskaja stała zasłužanaj doktarkaj16

Połk Kalinoŭskaha aficyjna paćvierdziŭ zamienu svajho kamandzira i zajaviŭ pra refarmavańnie18

Polšča raspačała palavańnie na kampanii, jakija abychodziać sankcyi suprać Biełarusi i Rasii1

Łukašenka zahadaŭ adpraŭlać na likvidacyju nastupstvaŭ urahanu palitźniavolenych18

«Pa vychadnych navat čerhi». U Minsku adkryłasia «kaśmičnaja» zona adpačynku ź biaspłatnym viarovačnym haradkom

U Lvovie stralali ŭ palityka Irynu Faryjon. Jana ŭ krytyčnym stanie18

bolš čytanych navin
bolš łajkanych navin

Niemiec, prysudžany da rasstrełu, datyčny da dyviersij? Voś što za historyja heta mahła być6

Niemiec, prysudžany da rasstrełu, datyčny da dyviersij? Voś što za historyja heta mahła być

Hałoŭnaje
Usie naviny →