Hramadstva99

DziaržSMI pakazali padrobleny pašpart zabitaha ŭ Hrodnie. Raspaviadajem, kamu jon naležaŭ i jak robiacca takija dakumienty

Pašpart «Łamakina», jakoha kadebešniki zabili ŭ Hrodnie, pakazała dziaržTB. Voś što heta za dakumient.

Kamu naležyć pašpart?

Kali pravieryć dakumient pa «źlitych» bazach rasijskich pašpartoŭ, to chutka možna znajści jaho sapraŭdnaha ŭładalnika. Heta Uładzimir Łamakin z Zabałoćcia Kałužskaj vobłaści 1986 hoda naradžeńnia.

«Łamakin» ź dziaržSMI i Uładzimir Łamakin, sapraŭdny ŭładalnik pašparta. Fota: ATN, staronka ŭ «Adnakłaśnikach» Uładzimira Łamakina

Sapraŭdny Łamakin z 2011-ha pa kaniec 2013 hoda adbyvaŭ pakarańnie za «arhanizacyju narkaprytona» i «zachoŭvańnie (abo vytvorčaść) narkotykaŭ u bujnym pamiery biez mety prodažu». Niekalki razoŭ byŭ aštrafavany za «chulihanstva». Apošniaje viadomaje miesca jaho pracy — achoŭnik u Kałuzie ŭ 2021 hodzie. 

Pašpart z numaram, jaki pakazvajuć dziaržSMI daŭno nie dziejny. Jon jość u bazie zhublenych pašpartoŭ, pryčym «zhubleny» jon nie mienš za dziesiać hadoŭ tamu — z 2011-ha hoda. A ŭ 2012-m (akurat kali mužčyna byŭ u turmie) jamu vydali novy.

A chto na fota?

Sapraŭdnaja asoba čałavieka na hetym fota nie viadomaja. 

Imavierna, na fota ŭ padroblenym pašparcie psieŭda-Łamakina, jaki pakazali pa dziaržTB, — nie hramadzianin Biełarusi. Taki čałaviek nie adšukaŭsia pa adkrytych źviestkach z sacsietak i pa bazie biełaruskich pašpartoŭ, jakaja jość u «Kibierpartyzan».

Jak robiacca takija pašparty i kolki jany kaštujuć?

Na fota tak zvany «pieraklejeny» pašpart. To-bok, sapraŭdny pašpart, skradzieny abo vykupleny ŭ realnaha čałavieka. Z ulikam taho, što pašpart z takim numaram jość u bazie zhublenych pašpartoŭ, pry luboj praviercy ŭ Rasii čałavieka ź im by aryštavali.

Taksama z takim pašpartam niemahčyma pryjechać z Polščy abo luboj treciaj krainy, dzie jość pamiežny kantrol, vas prosta aryštujuć na miažy. Takim čynam, adzinaje miesca, adkul tearetyčna moh pryjechać «Łamakin» — heta Rasija.

Takija pašparty možna zamović u darknecie. Heta, badaj što, samyja tannyja varyjanty, ich košt ad 20 da 50 tysiač rasijskich rubloŭ (250 — 600 jeŭra) u zaležnaści ad «jakaści» pašparta i vykanańnia pasłuhi. Usio, što mahčyma zamianić u takim pašparcie, — heta treciuju staronku, dzie źmiaščajucca piersanalnyja źviestki.

Možna mierkavać, što kali kadebešniki viedali źviestki hetaha čałavieka adrazu, to, napeŭna, viedali i što danyja vydumanyja. 

Na ANT zajavili, što asoba «Łamakina» jašče vyznačajecca. 

U novym siužecie taksama paviedamili, što mužčyna spačatku prybyŭ u Mahiloŭ (mierkavana, z 24 pa 28 lutaha), paśla ŭ Minsk i tolki potym źniaŭ kvateru ŭ Hrodnie.

«Naša Niva» — bastyjon biełaruščyny

PADTRYMAĆ

Kamientary9

  • Abu
    21.03.2023
    Z "Łamakinym" abłamalisia.
  • Žvir
    21.03.2023
    Dy ad pačatku raskrutki hetaha fejka, było jasna, što nieštačka abharnuli ŭ patrebnuju prapahandzie abałonku, chłuślivuju, jak i ŭsio, što jana valić u miedyjaprastoru.
  • :
    21.03.2023
    Rośsijskij špion :)

Što adbyvajecca ŭ Pałku Kalinoŭskaha i čamu bajcy kažuć pra jaho mahčymaje źniknieńnie?

Što adbyvajecca ŭ Pałku Kalinoŭskaha i čamu bajcy kažuć pra jaho mahčymaje źniknieńnie?

Usie naviny →
Usie naviny

Byłaja palitźniavolenaja: Maja siamja patraciła za dva hady $10 tysiač na advakataŭ i pieradačy dla mianie1

«Kali b mnie płacili — siadzieła b i čytała ludziam knihi, navat za małyja hrošy». Intervju z aktrysaj Zojaj Biełachvościk2

U voziery Śviciaź zabaranili kupacca. U čym pryčyna?1

Mercedes urezaŭsia ŭ Fiat, a paśla źbiŭ dvuch čałaviek

Tramp staŭ najstarejšym kandydatam na pasadu prezidenta ZŠA ŭ historyi5

Minsk apynuŭsia ŭ topie samych tannych haradoŭ śvietu — za žyllo treba płacić u 10 razoŭ mienš, čym u Ńju-Jorku7

Pieršyja prablemy biełarusaŭ na Alimpijadzie ŭ Paryžy. Vieślary ŭžo tam, a łodki nie prapuścili 

Topavy amierykanski časopis sprahnazavaŭ, kolki biełarusy zavajujuć miedaloŭ na Alimpijadzie. U rasijan budzie nul

Charys zaručyłasia dastatkovaj padtrymkaj dla vyłučeńnia kandydatam u prezidenty

bolš čytanych navin
bolš łajkanych navin

Što adbyvajecca ŭ Pałku Kalinoŭskaha i čamu bajcy kažuć pra jaho mahčymaje źniknieńnie?

Što adbyvajecca ŭ Pałku Kalinoŭskaha i čamu bajcy kažuć pra jaho mahčymaje źniknieńnie?

Hałoŭnaje
Usie naviny →