Mianiajuć kiraŭnika navapołackaj kałonii, dzie siadziać Babaryka i Łosik
U papraŭčaj kałonii №1, dzie adbyvajuć svaje terminy takija viadomyja asoby, jak Viktar Babaryka, Ihar Łosik i stryječny brat Paŭła Łatuški, mianiajuć načalnika, daviedałasia «Zierkało». Vydańniu na padstavie śviedčańniaŭ dźviuch nie źviazanych pamiž saboj krynic stała viadoma, što Andrej Palčyk, jaki raniej kiravaŭ ustanovaj, bolš nie zajmaje hetuju pasadu.
Pavodle svajački adnaho sa źniavolenych, jaki znachodzicca ŭ hetaj kałonii, infarmacyja, što Palčyk chutka nie budzie načalnikam PK №1, źjaviłasia ŭ čacie, dzie razmaŭlajuć rodnyja asudžanych, na pačatku sakavika. Adnoj ź dziaŭčat, muž jakoj tam siadzić, nibyta treba było padpisać u Palčyka zajavu i jana doŭha čakała, pakul jon vyzvalicca ź niejkaj narady. Padčas hetaha čakańnia 1 sakavika achoŭnik nibyta joj skazaŭ, što ŭ Palčyka siońnia apošni pracoŭny dzień. A praź niekalki dzion źjaviłasia infarmacyja, što časovy vykanaŭca abaviazkaŭ načalnika kałonii ciapier Viačasłaŭ Žurko. Kudy padzieli Palčyka, hety infarmatar nie viedaje.
Pra toje, što Andrej Palčyk bolš nie načalnik PK №1, «Zierkału» raskazaŭ i eks-palitviazień Alaksandr Kabanaŭ, jaki adbyvaŭ u hetaj ustanovie častku terminu.
«Dzieści miesiac tamu Palčyka adpravili načalnikam kałonii-pasialeńnia, jakaja ciapier budujecca abo rekanstrujujecca. U jakim horadzie, nie pamiataju, — kaža Alaksandr Kabanaŭ. — Jość cikavy niuans: usie dumali, što Palčyk pojdzie načalnikam UDVP pa Viciebsku (havorka ab Upraŭleńni Departamienta vykanańnia pakarańniaŭ MUS pa Viciebskaj vobłaści), heta značyć, na pavyšeńnie. A tut jaho adpraŭlajuć u kałoniju-pasialeńnie, jakaja ranham nižejšaja za PK».
Viačasłaŭ Žurko, jaki ciapier časova vykonvaje abaviazki načalnika kałonii, pry Palčyku byŭ, pa słovach Kabanava, namieśnikam načalnika pa apieratyŭnaj i režymnaj rabocie.
Z čym mienavita źviazany pieravod Andreja Palčyka z PK №1, Alaksandr Kabanaŭ dakładna nie viedaje. Adna ź jaho zdahadak: u kałonii było zašmat parušeńniaŭ i «nie dziejničać było niepryhoža».
U pryjomnaj načalnika PK №1, kudy žurnalisty «Zierkała» patelefanavali jak zvyčajnyja hramadzianie, kab zapisacca na pryjom da kiraŭnictva, skazali, što pryjom hramadzian ciapier pravodzić «vykanaŭca abaviazkaŭ». Pytańnie, ci pracuje jašče Andrej Palčyk, pakinuli biez adkazu.
Palitźniavoleny błohier Ihar Łosik ździejśniŭ sprobu suicydu ŭ kałonii — pravaabaroncy
Błohier Kabanaŭ, jaki siadzieŭ u navapołackaj kałonii, pra toje, čamu viaźni nie vytrymlivajuć umoŭ tam
«Klučyca nie tak zrasłasia i kostka ŭpirajecca ŭ horła». Novyja śviedčańni ździekaŭ sa źniavolenych u navapołackaj kałonii
Biełyja dy čyrvonyja kvietki i mora śloz. Jak u Vilni sustrakali Palinu Šarendu-Panasiuk29
Kamientary
Pra Palčyka kazali što jen sam bje zatrymanych, što dla jaho heta asałoda
A jašče, chto nie viedaje, łukašenka pracavaŭ naziralnikam u kałonii paŭtara hoda ŭ 1986-1988, pra heta jašče šeriemiet pisaŭ...