Finlandyja šosty raz uznačaliła rejtynh ščaścia pa viersii AAN. U rejtynh 2023 hoda ŭklučana 109 krain. Biełaruś u im adsutničaje. Suśvietny dakład ab ščaści štohod publikujecca padraździaleńniem AAN.
U pieršuju dziasiatku 2023 hoda ŭvajšli nastupnyja dziaržavy:
Finlandyja,
Danija,
Isłandyja,
Izrail,
Niderłandy,
Šviecyja,
Narviehija,
Šviejcaryja,
Luksiemburh,
Novaja Ziełandyja.
Zamykajuć uvieś rejtynh Pakistan i Nihier.
Susiedzi Biełarusi znachodziacca ŭ śpisie na nastupnych miescach:
Litva — 20 miesca,
Polšča — 39 miesca,
Łatvija — 41 miesca,
Rasija — 70 miesca,
Ukraina — 92 miesca.
Litva — adzinaja novaja kraina ŭ pieršaj dvaccatcy, jakaja padniałasia bolš čym na 30 pazicyj z 2017 hoda.
U spravazdačy za hety hod taksama bolš padrabiazna razhladajucca dastupnyja danyja pa Ukrainie. «Razburalnyja nastupstvy vajny vidavočnyja dla ŭsich, i tamu my taksama vyjaŭlajem, što dabrabyt va Ukrainie surjozna paciarpieŭ», — adznačyŭ adzin z daśledčykaŭ Jan-Emaniuel de Niave.
«Ale što, adnak, dziŭna, dyk heta toje, što dabrabyt va Ukrainie ŭpaŭ mienš, čym u 2014 hodzie, kali Rasija anieksavała Krym, i heta zbolšaha dziakujučy niezvyčajnamu rostu pačućcia salidarnaści va ŭsioj Ukrainie, pra što śviedčać źviestki ab dapamozie nieznajomym ludziam i achviaravańniach — rasijskaje ŭvarvańnie skavała Ukrainu ŭ nacyju», — dadaŭ de Niave.
Daśledavańnie World Happiness Report vykarystoŭvaje šeść klučavych faktaraŭ, jakija dapamahajuć padličyć uzrovień ščaścia ŭ śviecie: sacyjalnuju padtrymku, dachod, zdaroŭje, svabodu, ščodraść i adsutnaść karupcyi.
Što viadoma pra biełarusa Viktara Paviełku, jakoha ŭ Polščy padazrajuć u arhanizacyi napadaŭ na rasijskich apazicyjanieraŭ3
Kamientary