Vajna22

Haŭbica RCH 155 — novaja niamieckaja zbroja, jakuju pieršaj atrymaje Ukraina

Niadaŭna stała viadoma, što Hiermanija pačała pravodzić vyprabavańni novaj samachodnaj artyleryjskaj ustanoŭki RCH 155, pieršym zakazčykam jakoj vystupiła Ukraina. Čakajecca, što joj budzie pastaŭlena 18 haŭbic.

Haŭbica RCH 155. Fota: Wikimedia Commons

Vajenny ekśpiert Aleh Ždanaŭ u svaim videastrymie raskazaŭ pra asablivaści RCH 155. Hetaja kalosnaja haŭbica na braniravanaj bazie źjaŭlajecca anałaham šviedskaj haŭbicy Archer. Baza ŭziataja ad bronietranspartciora Boxer. Heta zabiaśpiečvaje vysokuju mabilnaść samachodnaj ustanoŭki. Pa šašy jana moža raźvić chutkaść da 100 km na hadzinu. Vypuskam zajmajecca niamieckaja kampanija Krauss Maffei-Wegmann.

Heta novaja raspracoŭka. Jana źjaviłasia ŭ 2014 hodzie. Samachodnaja ŭstanoŭka maje abaronu ad supraćtankavych minaŭ. Abaronienaje dnišča robić jaje dastatkova žyvučaj va ŭmovach bajavych dziejańniaŭ.

Haŭbica całkam aŭtamatyčnaja. Ekipaž składajecca z dvuch čałaviek: kiroŭcy i kamandzira. Jany fizična nie ŭmiešvajucca ŭ praces padrychtoŭki i viadzieńnia ahniu.

Aŭtamatyzacyja dazvoliła nie tolki źmienšyć skład ekipaža, ale i vieści «załpavy» ahoń. Bojekamplekt naličvaje 30 strełaŭ. Da ich majucca 144 zarady. 

Haŭbica moža padtrymlivać taki režym, pry jakim streły robiacca sieryjna, źmianiajučy trajektoryju ruchu snarada. U vyniku ŭsie jany paražajuć cel adnačasova. Dla razhortvańnia ŭ bajavoje stanovišča samachodnaj ustanoŭcy dastatkova 30 siekund.

U suviazi z tym, što dalokaść stralby moža być ad niekalkich kiłamietraŭ da 50-ci, u bojekamplekcie jość piać vidaŭ zaradaŭ. Paśla vykanańnia bajavoj zadačy jana adychodzić u rajon pierahruzki, dzie techničnaje padraździaleńnie zaradžaje novuju bojeŭkładku.

Važnaj asablivaściu hetaj ustanoŭki źjaŭlajecca toje, što jana sumiaščalnaja z dalnabojnymi snaradami Vulcano i Excalibur, jakija majuć adpaviedna dalokaść 90 i 70 kiłamietraŭ.

Dadatkova haŭbica moža być abstalavanaja kulamiotam, hranatamiotam i sistemami abarony ad roznych typaŭ pahrozaŭ (radyjacyjnaj, bijałahičnaj i chimičnaj).

Pastaŭka RCH 155 va Ukrainu budzie zroblenaja ŭ 2025 hodzie.

Čytajcie jašče:

Sistema Patriot dazvolić ukrainskaj armii źniščać rasijskija kompleksy S-300

Ci moža supraćdronavaja strelba źbivać drony «Łancet»?

Kamientary2

  • Abu
    16.03.2023
    Ruskija baby jašče mišeniaŭ naradžajuć!
  • Mike
    16.03.2023
    >>Pastaŭka RCH 155 va Ukrainu budzie zroblenaja ŭ 2025 hodzie

    Hetym treba było pačać navinu, i na hetym ža skončyć

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł24

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Usie naviny →
Usie naviny

Čarha lehkavych aŭto na ŭjezd u Polšču ź Biełarusi pavialičyłasia ŭ čatyry razy5

Juryj Čyž pajšoŭ u rasijski sud, kab pazmahacca za svoj małakazavod u Hielendžyku

Jak transhiendar abvaliŭ prodažy samaha papularnaha amierykanskaha piva15

Iłan Mask žorstka vyśmiejaŭ Microsoft za hłabalny IT-zboj5

Śviatłana Cichanoŭskaja sustrełasia ź Viktaram Orbanam23

Nie rabicie hetuju pamyłku ŭ zachoŭvańni chleba5

Nazirajecca maštabny zboj elektroniki pa ŭsim śviecie. Aeraporty admianiajuć paloty13

Kałabaranty z Zaparožskaj vobłaści vydajuć sustreču z pramaskoŭskim biełaruskim aktyvistam Łuščom za aficyjny vizit1

Za dva z pałovaj hady na miažy Biełarusi i ES zahinuli 126 mihrantaŭ2

bolš čytanych navin
bolš łajkanych navin

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł24

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Hałoŭnaje
Usie naviny →