U Minskaj vobłaści ŭźnikła prablema z ajčynnymi kałapryjomnikami
Kałapryjomniki — miedycynskaje prystasavańnie, žyćciova nieabchodnaje chvorym ludziam sa stomaj (adtulinaj, pryznačanaj dla vyviadzieńnia źmieściva kišečnika). Pra prablemu ź imi ŭ Minskaj vobłaści napisała navat dziaržaŭnaja hazieta, jakuju cytuje «Biełsat».
Havorka pra ajčynnyja prystasavańni, impartnyja pakul što ŭ najaŭnaści jość, ale jany ŭ razy daražejšyja.
Raniej žychary Minskaj vobłaści atrymlivali kałapryjomniki ŭ abłasnoj balnicy ŭ Baraŭlanach. Ale z 15 studzienia vydavać ich pierastali, zaraz nibyta ich buduć vydavać rajonnyja balnicy. Adnak pakul aficyjna heta nie zaćvierdžana, tamu ludzi vymušanyja vyrašać nadzionnyja prablemy samastojna.
Mała taho, što kuplać kałapryjomniki treba samastojna (a ŭ miesiac na heta sychodzić minimum 150 rubloŭ), ale ž i kupić ich stała prablemaj.
85-hadovy Ryhor ź Lubani raskazaŭ:
«U lutym treba było atrymlivać novuju partyju. Patelefanavaŭ u Baraŭlany zamović, nu i mianie ašałamili navinoj, što jany ŭžo nie absłuhoŭvajuć i nijakich techničnych srodkaŭ nie vydajuć, a ŭsie funkcyi pieradali ŭ rajon. Ja adrazu ŭzradavaŭsia. Padumaŭ, voś narešcie dobra zrabili. Pieršy dzień pryjšoŭ, jany skazali: «Budziem raźbiracca». Dziesiać dzion nazad pajšoŭ. Namieśnica hałoŭnaha lekara skazała, što prablema im viadomaja, ale ničym dapamahčy nie mohuć. Kuplać i zabiaśpiečvać nie buduć».
«Plavać ja chacieŭ na hety Zachad». Hałasavańnie Łukašenki pačałosia z dvuch prakołaŭ. A voś jakija zajavy jon zrabiŭ24
Kamientary