Biełaruś pabuduje ŭ Brazilii dźvie zboračnyja vytvorčaści traktaroŭ MTZ. Prajektavańnie hetych pradpryjemstvaŭ nibyta ŭžo pačałosia, paviedamiŭ pasoł Biełarusi ŭ Brazilii Siarhiej Łukaševič.
Dypłamat raskazaŭ, što ŭ brazilskim ahrarnym siektary 70% vytvorčaści zabiaśpiečvajuć siamiejnyja fiermy, pry hetym čverć usich fiermieraŭ viadzie dziejnaść biez vykarystańnia techniki. U ciapierašniaj situacyi mohuć być zapatrabavanymi biełaruskija małamahutnyja bazavyja traktary mahutnaściu da 20—25 konskich sił, prydatnyja dla siamiejnaha biznesu.
Zhodu na budaŭnictva zavodaŭ užo dali hubiernatary dvuch brazilskich štataŭ, i pačaty kansultacyi bakoŭ, jakija vuzły i ahrehaty možna vyrablać u Brazilii. Adnak kančatkovaha rašeńnia pakul što, jak vyhladaje, niama, miarkujučy pa abciakalnaj farmuloŭcy pasła: «Pakul infarmacyja ŭsialaje ŭ nas aściarožny aptymizm u płanavaj, miakkaj realizacyi sumiesnaha prajekta».
Raniej paviedamlałasia, što MTZ płanavaŭ zapuścić zborku traktaroŭ u Turcyi mahutnaściu 2,5 tysiačy mašyn u hod.
Aleksin i Tapuzidzis skončyli vajnu za tytuniovy rynak Biełarusi. Abodva prajhrali. A voś chto, zdajecca, pieramoh12
Kamientary