Kultura44

Staradaŭnija fota, archiŭnyja čarciažy: vystava ŭ Homieli pakaža raskošu pałaca Rumiancavych i Paskievičaŭ

Vystavu «Raskoša homielskaha majontka druhoj pałaviny XIX stahodździa» prezientujuć u Homieli ŭ pałacy Rumiancavych i Paskievičaŭ 16 sakavika, piša BiełTA.

«Siońnia žychary i hości horada ź vialikim intaresam naviedvajuć Homielski pałacava-parkavy ansambl. Atrymlivajučy asałodu ad jaho słavutaściej, badaj, kožny maryŭ by apynucca tut šmat hadoŭ tamu, u toj čas, kali na hetaj terytoryi raźmiaščaŭsia dvaranski majontak. Tamu, jak jon vyhladaŭ pry apošnich uładalnikach, kniaziach Paskievičach, i pryśviečana vystava», — adznačyli ŭ dziaržaŭnaj historyka-kulturnaj ustanovie.

Hledačy ŭbačać kopii staradaŭnich fatahrafij pałacavych załaŭ, parkavych krajavidaŭ, partretaŭ, afarbavanych z dapamohaj niejrasietak, a taksama archiŭnyja dakumienty, čarciažy i 3D-rekanstrukcyi pałacavych interjeraŭ.

Ekspazicyja prademanstruje i nazapašanyja źviestki, novyja vyniki navukova-daśledčaj raboty supracoŭnikaŭ muzieja pa historyi stvareńnia pałacava-parkavaha ansambla.

Vystava prymierkavana da 200-hodździa z dnia naradžeńnia kniazia Fiodara Paskieviča. «U 1856 hodzie vialiki homielski majontak pierajšoŭ u spadčynu kniaziu Fiodaru Paskieviču. Vałodajučy vialikim bahaćciem, jon pastaraŭsia ŭpryhožyć i biez taho raskošny majontak, jaki słužyŭ vyjaznoj rezidencyjaj u čas znachodžańnia ŭ Homieli. Praktyčna na praciahu ŭsioj druhoj pałovy XIX stahodździa pravodzilisia raboty pa jaho pieraŭładkavańni. Byŭ vidaźmienieny pałac, pašyryŭ svaje miežy park, źjavilisia zimni sad, vieža ahladu, kaplica-pachavalnia i inšyja parkavyja pabudovy, jakija ciapier źjaŭlajucca pomnikami historyka-kulturnaj spadčyny Biełarusi», — raskazali ŭ pałacy.

Na prezientacyi naviedvalniki zmohuć daviedacca pra detali ŭładkavańnia homielskaj siadziby, stvareńnia architekturnych zbudavańniaŭ. Cudoŭnym akampaniemientam, jaki padtrymlivaje atmaśfieru epochi, stanie žyvaja muzyka XIX stahodździa ŭ vykanańni muzykantaŭ Homielskaha kaledža mastactvaŭ imia N. Sakałoŭskaha.

Kamientary4

  • Aha
    15.03.2023
    b r y s , jaho pałac jašče vielmi doŭha budzie vykarystoŭvacca pa pryznačeńni
  • b r y s
    15.03.2023
    Aha, nuŭ... usienarodna izbranaj očeń daže pa ukusu) -
    youtu.be/4MXPNwLqxyM?t=1475 
  • Litvin
    16.03.2023
    b r y s , patomki raboŭ u nas tolki bčb

Stała viadoma pra aryšt historyka Ihara Mielnikava16

Stała viadoma pra aryšt historyka Ihara Mielnikava

Usie naviny →
Usie naviny

Byłaja palitźniavolenaja: Maja siamja patraciła za dva hady $10 tysiač na advakataŭ i pieradačy dla mianie1

«Kali b mnie płacili — siadzieła b i čytała ludziam knihi, navat za małyja hrošy». Intervju z aktrysaj Zojaj Biełachvościk2

U voziery Śviciaź zabaranili kupacca. U čym pryčyna?1

Mercedes urezaŭsia ŭ Fiat, a paśla źbiŭ dvuch čałaviek

Tramp staŭ najstarejšym kandydatam na pasadu prezidenta ZŠA ŭ historyi5

Minsk apynuŭsia ŭ topie samych tannych haradoŭ śvietu — za žyllo treba płacić u 10 razoŭ mienš, čym u Ńju-Jorku7

Pieršyja prablemy biełarusaŭ na Alimpijadzie ŭ Paryžy. Vieślary ŭžo tam, a łodki nie prapuścili 

Topavy amierykanski časopis sprahnazavaŭ, kolki biełarusy zavajujuć miedaloŭ na Alimpijadzie. U rasijan budzie nul

Charys zaručyłasia dastatkovaj padtrymkaj dla vyłučeńnia kandydatam u prezidenty

bolš čytanych navin
bolš łajkanych navin

Stała viadoma pra aryšt historyka Ihara Mielnikava16

Stała viadoma pra aryšt historyka Ihara Mielnikava

Hałoŭnaje
Usie naviny →