Śviet66

Supracoŭniki Wildberries abviaścili maštabnuju zabastoŭku pa ŭsioj Rasii

Źjaŭlajecca infarmacyja, što mnohija punkty vydačy zakazaŭ u Rasii tak i nie adčynilisia dla klijentaŭ. 

Uładalniki i supracoŭniki handlovych punktaŭ Wildberries abjavili na siońnia ŭsierasijskuju zabastoŭku ŭ jakaści pratestu suprać palityki kampanii. Jak piša «Baza» i inšyja rasijskija ŚMI, u mnohich rehijonach i haradach Rasii tak i nie adčynilisia punkty vydačy zakazaŭ.

Pratest źviazany z tym, što Wildberries biez mahčymaści asprečvańnia pačaŭ štrafavać supracoŭnikaŭ za viartańnie klijentami brakavanaha ci padmienienaha tavaru, navat kali jon takim nie źjaŭlajecca. Havorka idzie pra śpisvańnie 100% koštu takich tavaraŭ i pra ŭtrymańnie da 40% zarobku. 

Heta, pa słovach pratestujučych supracoŭnikaŭ, źjaŭlajecca «pierakidvańniem strat kampanii na ich plečy». A ŭ internecie ŭžo stali masava źjaŭlacca fatahrafii i videa z dokazami raspačataj zabastoŭki.

«Heta vyklikała ŭ nas šok. Tavar moža być skradzieny abo padmienieny na składzie, u pieravozčyka abo ŭ sartavalnym centry — dy dzie zaŭhodna. My ščyra nie razumiejem, čamu nas zrabili vinavatymi», — raspavioŭ vydańniu Forbes adzin z supracoŭnikaŭ Wildberries.

U sietcy stali masava źjaŭlacca dokazy začynienych punktaŭ vydačy zakazaŭ Wildberries pa ŭsioj Rasii. Fota: sacsietki

U kampanii ŭ adkaz zajavili, što nijakaha «buntu i šturmu» nie adbyvajecca, a tyja, chto raspaŭsiudžvaje infarmacyju ab zakryćci punktaŭ vydačy zakazaŭ, tolki robiać z kamara kania.

«Telehram-kanały zrabili z kamara kania i pakazali heta jak «bunt» abo «šturm» našych partnioraŭ, ale jany pradstaŭlajuć tolki 0,1% ad ich ahulnaj kolkaści», — paviedamiła vydańniu It's My City kiraŭnictva Wildberries.

Akramia taho, Wildberries pačała dadatkova štrafavać na 100 tysiač rasijskich rubloŭ (kala 1300 dalaraŭ) za lubuju niedakładnuju i abraźlivuju infarmacyju ab spravach kampanii, a taksama błakavać vyvad srodkaŭ z płatformy dla tych supracoŭnikaŭ i partnioraŭ, jakija majuć daŭhi pa štrafach.

Pratestoŭcy ž, pavodle ich słoŭ, hatovyja pravodzić zabastoŭku roŭna da taho času, pakul nie buduć vykanany ich patrabavańni (prybrać usie zapazyčanaści pa štrafach, atrymać mahčymaść asprečvańnia daŭhoŭ i ŭtrymańniaŭ z zarpłaty, viarnuć utrymańnie za brak i padmienu tavaru na raniejšyja 25% i inš.).

Usiaho ŭ Rasii płanujuć bastavać kala 7 tysiač punktaŭ vydačy zakazaŭ Wildberries i zvyš 10 tysiač supracoŭnikaŭ kampanii.

Adnak, pavodle apošnich źviestak, kampanija ŭžo pačała masava zvalniać bastujučych supracoŭnikaŭ i razryvać kantrakty ź niezadavolenymi ŭładalnikami punktaŭ vydačy zakazaŭ. Akramia hetaha, Wildberries užo adpraviŭ fury dla taho, kab zabrać usie tavary z začynienych handlovych punktaŭ, piša «Baza».

Nahadajem, što jašče ŭ minułym hodzie biełaruski filijał Wildberries pravodziŭ praktyku płatnaha viartańnia tavaru klijentami, za što potym byŭ aštrafavany. Taksama ŭ katałohu internet-kramy kampanii prakuratura Homielskaha rajona niadaŭna znajšła «tavary z nacysckaj simvolikaj».

U samoj Biełarusi prykmiety praviadzienia takoj ža zabastoŭki, jak u Rasii, adsutničajuć. U miascovych čatach, prynamsi, zhadak pra heta niama. U biełaruskim ofisie Wildberries na zvanki našaha žurnalista nie adkazali.

Kamientary6

  • Vadzim
    15.03.2023
    No, nu tak, takaja pryroda čałavieka ahułam, nia tolki biełarusaŭ. Usio zaležyć ad dośviedu i vychavańnia, ad dośvied i vychavańnie zaležyć ad papiaredniaha dośviedu i vychavańnia. Pra dośledy pra roźnicu pamiž niemcami, što dali śvietu nacystaŭ, i amierykancami spadar ža viedaje?
    Prapanovy jość jak hetaje zamknionaje koła razryvać va ŭmovach dyktatury? Ci tolki biezdapamožnyja tykańni ŭ fakty pra maŭklivaść?
  • Taki vot
    16.03.2023
    Vadzim , Priedłožienije jesť, skorieje soviet. Počitajtie ka na dosuhie, navierniaka v škole, VUZach eto nie izučajut tiepieŕ, rabotu V. Lenina "Čto diełať?". :)) Vieśma aktualno. A to vychodili machali ćvietočkami, a tiepieŕ stonut. Hapony vas obdurili i sami sieli, kto nie śbiežał. A vy sami dumajtie prieždie čiem za kiem to šiestvovať. Mozh dan čiełovieku, čtoby dumať. Racionalno.
  • Vadzim
    16.03.2023
    Taki vot, a, nu tak, parady z kustoŭ - sprava sapraŭdnych śmielčakoŭ. Pytańniaŭ niama. Pryjechać u Biełaruś i niešta pakazać z realnymi ludźmi - heta dla słabakoŭ.
    Vuń va ŭźbiekistanie, kazachstanie, iranie ludzi źmiali ŭładu i žyvuć ščaśliva. Nu zachad im usim viadoma zbrojaj dapamoh, a to b nie spravilisia.

Zamach na Donalda Trampa: u jaho stralali ŭ čas vystupu ŭ Piensilvanii66

Zamach na Donalda Trampa: u jaho stralali ŭ čas vystupu ŭ Piensilvanii

Usie naviny →
Usie naviny

Miesiacy karcaru i dva z pałovaj hady biez sonca. Jak małady minčuk prajšoŭ praz kałoniju i krytuju turmu5

Novyja Patriot i SAMP/T nie zmohuć abaranić Charkaŭ, Sumy, Mikałajeŭ i Čarnihaŭ — analityki

Za 40 km ad Minska jość unikalny biaspłatny hidrapark z vadaspadami, lesam, plažami i navat «džakuzi»2

U Biełaruś znoŭ zalacieŭ šachied. Hetym razam jon dabraŭsia da Viciebska12

U Kobrynie bolš nie budzie vulicy Kalinoŭskaha12

Samit NATA pakazaŭ adsutnaść mocnaha lidara nakštałt Čerčyla — Bild3

Kaho siońnia možna nazvać sapraŭdnym patryjotam Biełarusi? Hutarka ź fiłosafam Barkoŭskim13

Hramadzianina Indyi, jak miarkujecca, uziali ŭ zakładniki ŭ Biełarusi9

Biełaruskim błohieram zakručvajuć hajki — źmianili praviły publikacyi rekłamy ŭ sacsietkach. Padrabiaznaści1

bolš čytanych navin
bolš łajkanych navin

Zamach na Donalda Trampa: u jaho stralali ŭ čas vystupu ŭ Piensilvanii66

Zamach na Donalda Trampa: u jaho stralali ŭ čas vystupu ŭ Piensilvanii

Hałoŭnaje
Usie naviny →