Zamiest «Amsterdama» ŭ «Karonie» budzie Burger King, a zamiest «Doma» — «Adesa-mama»
Zamiest kaviarni «Amsterdam» u hipiermarkiecie «Karona» na Kalvaryjskaj, 24 u Minsku adkryvajuć fastfud-restaran Burger King, a na miescy restabara Dom na Revalucyjnaj, 26 chutka zapracuje inšaja ŭstanova biudžetnaj sietki «Adesa-mama», paviedamiŭ Koko.by.
Pra toje, što na miescy sietkavaj kaviarni «Amsterdam» (jana pracuje va ŭsich «Karonach») na Kalvaryjskaj adkryjuć užo 15-y pa liku ŭ Minsku restaran fastfudu Burger King, pra što śviedčyć i šylda na ŭvachodzie ŭ HC, i biłbord ab chutkim adkryćci na padjeździe da samoj «Karony».
Što tyčycca trochpaviarchovaha bara-restarana «Dom» na Revalucyjnaj, 26, adnosna techničnaha pierapynku ŭ pracy jakoha źjaviłasia abjava ŭ lutym, to zamiest jaho źbirajucca adkryć druhuju ŭ Minsku ŭstanovu sietki biudžetnaj kuchni «Adesa-mama». Pieršaja takaja ŭstanova pracuje ŭ TRC Dana Mall.
Uładalnik restabara «Dom», restaratara Siarhieja Mirharadskaha, razam z žonkaj i 24-hadovym synam zatrymlivali ŭ žniŭni 2022-ha za ŭdzieł u pratestach 2020 hoda. Mahčyma, zakryćcio ŭstanovy moža być niejak z hetym źviazanaje.
-
$1.000.000 za ŭvachod na cyrymoniju i pjanka z «dobrymi ruskimi» — Prakopjeŭ raskazaŭ pra svoj dzień inaŭhuracyi Trampa ŭ Vašynhtonie
-
U Lepieli za «ekstremizm» sudzili žančynu, jakaja słužyć u vojsku
-
Chto taja prafsajuznaja aktyvistka z MAZa, jakaja paprasiła Łukašenku razabracca ŭ jutubie z «biehłymi»?
Chto taja prafsajuznaja aktyvistka z MAZa, jakaja paprasiła Łukašenku razabracca ŭ jutubie z «biehłymi»?18
Kamientary