Hramadstva88

Łukašenka kazaŭ pra «samyja vysokija technałohii» dla ataki ŭ Mačuliščach. A što pakazała BT?

Ataka na samalot u Mačuliščach. Kolki mahła kaštavać technika dla jaje? Učarašni film ATN dazvalaje paličyć.

Technika, jakuju pakazali ŭ filmie BT. Fota: «Biełaruś 1»

Voś dakładnaja cytata Łukašenki z narady ad 7 sakavika:

«SBU, kiraŭnictva CRU ci to zboku, ci to za śpinaj, raspracoŭvajuć apieracyju suprać Respubliki Biełaruś… Jon [Mikałaj Šviec] byŭ zavierbavany śpiecsłužbaj Ukrainy ŭ 2014 hodzie. Ajcišnik abo dobra raźbirajecca ŭ IT-technałohijach.

Toje, što my ŭbačyli, realizujučy apieracyju ŭ Biełarusi, — heta sapraŭdy było niešta niejmaviernaje. Byli zadziejničany samyja vysokija technałohii. Jon byŭ navučany ŭsiamu hetamu nie za adzin miesiac. Paśla padrychtoŭki jon byŭ maršrutavany (tak havorać u KDB?) na našu terytoryju».

Čym ža karystaŭsia Šviec i jak vyhladała jaho supiertechnika?

Na videa BT demanstrujecca jahony «miehainstrumient» — jon na skrynšocie. 

Instrumient, jaki naležaŭ Šviacu. «Levaja» sim-karta, nož, nažnicy, supierklej i aśpiryn. Fota: «Biełaruś 1»

Łukašenka, a za im i prapahandysty (da prykładu, Juryj Cierach, aŭtar kanała «Ludažory») pačali raspaviadać, što byli zajdziejničany niejmaviernyja technałohii, i voś heta, maŭlaŭ, ruka zachodnich śpiecsłužbaŭ.

Ale toje, što pakazali ŭ filmie BT, całkam abviarhaje hetuju viersiju. Dla raźviedki vykarystoŭvaŭsia zvyčajny kamiercyjny dron DJI Phantom II, jaki ŭ Jeŭrasajuzie (a pa viersii prapahandy mienavita adtul pastupili drony) možna nabyć z ruk za 250—400 jeŭra ŭ zaležnaści ad stanu. Jany ŭžo nie vypuskajucca, tamu tolki z ruk. Akramia taho, dron na videa jaŭna «bity» — na im nie aryhinalny korpus i jon maje ślady samatužnaha ramontu.

«Miehadron» DJI Phantom II. Druhoje fota źleva — dron sa śladami ramontu, na pieršym vidać niearyhinalny korpus (adnastajna bieły, biez łoha). Fota: «Biełaruś 1», Allegro.pl 

Dalej havorka pra hatovyja FPV-drony DJI FPV Combo. Ich cana ŭ Jeŭropie, kali brać novyja, — ad 1000 jeŭra, a kali brać z ruk, to ad 700—800 jeŭra z ulikam padatkaŭ. U Biełarusi jany ŭdvaja daražejšyja.

Dron DJI FPV Combo. Fota: «Biełaruś 1» i Ebay.com

Dalej havorka idzie pra retranślatar dla FPV-drona. Kali pahladzieć hajdy ŭ internecie, to jon budzie kaštavać ad 50 da 200 jeŭra ŭ zaležnaści ad «zborki». U filmie pakazvajuć toje, što «pradajuć» jak retranślatar, — jon vyhladaje zusim niedarahim i zrobleny byŭ vidavočna samatužna.

Mahčyma, tak vyhladaŭ sabrany retranślatar. Fota: «Biełaruś 1»

Ahułam, pa našych padlikach, cana techniki dla ataki skłała ad dźviuch da troch tysiač jeŭra razam z drobnymi «raschodnikami». Takim čynam, śćviardžeńni dziaržprapahandy nie majuć pad saboj anijakaha hruntu.

Chutčej za ŭsio, heta jašče adna sproba Łukašenki apraŭdacca pierad Rasijaj za pravał z samalotam, maŭlaŭ, tut usio syšłosia: i CRU z SBU, i «najnoŭšyja technałohii», i «kalektyŭny Zachad», i «bolš za 20 čałaviek».

«Naša Niva» — bastyjon biełaruščyny

PADTRYMAĆ

Čytajcie jašče:

Ci zatrymali tych biełarusaŭ, chto vyvieŭ z ładu samalot u Mačuliščach? Nikoha nie pakazali

Ukraincy pakazali načynku iranskaha bieśpiłotnika. Vyjaviłasia, što ŭ im staić zachodniaja elektronika

Stała viadoma, chto taki Jakucik, pra jakoha pa ŭsioj Biełarusi dapytvali strałkoŭ, i ŭ čym jaho abvinavačvajuć

Kamientary8

  • … ili odna pula vsie riešit
    10.03.2023
    Tak Valet tolko v płafonach i raźbirajetsia, šlepało odnim słovom - kakaja jemu možiet byť viera, jeśli za 29 let on stolko užie nahovorił, stolko raz vrał, pričiom cinično, a količiestvo sovieršiennych im priestuplenij, tak voobŝie nie poddajetsia podsčietu - po sovokupnosti potianiet na tri požiźniennych sroka ili …
  • Vazhanio
    10.03.2023
    Ni odnim iz pokazannych na skrišnotach dronach nie byli śniaty tie vidieo( s posadkoj na samolot i vtoroj priedpołožitielno so vzryvom). Dostatočno zahuhliť vidieo s etich dvuch DJI dronov i budiet vidno, čto eto točno nie oni.Dadać kamientar
  • mietronom
    10.03.2023
    "Proisšiestvije" riealno vyzvało hrandioznyj avrał v riadach prikormlennoj propahandistskoj bratii i v riadach łukavoj viertikali śnizu do samoho vierchu. Jeśli by eti "proisšiestvija" povtorialiś by čaŝie viertikal s lehkosťju vošła by v sobstviennyj riezonans...

FBR nazvała imia taho, chto stralaŭ u Trampa18

FBR nazvała imia taho, chto stralaŭ u Trampa

Usie naviny →
Usie naviny

51 nobieleŭski łaŭreat zaklikaŭ nieadkładna spynić vajnu va Ukrainie i kanflikt u siektary Haza13

U honar biełaruskaha bajca nazvali vulicu va ŭkrainskim Kanatopie1

Budanaŭ pra pahrozu nastupu RF z poŭnačy: Katastrofy niama, ale nie bačyć prablem nie atrymajecca2

Zaŭtra ŭ Biełarusi budzie da +35°S, ale ŭ Minsku «ŭsiaho» +30°S3

Pryncesa Kiejt Midłtan naviedaje finał Uimbłdona ŭ niadzielu1

Ministarka sportu Francyi za dva tydni da Alimpijady vykupałasia ŭ Sienie, ledź nie paśliznuŭšysia na prystupkach VIDEA1

Paźniak pierakanany, što ŭ druhim tury vybaraŭ-1994 pieramoh by Łukašenku121

Miesiacy karcaru i dva z pałovaj hady biez sonca. Jak małady minčuk prajšoŭ praz kałoniju i krytuju turmu5

Novyja Patriot i SAMP/T nie zmohuć abaranić Charkaŭ, Sumy, Mikałajeŭ i Čarnihaŭ — analityki

bolš čytanych navin
bolš łajkanych navin

FBR nazvała imia taho, chto stralaŭ u Trampa18

FBR nazvała imia taho, chto stralaŭ u Trampa

Hałoŭnaje
Usie naviny →