Vajna22

Sistema Patriot dazvolić ukrainskaj armii źniščać rasijskija kompleksy S-300

Ukraina maje atrymać pieršyja zienitna-rakietnyja kompleksy Patriot. Vajskovy ekśpiert Aleh Ždanaŭ raskazaŭ, što efiekt ad hetaha budzie jak pramy, tak i ŭskosny.

Zienitna-rakietny kompleks Patriot. Fota: AP

U svaim videastrymie Aleh Ždanaŭ adznačyŭ, što isnujuć dźvie viersii sistemy Patriot — PAC 2 i PAC 3. Apošniaja na siońnia najbolš raspaŭsiudžana. Mienavita jana pastaŭlajecca ZŠA ŭ inšyja krainy.

Kompleks PAC 2, jaki pačaŭ vyrablacca jašče ŭ 1987 hodzie, maje kaeficyjent paražeńnia samalotaŭ 0,8—0,9; pa rakietach taki kaeficyjent značna mienšy — 0,3—0,4. Heta značyć, što ź dziesiaci vypuščanych voraham rakiet kompleks moža likvidavać tolki 3—4. I heta tolki ŭ tym vypadku, kali rakieta nie stvaraje pieraškod. Tamu na siońnia hetaja viersija nie pastaŭlajecca.

U 1997 hodzie prajšoŭ vyprabavańnie kompleks PAC 3. U 2001 hodzie jon byŭ pryniaty na ŭzbrajeńnie. Kaeficyjent źbićcia samalotaŭ u jaho zastaŭsia toj ža (0,8—0,9), a voś adnosna rakiet hety pakazčyk istotna ŭzros: na taktyčnyja rakiety jon składaje 0,6—0,8.

Istotnaja akaličnaść, na jakuju źviartaje ŭvahu ekśpiert: kompleksu PAC 3 nieabchodny spadarožnik, jaki naziraje za situacyjaj i ŭ vypadku fiksacyi pusku rakiety pieradaje infarmacyju sistemie. Naprykład, čas padlotu rakiety ad Biełharada da Charkava składaje 40—50 siekund. Z momantu pusku rakiety ŭ Patriot jość 30—40 siekund na reakcyju. Jana ŭ hetaha kompleksu składaje 10—12 siekund. Spadarožnik pieradaje kamandu sistemie, jakaja vypuskaje svaju rakietu na paražeńnie. Na heta moža spatrebicca 15 siekund. Času chapaje na toje, kab rakieta praciŭnika była źbita.

Tamu z pastaŭkaj sistem Patriot Ukraina pavinna atrymać dostup da danych raźviedki ŭ režymie anłajn. U advarotnym vypadku efiektyŭnaść Patriot rezka źnizicca.

Ekśpiert taksama adznačyŭ, što spadarožnikavaje nazirańnie dazvolić vyjaŭlać pieramiaščeńnie vajskovaj techniki, u tym liku S-300 ci S-400. Viadoma, što rasijskija zienitna-rakietnyja kompleksy (ZRK) nie znachodziacca niepasredna na linii frontu. Jany raźmiaščajucca na adlehłaści za 30—40 kiłamietraŭ. 

Ukraina maje sistemy HIMARS, dalnabojnyja snarady typu «Eskalibur», ale dla efiektyŭnaha źniščeńnia rasijskich ZRK hetaha niedastatkova. Pastaŭki sistem Patriot dazvolać atrymać dostup da danych spadarožnikavaj raźviedki ŭ režymie anłajn. Jany mohuć być vykarystany siarod inšaha i dla paražeńnia pazicyj rasijskich kompleksaŭ S-300 i S-400.

Pieršy kompleks «Petryjot», napeŭna, užo znachodzicca va Ukrainie.

Čytajcie jašče:

Ci moža supraćdronavaja strelba źbivać drony «Łancet»?

«Leapard 2» i T-72: čyj snarad bolš mahutny

Ekśpiert patłumačyŭ, što lepšaje: rasijskija BMP ci «Bredli»

Kamientary2

  • Mojša
    10.03.2023
    Dazvolić kali daduć dostup da onłajn nazirańnia, a inakš heta łom.
  • Karatkun
    10.03.2023
    Nie dazvolić. U Kałasach pad siarpom tvaim heta dakładna praanalizavana. Dziakuj

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ1

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ

Usie naviny →
Usie naviny

Eduardu Babaryku dadali paŭtara hoda źniavoleńnia2

Bajden nazvaŭ vice-prezidenta Charys Trampam. Toj rezka adreahavaŭ1

Milinkievič raskazaŭ, što biełarusy mohuć dać Jeŭropie8

Razhramili kvateru byłoha viadučaha ANT Ivana Padreza11

Amnesty International zaklikała vyzvalić Alesia Bialackaha1

Siamiejnuju paru rasijan zatrymali ŭ Aŭstralii pa padazreńni ŭ špijanažy

Šmatdzietnaj maci dali 6 hadoŭ kałonii pa 6 artykułach. Syn-padletak ź invalidnaściu čakaje jaje na voli7

Pamior biełaruski saksafanist Vital Jamuciejeŭ

Kałumbijski fanat, jaki ŭdaryŭ lidara zbornaj Uruhvaja Nuńjesa, vyjaviŭsia śviatarom FOTAFAKT2

bolš čytanych navin
bolš łajkanych navin

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ1

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ

Hałoŭnaje
Usie naviny →