U centry Tbilisi pačaŭsia treci viečar antyŭradavych pratestaŭ, na jakija hetym razam sabralisia dziasiatki tysiač čałaviek. Zhody na adklikańnie zakonaprajekta ab zamiežnych ahientach pratestoŭcy ŭžo damahlisia, taksama patrabavali vyzvaleńnia ŭsich zatrymanych u papiarednija dni.
MUS Hruzii ŭžo paviedamiła, što ŭsie zatrymanyja za administracyjnyja parušeńni ŭdzielniki akcyj pratestu vyzvalenyja. Praŭda, nie ŭdakładniajecca, ci spynienyja suprać ich spravy.
Akramia taho, rasśledavańnie kryminalnych spraŭ, źviazanych z hvałtam 7 i 8 sakavika, praciahvajecca, paviedamili hruzinskija siłaviki.
«Pravodziacca śledčyja dziejańni pa ŭstanaŭleńni, apaznańni i zatrymańni asob, jakija ŭčynili napady na supracoŭnikaŭ palicyi i inšyja hvałtoŭnyja dziejańni na mitynhu pratestu pablizu budynka parłamienta», — zajaviła pres-słužba MUS.
Plenarnaje pasiadžeńnie parłamienta Hruzii projdzie zaŭtra, 10 sakavika. Deputaty źbiarucca, kab pravalić hałasavańnie pa zakonaprajekcie ab «zamiežnych ahientach» u druhim čytańni i hetym źniać prablemu, jakaja vyklikała chvalu pratestaŭ. Raniej havaryłasia, što heta nibyta mahčyma tolki paśla 20 sakavika.
Tym časam mitynhoŭcy vystaŭlajuć i novyja, užo bolš radykalnyja patrabavańni — siarod ich adstaŭka ŭrada.
«Usie ekstremisty ci ŭžo asudžanyja, ci źjaŭlajucca fihurantami spraŭ, jakija buduć razhledžany sudami». Švied padvodzić rysu pad represijami?23
Kamientary