Sport33

Padymać futboł daručać ahraryju-hiraviku — «Trybuna»

22 sakavika ŭ Domie futboła projdzie spravazdačna-vybarnaja kanfierencyja, dzie nazavuć imia taho, chto budzie kiravać hetym vidam sportu nastupnyja niekalki hadoŭ. I «Trybunie» ŭžo viadoma, chto ź vialikaj dolaj vierahodnaści ŭznačalić ABFF.

Adnosna taho, chto moža ŭznačalić adnu z samych klučavych spartyŭnych fiederacyj u Biełarusi, daŭno chodzić šmat čutak i viersij. Nazyvalisia imiony i Siarhieja Kavalčuka, i Siarhieja Rumasa, i Ihara Pietryšenki, i ciapierašniaha staršyni Uładzimira Bazanava.

A na pačatku sakavika, zhodna sa statutam fiederacyi, skončyŭsia pryjom zajavak na ŭdzieł u vybarach. 65-hadovy Bazanaŭ choć i vyłučany, ale, vidać, usio ž pakinie pasadu. Pa infarmacyi «Trybuny», albo za niekalki dzion da vybaraŭ, albo niepasredna ŭ dzień kanfierencyi jon maje namier adklikać svaju kandydaturu, a ŭzamien atrymaje pasadu pieršaha namieśnika fiederacyi. A paśla hetaha adzinym kandydatam zastaniecca toj čałaviek, jaki i stanie kiraŭnikom.

Hetaja kandydatura ŭźnikła vielmi niečakana — 62-hadovy čynoŭnik Mikałaj Šarśnioŭ. Pra toje, što jon praktyčna sa stapracentnaj vierahodnaściu budzie novym staršynioj ABFF, «Trybunie» paviedamili niekalki krynic, jakija nie źviazanyja pamiž saboj.

Uradženiec vioski Pryhuzki Aršanskaha rajona — patomny i prafiesijny ahraryj, jon u 1983 hodzie skončyŭ zaainžynierny fakultet Viciebskaj dziaržaŭnaj akademii vieterynarnaj miedycyny pa śpiecyjalnaści «Zaatechnija». Paśla try dziesiacihodździ pracavaŭ na kiraŭničych pasadach u kałhasach i inšych ahrapradpryjemstvach, zajmaŭ čynoŭnickija pasady siaredniaha źviana ŭ ahrarnaj śfiery, uznačalvaŭ «Biełptuškapram» i «Minabłptuškapram», z 2012-ha pa 2014-y źjaŭlaŭsia hienieralnym dyrektaram 1-j Minskaj ptuškafabryki.

U vieraśni 2014-ha Šarśnioŭ byŭ pryznačany pamočnikam Łukašenki pa Viciebskaj vobłaści, a litaralna praź niekalki miesiacaŭ staŭ staršynioj Viciebskaha abłvykankama, dzie pracavaŭ da kanca 2021-ha. Ukazam Łukašenki jon byŭ adpraŭleny ŭ adstaŭku ŭ adzin dzień sa staršynioj režymnaj CVK Lidzijaj Jarmošynaj.

Paśla hetaha Šarśniova adpravili ŭ Akademiju navuk, dzie jon dahetul zajmaje pasadu načalnika hałoŭnaha ŭpraŭleńnia inviestycyjna-vytvorčaj dziejnaści i administracyjna-haspadarčych pytańniaŭ.

Da futboła niepasrednaha dačynieńnia Šarśnioŭ dahetul nie mieŭ, ale raniej mieŭ pośpiechi ŭ hiravym sporcie, dy i da hetaha času ŭdzielničaje ŭ spabornictvach pa žymie štanhi ležačy i padymańni hiry. U 2017 hodzie jon navat ustanaviŭ rekord Biełarusi dla svajho ŭzrostu ŭ žymie štanhi ležačy. Bolš za toje — u listapadzie 2019-ha Šarśnioŭ u składzie zbornaj Biełarusi ŭdzielničaŭ u čempijanacie śvietu pa hiravym sporcie, jaki prachodziŭ u Hrodnie, dzie padniaŭ 32-kiłahramovy snarad 53 razy za adnu chvilinu i staŭ z rekordam spabornictvaŭ čempijonam śvietu ŭ svajoj uzrostavaj katehoryi.

Prychod Šarśniova ŭ ABFF — nibyta, inicyjatyva źvierchu. Adtul, kažuć, pryjšło rasparadžeńnie znajści čynoŭniku «bolš hodnuju pasadu, čym ciapier u NAN».

Adnosna inšych pasad u ABFF, prahnazujecca, što siabar Bazanava Juryj Viarhiejčyk stracić pasadu pieršaha namieśnika staršyni i skancentrujecca na pracy staršynioj fiederacyi futboła Minska, jakim «abrany» ŭ krasaviku 2022 hoda. 

A adnym z namieśnikaŭ Šarśniova nibyta płanujuć zrabić byłuju futbolnuju zorku Alaksandra Hleba, jaki zaśviedčyŭ siabie ŭ apošnija hady jak niepachisnaha prychilnika režymu. Pakul, praŭda, zapłanavana, što Hleb budzie vykonvać bolš pradstaŭničyja funkcyi. «Stanie havoračaj hałavoj», — kažuć krynicy «Trybuny», heta značyć, budzie pradstaŭlać ABFF na roznych mierapryjemstvach unutry krainy i za jaje miežami.

Miesca dla Hleba nibyta maje vyzvalić 73-hadovy Michaił Vierhiajenka, a voś eks-supracoŭnik achovy Łukašenki Michaił Botnikaŭ zastaniecca Šarśniovu ŭ spadčynu ad bazanaŭskich časoŭ.

Taksama ŭ ścienach ABFF aktyŭna chodziać razmovy pra toje, što źmienicca i pres-sakratar fiederacyi. Hetuju pasadu ŭžo daŭno zajmaje 34-hadovy Alaksandr Alejnik, čyj baćka Siarhiej Alejnik z 13 śniežnia 2022 hoda ŭznačalvaje Ministerstva zamiežnych spraŭ Łukašenki.

Z vysokaj dolaj vierahodnaści Alejnik-syn paśla vybaraŭ u fiederacyi pojdzie na pavyšeńnie — stanie hienieralnym sakratarom ABFF. Ciapier hetuju pasadu zajmaje 39-hadovy Siarhiej Žardziecki.

Kamientary3

  • Abu
    09.03.2023
    Nu, para lišnich hiraŭ na nohi biełaruskamu futbołu ŭžo nie zmoža zrabić situacyju horšaj, čym jana jość zaraz.
  • Josik
    09.03.2023
    Kali krepkija chaziajstviniki biarucca za spravu - čakaj vynik nulavy. Za zbornuju pavinny hulać nie za hrošy. A u nas hulać niama kamu, najaddaniejšyja nie hulcy, tak, pichni pavalusia.
  • daviedka
    09.03.2023
    Druhoj kriepkij ahrarij-choziajstvieńnik Siemion Šapiro kak-to podnimał chokkiej, a užie potom była sieť «Vitalur»...

Padrabiaznaści teraktu Kryhiera pad Aziaryščam — razburanyja špały i nivodnaha paranienaha

Padrabiaznaści teraktu Kryhiera pad Aziaryščam — razburanyja špały i nivodnaha paranienaha

Usie naviny →
Usie naviny

Sotni busłoŭ sabralisia na adnym poli la Hrodna FOTAFAKT2

Kolkaść lehkavikoŭ na biełaruska-polskaj miažy vyrasła da hihanckich 3501

Pamočnik hiendyrektara mazyrskaha NPZ pamior na pracy. Niadaŭna jaho abvinavačvali ŭ raspaŭsiudzie ekstremizmu4

Kamała Charys zaručyłasia davieram usich lidaraŭ Demakratyčnaj partyi1

Kamału Charys užo padtrymali Klintany, Abama maŭčyć

Jak apytańni aceńvajuć šansy Kamały Charys pieramahčy Donalda Trampa na vybarach u ZŠA1

Afiora na 3 młrd: Nestlé hadami pradavała vadu z krynic ź fiekalijami i bakteryjami pad vyhladam pryrodnaj minieralnaj9

Chto takaja Kamała Charys — kandydatka ŭ prezidenty ZŠA ad demakrataŭ zamiest Bajdena8

Miž tym u Bajdena navat hałava nie tresłasia28

bolš čytanych navin
bolš łajkanych navin

Padrabiaznaści teraktu Kryhiera pad Aziaryščam — razburanyja špały i nivodnaha paranienaha

Padrabiaznaści teraktu Kryhiera pad Aziaryščam — razburanyja špały i nivodnaha paranienaha

Hałoŭnaje
Usie naviny →