Śviet2121

Rasijskija apazicyjaniery prasili ES źniać sankcyi z ułaśnikaŭ «Alfa-hrup». Dakumienty źliŭ Vieniadziktaŭ

Publikacyja dakumientaŭ vyklikała skandał u kołach rasijskaj apazicyi.

Leanid Vołkaŭ, kiraŭnik Fondu pa baraćbie z karupcyjaj. Fota Deutsche Welle

Šerah rasijskich apazicyjanieraŭ aficyjna paprasili lidaraŭ ES vyklučyć z sankcyjnaha śpisu miljarderaŭ, «jakija krytykujuć vajnu va Ukrainie». Majucca na ŭvazie Michaił Frydman, Piotr Avien, Hierman Chan i Alaksiej Kuźmičoŭ — uładalniki karparacyi «Alfa-hrup», jakija trapili pad sankcyi krain Zachadu razam ź inšymi vysokapastaŭlenymi rasijanami paśla napadu Rasii na Ukrainu.

Adpaviedny list z chadajnictvam byŭ źlity ŭ internet byłym hałoŭnym redaktaram «Echa Moskvy» Alaksiejem Vieniadziktavym.

Siarod padpisantaŭ hetaha lista vyjavilisia takija rasijskija apazicyjnyja dziejačy, jak:

  • kiraŭnik FBK Leanid Vołkaŭ (adzin z hałoŭnych paplečnikaŭ Alaksieja Navalnaha). Pry hetym u samym pačatku skandału apazycyjanier zajaviŭ u tvitary, što jaho podpis pad zvarotam byŭ tudy «dadadzieny ŭ fotašopie», a paźniej pryznaŭ fakt zvarotu,
  • zasnavalnicy telekanała «Dožd́» Natalla Sindziejeva i Viera Kryčeŭskaja,
  • palityk Leanid Hozman,
  • biźniesoviec Jaŭhien Čyčvarkin,
  • ekanamist Uładzisłaŭ Inaziemcaŭ,
  • žurnalisty Siarhiej Parchomienka i Leanid Parfionaŭ.
Adna sa źlitych u sietku fatahrafij, na jakich bačnyja padpisanty zvarotu. Fota: telehram-kanał Alaksieja Vieniadziktava

Akramia hetaha, Vieniadziktaŭ apublikavaŭ jašče adzin list, jaki byŭ adpraŭleny kiraŭnikom Fondu baraćby z karupcyjaj Leanidam Vołkavym na adras viarchoŭnaha pradstaŭnika ES pa zamiežnych spravach Žazepa Barela. U im Vołkaŭ prasiŭ źniać sankcyi z uładalnikaŭ «Alfa-hrup» i inšych rasijskich pradprymalnikaŭ, jakija «niespraviadliva trapili ŭ čorny śpis».

«Asobna varta pahavaryć pra sankcyi ŭ dačynieńni da tak zvanych «aliharchaŭ», bujnych pradprymalnikaŭ, jakija nie ŭvachodziać va rasijski ŭrad. Nakolki my bačym, mienavita jany stali samymi vialikimi achviarami sankcyj Jeŭrasajuza, i heta ŭjaŭlajecca niespraviadlivym», — pisaŭ u liście Vołkaŭ.

U vyniku źlivaŭ u rasijskich kołach adbyŭsia surjozny skandał, jaki prymusiŭ kiraŭnika FBK «uziać paŭzu ŭ svajoj publičnaj dziejnaści». Adpaviednuju zajavu jon apublikavaŭ 9 sakavika u svaim telehram-kanale.

«U kastryčniku 2022 hoda ja padpisaŭ i adpraviŭ u ofis Žazepa Barela zvarot. Hety list byŭ vialikaj palityčnaj pamyłkaj. Horš za toje, zrabiŭšy heta, ja pieravysiŭ svaje paŭnamoctvy — padpisaŭ jaho nie ad ułasnaha imieni, a ad usiaho FBK, čym jaho i padstaviŭ.

Ja dumaŭ, što u toj momant skłałasia ŭdałaje stanovišča dla zapusku łancuhovaj reakcyi i nastupnaha raskołu rasiejskich elitaŭ. Ja pamyliŭsia.

Tamu ja pryniaŭ rašeńnie ŭziać paŭzu ŭ svajoj publičnaj dziejnaści ŭ jakaści kiraŭnika FBK. Ja chaču paprasić prabačeńnia va ŭsich, čyj davier nie apraŭdaŭ, asabliva ŭ Alaksieja Navalnaha, bo hetuju historyju buduć na ŭsiu moc suprać jaho raskručvać u Kramli», — napisaŭ Vołkaŭ.

Nahadajem, što jašče ŭletku 2022 hoda źjaŭlalisia źviestki pra toje, što z sankcyjnych śpisaŭ ES mohuć vyklučyć niekatorych rasijskich aliharchaŭ, u tym liku ź niekalkich uładalnikaŭ «Alfa-hrup». 

Mnohija z hetych ludziej krytykavali rasijskaje vajennaje ŭvarvańnie va Ukrainu, adnak nichto ź ich adkryta nie vystupaŭ suprać Uładzimira Pucina.

42-hadovy Leanid Vołkaŭ kiravaŭ štabam Navalnaha pierad prezidenckimi vybarami 2018 hoda, da jakich rasijskaha antykarupcyjnaha błohiera nie dapuścili. Ën byŭ vymušany pakinuć Rasiju ŭ 2019 hodzie, kali suprać jaho była zaviedzienaja palityčna matyvavanaja kryminalnaja sprava. Ale praciahvaŭ kiravać Fondam baraćby z karupcyjaj, vakoł jakoha hurtavalisia praciŭniki pucinskaha režymu.

Rasijskija błohiery vykazvajuć mierkavańnie, što Vieniadziktaŭ apublikavaŭ hetyja dakumienty ŭ adpłatu za daŭno apublikavanaje Fondam Navalnaha rasśledavańnie jaho suviaziaŭ z Kramlom.

«Bura ŭ rasiejskaj šklancy vady» — taki zahałovak daje svajmu artykuł pra hety skandał Rasijskaja słužba Bi-Bi-Si.

Kamientary21

  • Lonia Vołkov i Ko, Čiej Krym?!
    09.03.2023
    Čto opiať «chorošije» uzzkije riešili otmazať putinskich oliharchov - moł oni žie ni v čiem nie vinovaty, oni nie mohut zapraviť svoi elitnyje jachty, čtoby i dalšie baryžiť na polzu pitierskomu pachanu. Eto vy jeŝie nie vidieli ich posty za 2014 hod. Niet v rf nikakich libierałov - jesť impiercy, kotoryje poka na puti do koryta, a kak dorvutsia do nieho - tak srazu projavitsia vieś ich impierskij šovinizm!
  • jenleł
    09.03.2023
    Vsie čto nado znať pro rośsijskich libierałov. Jeŝie Łatynina vsiehda Alfa-hrup vyhoraživajet. Vsie prodažnyje
  • Čorny vus
    09.03.2023
    "Kachała" žaba hadziuku

Stała viadoma pra aryšt historyka Ihara Mielnikava16

Stała viadoma pra aryšt historyka Ihara Mielnikava

Usie naviny →
Usie naviny

Byłaja palitźniavolenaja: Maja siamja patraciła za dva hady $10 tysiač na advakataŭ i pieradačy dla mianie1

«Kali b mnie płacili — siadzieła b i čytała ludziam knihi, navat za małyja hrošy». Intervju z aktrysaj Zojaj Biełachvościk2

U voziery Śviciaź zabaranili kupacca. U čym pryčyna?1

Mercedes urezaŭsia ŭ Fiat, a paśla źbiŭ dvuch čałaviek

Tramp staŭ najstarejšym kandydatam na pasadu prezidenta ZŠA ŭ historyi5

Minsk apynuŭsia ŭ topie samych tannych haradoŭ śvietu — za žyllo treba płacić u 10 razoŭ mienš, čym u Ńju-Jorku7

Pieršyja prablemy biełarusaŭ na Alimpijadzie ŭ Paryžy. Vieślary ŭžo tam, a łodki nie prapuścili 

Topavy amierykanski časopis sprahnazavaŭ, kolki biełarusy zavajujuć miedaloŭ na Alimpijadzie. U rasijan budzie nul

Charys zaručyłasia dastatkovaj padtrymkaj dla vyłučeńnia kandydatam u prezidenty

bolš čytanych navin
bolš łajkanych navin

Stała viadoma pra aryšt historyka Ihara Mielnikava16

Stała viadoma pra aryšt historyka Ihara Mielnikava

Hałoŭnaje
Usie naviny →