Hramadstva55

«Zmaharydze — usio!» Łukašenkaŭskija prapahandysty ŭ hruzinskich padziejach vybrali svoj bok

Pratesty ŭ Hruzii źviarnuli ŭvahu ŚMI ŭ roznych krainach. Pradstaŭniki režymu Łukašenki pakul što nijakich publičnych zajaŭ nakont ich nie rabili, ale staŭleńnie da hetych padziej možna zrazumieć z reakcyj praŭładnych prapahandystaŭ.

Aficyjnaja BiełTA pieradrukoŭvała naviny sa spasyłkaj na rasijskija infarmacyjnyja ahienctvy. Asobna jana padkreślivała prajeŭrapiejskuju aryjentacyju mitynhoŭcaŭ.

Prapahandyst Ryhor Azaronak 8 sakavika ŭ 22:21 ź vialikim zadavalnieńniem paviedamiŭ ab razhonie pratestoŭcaŭ. U hetym jon znajšoŭ paraleli z pratestami ŭ Biełarusi. «Zmaharydze — usio! Kancert kala hruzinskaha parłamienta na siońnia skončany. Humovyja kuli i haz svaju spravu zrabili». I cynična prahnazuje, što «ŭžo ŭ hetyja chviliny hruzinskija pratestuny pišuć u sacsietkach historyi ab žorstkich masavych zhvałtavańniach i niepravamiernym vykarystańni humovych dubinak na niečyich srakach».

Pozna ŭnačy, užo 9 sakavika, na padziei adreahavała Ksienija Lebiedzieva. Jaje simpatyi taksama na baku partyi «Hruzinskaja mara».

A ŭžo siońnia zranku na padziei pa kamandzie adhuknulisia rehijanalnyja prapahandysty. Telehram-kanał «Hrodnienskije ślivy» raźmiaściŭ frahmient videa, na jakim pratestoŭcy sprabujuć raźbić łaŭku, z kamientarami: «Pa tradycyi, 5 tysiačam zachaciełasia svabody, miarkujučy z usiaho, ad škła ŭ budynku ŭrada i łavak u parku». Situacyju u krainie jany apisali tak: «Prosiacca ŭ ES, elity kormiacca z amierykanskaj ruki, a zarablajuć na kurortnikach z Rasii. Žabrackaja kraina choča vyhladać jak Ukraina».

U toj čas jak asobnyja prapahandysty prosta kpili z pratestoŭcaŭ, analiz padziej zrabiŭ Alaksandr Špakoŭski. Užo paśla taho, jak stała viadoma pra razhon mitynhu, jon vykazaŭ mierkavańnie, što za dziejańniami ŭładaŭ Hruzii staić Turcyja, a taksama aliharch Ivanišvili, jaki «imkniecca stać paŭnavartasnym haspadarom krainy». Špakoŭski chvalić dziejańni hruzinskaha kiraŭnictva pa «zabieśpiačeńni realnaha suvierenitetu». 

Na dumku Špakoŭskaha, «dziejańni ŭłady pa zbaŭleńni ad kałanijalnaj zaležnaści nie mahli nie pryvieści da sacyjalnaha vybuchu» u krainie, «dzie doŭhi čas haspadaryŭ Zachad».

9 sakavika zranku na naviny z Hruzii adhuknuŭsia rasijski palitołah Andrej Suzdalcaŭ, jaki doŭhi čas žyŭ u Biełarusi i śpiecyjalizavaŭsia na biełaruskaj temie. Jon ličyć, što zakon ab zamiežnych ahientach, z-za jakoha i pačalisia pratesty, tolki nahoda. Na samoj spravie staić zadača nie prosta źmieny ŭłady šlacham Majdanu, a viartańnie Hruzii ŭ rečyšča palityki NATA ŭ adnosinach da Rasii. Jon nazyvaje i zamoŭcaŭ: Vašynhton i Kijeŭ, jakija, maŭlaŭ, zacikaŭlenyja ŭ adkryćci «druhoha frontu» suprać Rasii i poŭnaj izalacyi ad Rasii Armienii.

U samych roznych pytańniach, u tym liku mižnarodnaj palityki, łukašenkaŭskaja prapahanda ŭ apošnija hady idzie ŭ rečyščy ŭstanovak rasijskaj.

Kamientary5

  • :
    09.03.2023
    Ničieho, skoro nastuplenije VSU ich udivit.
  • Hrihorišvili Azaridzie
    09.03.2023
    Hrihorij Azarienok izbran diekanom fakultieta iziaŝnoj łukašienkovskoj słoviesnosti.
  • Žieleznyj Drovosiek
    09.03.2023
    Do čieho ž kondovyje kołchoźniki,do čieho ž tormoza! Užie otozvali zakon,eto tiepieŕ russkije podstiłki—vsie!

U Varšavie zatrymali byłoha palitviaźnia Ihara Bancara — heta jon pryjšoŭ u Ministerstva siamji sa zbrojaj9

U Varšavie zatrymali byłoha palitviaźnia Ihara Bancara — heta jon pryjšoŭ u Ministerstva siamji sa zbrojaj

Usie naviny →
Usie naviny

Jeŭrasajuz spyniaje zakupki mebli ź Biełarusi5

Na «Słavianskim bazary» pa danosie zatrymali dziaŭčynu z tatuiroŭkaj «ch*j vajnie»14

Ksiondz Andžej Juchnievič: Mianie mohuć za heta sudzić, ale ja chaču publična vykazać salidarnaść z bratami-ŭkraincami5

U Biełaviežskaj puščy małanka razarvała 200-hadovy dub VIDEA1

Rasija vykarystoŭvaje dla pieravozu piachoty holf-kary i biełaruskija matacykły. Ad hetaha straty rastuć11

Alimpijadu-2024 u Biełarusi nie pakažuć7

Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju14

Žychary Mazyra stali ŭ hihanckuju čarhu, kab padzaradzić telefony VIDEA5

Za danat $15 zatrymali staršaha śpiecyjalista pa teściravańni minskaj IT-kampanii

bolš čytanych navin
bolš łajkanych navin

U Varšavie zatrymali byłoha palitviaźnia Ihara Bancara — heta jon pryjšoŭ u Ministerstva siamji sa zbrojaj9

U Varšavie zatrymali byłoha palitviaźnia Ihara Bancara — heta jon pryjšoŭ u Ministerstva siamji sa zbrojaj

Hałoŭnaje
Usie naviny →