U Hruzii vybuchnuli masavyja pratesty suprać pryniaćcia zakona ab «zamiežnych ahientach»
U Tbilisi siońnia prachodzić šmattysiačnaja akcyja pratestu. Mitynhoŭcy vystupajuć suprać zakonaprajekta ab ahientach zamiežnaha ŭpłyvu, jaki deputaty parłamienta pryniali 7 sakavika ŭ pieršym čytańni.
Na płoščy pierad budynkam parłamienta sabrałasia bolš za 10000 čałaviek.
Palicyja pierakryła ŭvachody ŭ budynak, a paśla ŭ MUS Hruzii zajavili, što akcyja nabyła hvałtoŭny charaktar i ŭžyli ŭ dačynieńni da pratestoŭcaŭ ślezaciečny haz i vadamioty. Pratestoŭcy taksama kidajuć «kaktejli Mołatava».
Prezidentka Hruzii Sałame Zurabišvili padtrymała pratestoŭcaŭ i paabiacała nakłaści na zakon vieta, kali dakumient budzie pryniaty ŭ parłamiencie.
«Ja źviartajusia da tych, chto siońnia ŭviečary staić na Rustaveli, ja pobač z vami, tamu što vy pradstaŭlajecie svabodnuju Hruziju. Nichto nie maje prava zabirać u vas vašu budučyniu. Nichto nie maje prava stavić pastki», — skazała ŭ svaim zvarocie Zurabišvili.
Dziejańni hruzinskaha ŭrada vyklikajuć krytyku i za miežami krainy. Dziarždepartamient ZŠA zajaviŭ, što nie vyklučaje mahčymaści ŭviadzieńnia sankcyj u dačynieńni da pradstaŭnikoŭ uładaŭ Hruzii praź situacyju vakoł zakona ab «zamiežnych ahientach».
«U nas jość šerah instrumientaŭ, jakija dazvalajuć pryciahnuć da adkaznaści luboha ŭ luboj krainie za ŭmiašańnie ŭ realizacyju taho, što źjaŭlajecca univiersalnym pravam čałavieka», — adznačyŭ pradstaŭnik Dziarždepartamienta Ned Prajs.
Ajcišnik z EPAM, jaki žyvie ŭ ZŠA, naviedaŭ Biełaruś. Ciapier jamu pahražaje da siami hadoŭ kałonii3
Kamientary