Baćku šaściarych dziaciej asudzili na dva z pałovaj hady kałonii
U sudzie Maładziečanskaha rajona asudzili Dźmitryja Łazara pavodle art. 391 (Abraza sudździ abo narodnaha zasiadaciela), art. 369 (Abraza pradstaŭnika ŭłady), č. 1 art. 368 (Abraza Łukašenki) Kryminalnaha kodeksa, piša «Viasna».

Sudździa Dzianis Barejka pryznačyŭ Dźmitryju dva hady i šeść miesiacaŭ pazbaŭleńnia voli ŭ kałonii va ŭmovach ahulnaha režymu i štraf pamieram 100 bazavych vieličyniaŭ (3700 rubloŭ). Dziaržabvinavačvańnie padtrymała pamočnica prakurora Julija Žuk.
Dźmitryja abvinavacili ŭ tym, što jon u telehram-čacie pakinuŭ abraźlivyja kamientary ŭ dačynieńni da minskaj prakurorki Žany Baranavaj, kapitana minskaj milicyi DAI Pakładka, kapitana babruskaj milicyi AMAP Bykava, sudździ suda Leninskaha rajona Hrodna Mikałaja Siarhiejki, majora milicyi, namieśnika načalnika adździeła achovy pravaparadku i prafiłaktyki RUUS Frunzienskaha rajona Marcula, siaržantaŭ milicyi AMAP Mahiloŭskaha abłasnoha UUS Saratasa i Małafieja.
Kamientary