Biełarus spaźniaŭsia na samalot z Maskvy ŭ Minsk, a kab zatrymać rejs i ŭsio ž paśpieć, jon nie prydumaŭ ničoha lepšaha, jak paviedamić, što mašyna zaminiravanaja, paviedamlaje MUS Biełarusi. Suprać jaho zaviali kryminalnuju spravu.
Spačatku pasažyr, bačačy, što spaźniajecca na samalot, prasiŭ pa telefonie praciahnuć jamu čas rehistracyi. Jamu, naturalna, admovili, i tady mužčyna adrazu paabiacaŭ zaminiravać bort, a potym napisaŭ na elektronny adras avijakampanii i list z tymi ž pahrozami.
U vyniku svajho čałaviek damohsia i miesca ŭ samalocie zaniaŭ, adnak milicyja jaho nieŭzabavie vyličyła i zatrymała.
«Minioram» akazaŭsia 40-hadovy žychar Połacka, jakoha zatrymali adrazu ž paśla prylotu ŭ Minsk. Suprać jaho zaviali kryminalnuju spravu za zahadzia iłžyvaje paviedamleńnie ab niebiaśpiecy. Ciapier mužčynu pahražaje da 7 hadoŭ pazbaŭleńnia voli. Akramia taho, ź jaho spahoniać materyjalnuju kampiensacyju za vydatki pa zatrymcy rejsa i praviadzieńni pravierki.
Cichanoŭskaja pavinšavała tvitar z hadavinaj bitvy pad Oršaj. I tut pačałosia13
Cichanoŭskaja pavinšavała tvitar z hadavinaj bitvy pad Oršaj. I tut pačałosia
«Samaje hałoŭnaje ciapier — zabiaśpiečvać subjektnaść Biełarusi». Franak Viačorka raskazaŭ, ci jość stratehija ŭ demsiłaŭ i na što ŭpłyvaje Cichanoŭskaja2727
Kamientary