Nieruchomaść55

Ad 10 da 270 tysiač dalaraŭ. Dačy ŭ vakolicach Minska pradajucca pa canie kvater

Pačatak viasny — samy čas pryhladziecca da kupli lecišča tym, chto choča mieć miesca dla letniaha adpačynku i ŭłasny ŭradžaj bulby. Ceny na hatovyja dla pražyvańnia leciščy ŭ radyusie 30 kiłamietraŭ ad Minska startujuć z adznaki 10 tysiač dalaraŭ. 

«U akružeńni šykoŭnaj infrastruktury»

Adna z takich prapanoŭ — dača za 11 kiłamietraŭ ad stalicy za 10 500 dalaraŭ ZŠA. 

Fota tut i dalej: realt.by

«Maleńkaje, ale vielmi ŭtulnaje lecišča pobač ź Minskam», — apisvajuć abjekt pradaŭcy. Maleńki tut nie tolki domik, ale i sam učastak — usiaho 4 sotki. Siarod plusoŭ — sad ź jabłyniami, ślivami, ałyčoj, vinahradnik i šmat kvietak. Aproč sada, jość pamiaškańnie dla zachoŭvańnia invientaru i dryvotnia z drovami. Tualet taksama na vulicy. 

Abahreć chatku možna z dapamohaj buržujki. Domik elektryfikavany, vodazabieśpiačeńnie siezonnaje.

Siarod pieravah lecišča haspadary adznačajuć, što sadovaje tavarystva znachodzicca siarod šykoŭnaj infrastruktury.

Dom na 60 «kvadrataŭ»

Roŭna na 14 tysiač dalaraŭ aceniena lecišča za 30 km ad MKAD u kirunku Puchavič. Ahulnaja płošča dvuchpaviarchovaha doma — 60 «kvadrataŭ», učastak standartnaha dla leciščaŭ pamieru — 6 sotak.

Domik pabudavany z hazasilikatnych błokaŭ. Z kamunikacyj jość śviatło i siezonnaje vodazabieśpiačeńnie. Sanvuzieł na vulicy. 

Interjer možna apisać adnym słovam — «dačny». 

Pobač z kramaj i prypynkam

Za 15 tysiač dalaraŭ pradajuć daču za 15 kiłamietraŭ ad MKAD u bok Łahojska. Domik 1986 hoda pabudovy mieścicca na standartnym dla leciščaŭ učastku pamieram 6 sotak. Ahulnaja płošča budynka amal 33 «kvadraty». 

Sanvuzieł znachodzicca na vulicy, jak dom vyhladaje ŭnutry — zastajecca zahadkaj, razhadać jakuju ŭdasca tolki padčas vizitu. 

Aciapleńnie piačnoje, jość elektryčnaść i śvidravina. Pa vulicy idzie haz. Pobač jość krama i prypynak hramadskaha transpartu. 

Lecišča dla adpačynku

Za 19 900 možna nabyć trochpaviarchovuju daču za 9 km ad MKAD. Dom byŭ uźviedzieny ŭ 1991 hodzie, jon pabudavany z hazasilikatnych błokaŭ i cehły.

Pamier učastka ŭsiaho 4 sotki. Haspadary adznačajuć, što lecišča pryznačana dla adpačynku, tamu nijakich hradak tam niama. 

Zamiest ich na ŭčastku vysadžany tui i inšyja dekaratyŭnyja raśliny i sadovyja drevy, jość nievialikaja sažałka i altanka. Niepadalok ad učastka jość les.

Interjer u budynku ścipły, ale pry hetym uzrovień azdableńnia dabrotami cyvilizacyi tut davoli vysoki. U dom praviedziena vada, jość bojler, sanvuzieł, dušavaja kabina, kamin i pieč.

Lecišča z haražom

U 27 500 dalaraŭ aceniena trochuzroŭnievaje lecišča z łaźniaj i haražom za 19 kiłamietraŭ ad MKAD. 

Ahulnaja płošča budynka 66 m², žyłaja — 36. Pamier učastka — 5 sotak, na im rastuć sadovyja drevy i kusty. Majecca ciaplica. U domie jość elektryčnaść i vada.

«Tavarystva hazifikavana, možna pravieści haz i ŭstalavać kacioł. Za piać chvilin chady — prypynak aŭtobusa i maršrutnaha taksi. Pobač siezonny mahazin. Sadovaje tavarystva znachodzicca pad achovaj», — havorycca ŭ apisańni da abjekta.

Interjer jak i ŭ bolšaści niedarahich leciščaŭ. Staraja mebla, špalery na ścienach, na afarbavanaj padłozie šmat starych dyvanoŭ. 

Sučasnaje lecišča z kałodziežam

Usiaho na 900 dalaraŭ daražej pradajecca sučasnaje lecišča 2016 hoda pabudovy. Za 27 900 dalaraŭ možna stać haspadarom draŭlanaha doma z ahulnaj płoščaj pad 80 kvadrataŭ. 

Dom mieścicca na ŭčastku pamieram 10 sotak. Pobač z domam kałodziež, vada ź jakoha nasosam padajecca ŭ dom. Majucca ciaplicy, altanka i haspadarčyja pabudovy.

Dom abahravajecca z dapamohaj kandycyjaniera. Jość nievialikaja łaźnia.

«Sadovaje tavarystva całkam akružana lasnym masivam. Na adlehłaści 4 km znachodziacca Zasłaŭskija aziory i horad Zasłaŭje. Niepadalek — źjezd na MKAD-2», — havorycca ŭ apisańni da abjekta.

Mikralecišča

U biudžecie 30—40 tysiač dalaraŭ pačynaje źjaŭlacca ŭsio bolš sučasnych leciščaŭ, jakija pabudavali nie ŭ savieckija časy, a ŭsiaho niekalki hadoŭ tamu. Tak, za 34 900 pradajuć mikralecišča ahulnaj płoščaj 18 m². Znachodzicca jano za 24 kiłamietry ad stancyi mietro «Kamiennaja Horka». 

Nievialički sučasny domik mieścicca na ŭčastku pamieram 8 sotak. Učastak aharodžany vysokim płotam, vykanany łandšaftny dyzajn. Da doma prylahaje krytaja terasa, bolšaja pa pamiery za sam budynak.

«Sadovaje tavarystva «Krynica-2009» akružana chvajovymi lasami, bahatymi na hryby i jahady. Za 500 mietraŭ ad učastka — voziera z čystaj vadoj i plažam», — havorycca ŭ apisańni.

Aproč elektryčnaści, u domie jość centralnaje vodazabieśpiačeńnie. Pa vulicy idzie haz. Aproč samoha mikradomika, na ŭčastku mieścicca nievialiki chleŭ, letni duš i tualet.

Skandynaŭskaje lecišča pad Minskam

Samaja darahaja dača Biełarusi znachodzicca ŭ Raŭbičach za 300 mietraŭ ad raki Usiaža. Za dačny dom 2009 hoda pabudovy prosiać 270 tysiač dalaraŭ. Budynak vykanany ŭ skandynaŭskim styli. Ahulnaja płošča doma 146 m². 

Dom pabudavany z dreva. Na pieršym paviersie mieścicca vialikaja kuchnia-haścioŭnia z kaminam i panaramnymi voknami ŭ abiedziennaj zonie. Častka pamiaškańnia maje dva pavierchi.

Na leciščy jość ułasnaja saŭna i dva sanvuzły. Na druhim paviersie try spalnyja pakoi płoščaj 12—13 «kvadrataŭ». Adzin z pakojaŭ maje vychad na bałkon.

Dom uciepleny i całkam hatovy dla kruhłahadovaha pražyvańnia. Z kamunikacyj: elektryčnaść na 220 i 380 volt, ułasnaja śvidravina i kanalizacyja, aciapleńnie hazavaje. Taksama jość sputnikavaje telebačańnie i internet.

Unizie prastornaja terasa z vuličnaj meblaj. Pamier učastka 12 sotak, na im vysadžany raznastajnyja raśliny, vykanany łandšaftny dyzajn. 

Na ŭčastku taksama raźmieščany navies dla aŭtamabila, haściavy domik, haspadarčyja pabudovy, zona dla manhała. A voś miesca dla hradak na ŭčastku samaha darahoha lecišča Biełarusi nie praduhledžana.

Pradaŭcy źviartajuć uvahu na najaŭnaść asfaltavanaj darohi da samaha doma, kramy na ŭjeździe la trasy i salidnych susiedziaŭ.

Čytajcie taksama: Samyja darahija kvatery Minska istotna prasieli ŭ canie. Voś jak vyhladajuć varyjanty za miljon dalaraŭ i bolš

Inšaziemcy nabyli ŭ Biełarusi rekordnuju kolkaść kvater

Kamientary5

  • "Potomu čto sovmiestnyj trud (dla mojej polzy) - on objediniajet. (Kot Martaskin)
    05.03.2023
    Andriej , aha

    "Pamier učastka ŭsiaho 4 sotki. Haspadary adznačajuć, što lecišča pryznačana dla adpačynku, tamu nijakich hradak tam niama."
    ale
    "Zamiest ich na ŭčastku vysadžany tui i inšyja dekaratyŭnyja raśliny i sadovyja drevy, jość nievialikaja sažałka i altanka."
    možna padumać, što dekaratyŭnyja raśliny i sažałka nie patrabujuć nu zusim nijakaha dohladu?

    kab usim hetym narmalna zajmacca, treba mieć šmat enerhii, volnaha času nu ci prysłuhi
  • Mičurin
    05.03.2023
    Davno pora eti kuriatniki pierieviesti v žiłoj fond i pieriepodčiniť upravlenije k miestnym vłastiam. Dača - eto sovsiem nie to ,čto zdieś priedstavleno
  • Maksim Dizajnier
    05.03.2023
    Novosti iz mira proletarijev i kołchoźnikov. Pokoritieli Minska riešili, čto živut v Hriecii, naviernoje, i ich chałupy stojat soiźmierimo apartamientov s vidom na morie v stranie, hdie chotia by kołbasu diełať umiejut, i nie jediat miaso s kartoškoj dva raza v dień, 5 dniej v niedielu.

Rasijski šachied vybuchnuŭ za 55 km ad Babrujska3

Rasijski šachied vybuchnuŭ za 55 km ad Babrujska

Usie naviny →
Usie naviny

Łatvija choča naohuł zabaranić mašynam ź biełaruskimi numarami pierasoŭvacca pa krainie8

Viciebskaja siamja znajšła źnikłaha svajaka praz 25 hod1

Tramp upieršyniu źjaviŭsia na publicy ź pieraviazanym vucham paśla strełaŭ u Piensilvanii FOTA1

Biełarus, jaki sarvaŭsia sa skały ŭ Kabardzina-Bałkaryi, zahinuŭ

«Bili fłahštokam, kab roŭna stajaŭ na kaleniach pierad načalnikam», — palitviazień, jaki mianiaŭ ściahi na bieł-čyrvona-biełyja, raskazaŭ pra źniavoleńnie

Unačy šachied znoŭ zalacieŭ u Biełaruś1

Na Vałožynščynie błasłavili novy pomnik na mahile śviatara, jakoha zabili kamsamolcy ŭ 1950 hodzie1

Što adbyvajecca z klimatam? Takaja śpioka letam budzie zaŭsiody?6

Biełarusa zatrymali paśla adpačynku ŭ Italii3

bolš čytanych navin
bolš łajkanych navin

Ad zaŭtra abmiežavańni na ŭjezd aŭto ź biełaruskimi numarami maje ŭvieści Litva

Ad zaŭtra abmiežavańni na ŭjezd aŭto ź biełaruskimi numarami maje ŭvieści Litva

Hałoŭnaje
Usie naviny →