Motolkohelp znajšoŭ mašynu ź milicejskaj aryjenciroŭki pra incydent u Mačuliščach
Učora, 27 lutaha, pa čatach pačała vielmi aktyŭna raskidvacca aryjenciroŭka MUS na mužčynu, jaki «ździejśniŭ asabliva ciažkaje złačynstva ŭ h.p. Mačuliščy». Papiera raspaŭsiudžvałasia minimum u 5-6 varyjantach, u adnoj byŭ pakazany koler mašyny, u druhoj — nie, u treciaj — napisana «vyśviatlajecca».
U roznych varyjantach prysutničała apisańnie aŭtamabila, na jakim źjechaŭ nibyta padazravany. Tam ža byŭ pakazany i rehistracyjny numar aŭto, jaki pisali to 7-ju (5 KS 5513), to 8-ju simvałami (5 KST 5513).
Pa-pieršaje, nieskładana było zrazumieć, što havorka idzie pra tranzitnyja numary. Motolko.help udałosia znajści mienavita hetuju mašynu.
Heta Daewoo Nubira J100 siniaha koleru 1997 hoda vypusku, piaredniepryvadny siedan na miechanicy z rehistracyjnym tranzitnym numaram 5 KS 5513 — mienavita hety aŭtamabil ciapier šukajuć siłaviki pa ŭsioj krainie.
Aŭtamabil byŭ vystaŭleny na prodaž 15 lutaha ŭ Minsku. Pa stanie na druhuju pałovu 25 lutaha ŭžo byŭ pradadzieny. Košt składaŭ 3369 rubloŭ (≈$1200).
Na adnym z fota ŭ adlustravańni aŭto možna zaŭvažyć jaho pradaŭca. Motolko.help schavaŭ tvar mužčyny, kab nie padviarhać jaho dadatkovaj ryzycy. Pa tych ža mierkavańniach nie pakazvacca spasyłka na abjavu.
Čały: Čym daŭžej Łukašenka marudzić z vybarami, tym bolš arhumientaŭ, kab jamu nie iści15
Kamientary